المشاركة الأصلية كتبت بواسطة عوض بن شفلوت المناديه (المشاركة 76654)

[poem=font="Simplified Arabic,5,black,normal,normal" bkcolor="sandybrown" bkimage="" border="none,4,gray" type=1 line=1 align=center use=ex num="0,black"]
اشوف العافيه ما هيب خفه=ولا هي كومة علاج (ن) تسفه
اذا الله رازقك بالستر دايم=ورازقك القناعه والمعفه
تراك بعافيه مير احمد الله =وعهدك مع ولي العرش وفه
لو ان كفوف هالعالم بكفك=يمين الله ماهي مثل كفه
هو اللي يعلم اسرار الليالي =يورث صفة(ن)من عقب صفه
وهو اللي يعلم اسرار الخفايا=يمد الك البخت والا يكفه
وهو اللي لا بقى الا لوجهه=اساله واستغيثه واستعفه
اساله يغفر لعثرة لساني =ليا خليت هاجوسي وشفه
وانا اللي شعري اسمى ما ملكته=وترجح كفيه بأيات كفه
اقفي عنه واشوفه اقبالي=وادقق بالطبيعه واستشفه
خذيته مهتوي وابرا الى الله=ما ادور من ورى ما اقول دفه
غناة النفس لا يعلى عليها=لو ان المال له هفه ونفه
وفعل الرجل ينبيك بمكانه=سوى انه داهيه والا مخفه
لو انها بالمظاهر شفت رجل(ن)=يعرف يسبل البشت ويلفه
وهو ما ينغزا به في المواقف=على بقعاء ليا عالت مرفه
ولو هي بالمظاهر شفت رجل(ن)=عليه شماغ عقل وثوب دفه
وهو نمر مضاريبه عطيبه=توقع جمرته في كبد حفه
وانا ادري الحظ له لعبه كبيره=يلف بوقتنا لفه ولفه
اذا الحظ ابتسم لك طاب فالك=تبين بسمته في كل شفه
وتقدرك القرايب والبعايد=وتبقى كتاب دين(ن) فوق رفه
واذا حظك تردى عزتي لك=ياجذك اللوم من ضفه لضفه
وتكرهك القرايب والبعايد=وتبقى بعين طارفهم مسفه
ومن يسعى لفعل الطيب دايم=ياخذه الطيب ويضمه لصفه
وماهو حكر لفلان الفلاني=ولا ياطى على العالم بخفه
من يدور عليه يدل بابه=لا شاف شروطه يقدم ملفه
ومن ضيع طريقه دل غيره=هبيل(ن) كل من مره يقفه
وختام الهرج ذكر الله تعالى =تكفي دفته عن كل دفه
اساله يغفر لزلة لساني =اذا خليت هاجوسي وشفه[/poem]

المشاركة الأصلية كتبت بواسطة هقاوي (المشاركة 79119)

الله الله يا عوض


ابداع في ما طرحته


كما عرفتك كلماتك و قصائدك قويه

المشاركة الأصلية كتبت بواسطة فهد المكودر (المشاركة 80571)

عوض بن شفلووت




صح والله لسانك مدد بلا عدد



قصيده وافيه من شاعر عادته الوفاء




سجل اعجابي بما كتبت

المشاركة الأصلية كتبت بواسطة عمر السخني (المشاركة 80748)

المشاركة الأصلية كتبت بواسطة سعد الحمدان (المشاركة 80752)

[poem=font="Simplified Arabic,5,black,normal,normal" bkcolor="sandybrown" bkimage="" border="none,4,gray" type=1 line=1 align=center use=ex num="0,black"]

اقفي عنه واشوفه اقبالي=وادقق بالطبيعه واستشفه
خذيته مهتوي وابرا الى الله=ما ادور من ورى ما اقول دفه
[/poem]


الشاعر القدير

عوض المنادية ..

صح لسااانكـ طال عمركـ ..

قصيدة رااائعة لشاعر رااائع ..

صيغت بعفوية متناهية ..

دمت بخير يا عوض ..

ولـكـ تحياتي وتقديري ..

اخوكـ
سعد

المشاركة الأصلية كتبت بواسطة ابن هملة (المشاركة 81308)

السلام عليكم ورحمة الله وبركاته

كما عودنا عوض بن شفلوت المنادية

وكما نتمنى منة

يتحفنى بكل رائع

عوض بن شفلوت

لا أستطيع ان اقول أكثر من رائع لان شهادتي فيك مجروجة

ولانك اكبر من الكلام الي بقولة

ولا استطيع إلا أن أقف لك احتراما وأضرب لك تحية وانت تستاهل.

المشاركة الأصلية كتبت بواسطة سعد المهداني (المشاركة 81807)

ابوعبدالرحمن



صح لسانك


وعلا شانك


تقبل تحياتي


سعد المهداني