|
سلام الله عليكم يبني قحطان
لما قرات في أحد المتديات وينوه عن هذه القصيده وأنها مقتبسه من موقع مجالس قحطان أحببت أن أتشرف بانضمامي لكم وأحب أن أضيف بعض ردود شعار شمر علي قصيده شاعر الاندلس وهنا رد لاحد أعضاء ديوانيه شمر وشعارها (( مد البحر )) [poem=font="Simplified Arabic,5,black,normal,normal" bkcolor="transparent" bkimage="backgrounds/34.gif" border="solid,4,gray" type=3 line=0 align=center use=ex num="0,black"] يامتجه للجنـوب النفـس ملتاعـه=سلم على اهل الحصاة وشيل موالي قحطان قحطان يامن العرب ضاعـه=ترسي البواخر بهم للي قعـد تالـي سفينة المجد دايم يطـرخ شراعـه=في جارهم قصةٍٍ من الصغر تحكالي اهل الكرم مدهم ماقيس في صاعـه=مازودوبه رصيـد اريـال وريالـي الطيب حاشه نمى قحطان بذراعـه=كل القبايـل خـذة منـه وتكتالـي هم بالمكارم نجومٍ ترسـل شعاعـه=يامال حمل العرب قحطان له شالـي اهل الجبل والسهل واللي سكن قاعه=عن جدهم ماذكر بـه واحـدٍٍ مالـي انتم فهود الجزيـرة ونتـم سباعـه=من دمكم في دمانـا نـزف شلالـي الضيغمي يفتخر باصلـه ومنباعـه=ياعزوته يا اعتزى في وقت الاهوالي ناصر يقوله ونـا رديـت لسماعـه=عن قصة المجد عندي كيف تروالي [/poem] رد علىقصيدة الشاعر الكبير ناصر القحطاني شمر |
وهذا رد أخرى لاحد أعضاء ديوانيه شمر وشعارها (( نجم الاسلمي )) [poem=font="Simplified Arabic,5,black,normal,normal" bkcolor="transparent" bkimage="backgrounds/34.gif" border="solid,4,gray" type=3 line=0 align=center use=ex num="0,black"] بديت باللي ينير الكون بسراجه=الواحد اللي ينيرالكون لاسمر سبحان منهو نحت للسيل مدراجه=مظهر نجومه ليامن الشفق حمر ومن بعد ذكره وردت القاف لي حاجه=وشربت لين أرتويت وخاطري زمر وبديت سيناريو شعري مع إخراجه=ردً على الشاعر اللي ماهو مقمر بالله يامودي المكتوب رح ناجه=وسلم عليه وتكلم بأسمنا شمر سلم على اللي لضيفه يضحك حجاجه=من لابةً تشبع الجيعان لاظمر تاريخ قحطان مثل الشمس وهاجة=غلطان منهو يقول الشمس تنخمر وفي حاضر اليوم شال الطيب هداجه=أنا أشهد انه على الشعار ينومر الشاعر اللي بيوت الشعر تحتاجه=ناصر لسلم الجدود الطيبه عمر هم منبع الطيب هم ساسه وإنتاجه=والطيب وسط البيوت الطيبه ثمر كريم برقً على قحطان ملعاجه=على المطر في بلد قحطان ينهمر بديار قحطان طير العز مدلاجه=عسى النفل في فياضه كثب ومغمر مدحت ربعً ماهم للطيب سماجه=والطيب مستاقدً فيهم ولا جمر ولاهمني واحدً خطوته منعاجه=أعرف راع العمار من الذي دمر ولاني بمتحسف بشعري على حاجه=إلا اني اروح مارديت عن شمر [/poem] |
وهنا رد الشاعر الكبير والمبدع والصديق الغالي أبو فهد (( سطم فهد الخليل الشمري )) وهو من كبار شعار ديوانيه شمر [poem=font="Simplified Arabic,5,black,normal,normal" bkcolor="transparent" bkimage="backgrounds/34.gif" border="solid,4,gray" type=3 line=0 align=center use=ex num="0,black"] حيّ الله اللي لحا يل مرسلٍ حاجه=حيوا صبي قحطان حيوه ياشمّر حيوا بناصر غيابي وحيوا به مواجه=يجلس على الجاعد ومركا شدادٍ مقمّر حيه على بريّةٍ ريحته فاجه=زال الخضار. ولونها مابعد سمّر حيه على هيلٍ من الهند مدراجه=وحيه على زغفرانٍ . كنه محمّر وحيه على عودٍ ازرق يرفع حجاجه=بديار جاوا . مغن العود ومخمّر حيّ الله اللي سلوم الطيب منهاجه=والطيب بأهل الطيب لو الدهر عمّر حيّ الصبي وحي منهو من انتاجه=حي قحطان العرب هل الكنس الضمّر اللابة اللي للمعادي تطحن علاجه=وحريبهم لو يطول الوقت ما ثمّر ان جاء نهار المواجة ترعب امواجة=اموج بحرٍ من تعرص له امدمّر [/poem] |
تاجاً على الرأس .........والله ياشـــمَّــــر
ارحب يالقويعي وحياك الله انت وعلمك الغانم واسأل المولى عز وجل ان يديم المحبه والأخـــوه بيننا وبيكم فكلنا مكملين لبعض كوجه للقبايل العريقه من دون قصور بباقي القبايل واقدم الشكرررر الجزيل للشعاَّر المذكورين على مشاعرهم الطيبه والصادقه تجاه اخوانهم (عيال الشايب) قحطان وتقبلوا تحياتي |
بيض الله وجهك يا بن شاهر
قصبدة جزلة ورد جزل ماقصرت .. |
اررحب يابن شاهر لا هنت وبيض الله وجهك على قصيدة شاعرنا الكبير / ناصر القحطاني شاعر الأندلس وقبيلة شمر تستاهل من غير نقص في باقي القبايل ... ولا هان من اضاف القصائد لباقي الشعراء اكرر شكري وتقديري يابن شاهر ....واعذرني على التأخير لانشغالي بامور اخرى تقبل تحيات اخوك السيف النادر |
ويمناك يالمعمري واشكرك على المرور
|
شكرا جزيل للاخ الادهم والاخ السيف النادر على مرورهم والله يعطيكم العافيه على الكلام الطيب والمشاعر الفاضله واتمنى ان تعم هذه الردود التي تعتبر دافع للبحث عن الافضل ومن ثم نشره من خلال هذا المنتدى الشامخ اكرر الشكر وتقبلوا فائق التحايا ابن شاهــــر |
سود الله وجه مايكروسوفت والامريكان كل ابوهم اثاريك ترحب ( الله يقيك يالسيف النادر )
العتب على النظر وتستاهل حبة خشم وأن ماقنعت ابشر بالشحم وتستاهل العليا يالمرحب |
[frame="9 70"]
|
| الساعة الآن 02:22 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com