المشاركة الأصلية كتبت بواسطة فراج بن محمد القرقاح (المشاركة 500064)

كل الفضـــاء

[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

كل الفضاء من كثر ماحلبي ضاق=تقول اعيش ابمحكمات الصناديق
قامت هواجيسي على القلب تنساق=سوق الذخاير من سلاح التفافيق
اصبر لهم لوعته تحرق احراق=اثقل من العارض ومن هضبة اطويق
كم ليلة مرت ونومي تشفاق=ليلي ويومي صار مافيه تفريق
كن السهر مزروع في صلب لعماق=تقول من بيني وبينه مواثيق
تبين في وجهي علامات لرهاق=والفق البسمة على الوجه تلفيق
يمرني لحظات ماهيب تنطاق=تفقدني التركيز وتنشف الريق
وقت(ن) جعل بعض العرب خيله سباق=تركض بتصفيق وتاقف بتصفيق
ايحط شيخ و تجعل احباله وثاق=ويعد من ضمن الرجال المطاليق
وهو بشكل غير وحباله دقاق=ولايساوي قرش في حزة الضيق
بالظلم والبهتان واقف على ساق=يسعا لزرع الشر بين المخاليق
دايم يسبب له حزازات وشقاق=ويحط بين الناس بغضا وتفريق
لافيه لاذمه ولا عنده اخلاق=عساه ومثاله فدا (ن) للمطاليق[/poem]

المشاركة الأصلية كتبت بواسطة عبدالله بن غفره (المشاركة 500841)

أبو محمد


جزل ومبدع دائماً
واتشرف بقراءة قصائدك النموذجية للجزالة والإبداع

صح لسانك ولاهنت على التواجد القيم والراقي

تحيتي لك يالغالي

المشاركة الأصلية كتبت بواسطة سعيد بن مانع الرفيدي (المشاركة 501503)

اررررررحب يالقرقاح



مبدع دائمآ



صح لسانك ياكحيلان

المشاركة الأصلية كتبت بواسطة عبدالوهاب آل راضي (المشاركة 503851)

صح الله لسانك يابو محمد

وافي وعادتك الجزاله نفداك


وفي انتظار جديدك

المشاركة الأصلية كتبت بواسطة مهدي بن مسفر الحبابي (المشاركة 503955)

ابو محمد

صح لسانك وبيض الله وجهك

رايعه ووافيه من وافي

لك احترامي وتقديري

المشاركة الأصلية كتبت بواسطة ابن خضير (المشاركة 504098)

صح الله لسانك وعلا شانك



بيض الله وجهك

المشاركة الأصلية كتبت بواسطة سعيد بن فايع الزهيري (المشاركة 505277)

هذاك يافــراج للخبث عشاق
يوم النشاما للمراجل عشاشيق



صح لسانك يابو محمد


قصيدة جزلة من شاعر جزل