على طاري العصيدة

وأنا صغير كانت عندي عقدة عند اكل العصيدة مع المرق وهي كيف أفقم لقمة العصيدة ؟

أفقمها يعني أقبضها وادعرمها ادعرمها ادعرمها ثم ألفها على اصبعي الابهام

والفها بباقي اصابعي لين تصير مثل فنجال القهوة ثم اعبيها مرق وازرطها

كانت عندي مشكله في ذلك وكنت انبسط لاجاتني لقمة مفقومة جازه من الشيبان الله يحفظهم

على فكره ازين ما يعجبني في اكل العصيدة والمرق شي واحد وهو :

شسشسشتتتت <<<< هذا يا طوال العمار صوت الواحد لاقدهو ياكل لقمة العصيدة وهي مليانه مرق

ياكلها بسرعه ويطلع لها صوت مثل اللي كتبته

واحد من عوال الجماعة كان قزم ومتين ومدعرم كنا نعايره ونقول له يا عصيدان هخهخهخه

بيض الله وجهك



والله يرحم أبوك رحمة واسعه


تحياتي

هذي اسمها مكوعبة وليست افقمها لانه راح بالي عند شيء ثاني هههههههههههههه

هنهم ،،،

جعله بالعافية و مشكور أخي الكريم مخاوي سهيل على الموضوع ،،

لا هنت يا بو عادل

التميز من عادة مواضيعك