رد : نبح عن معنى لها
 

يا عبدالله السحيمي تبغا رد .. اسف

رد : نبح عن معنى لها
 

هههههههههههه

منين جايبها ذي ..

على العموم استلم ..

يتاغر .. مثل قولة يتارع ..

علبا .. الرقبة من ورا ..

مالغ .. اللي يملغ عليك .. يعني يمزح مزح مخنز .. :applaudit:

وشوووكرن ..

رد : نبح عن معنى لها
 

يتنخطل = يتمايل

مبوبز = وضع من اوضاع الجلوس

مالغ = سيء الطعم

يشنقل = يتقلب

كشة = اشعث

تكلع = انتظر

فاهي = كسلان

سفلة = سيء الاخلاق

حكاكة = الرز المحروق في اسفل القدر

علبا = يمكن خلف الرقبة

يزوع = يقذف ما في معدتة

رد : نبح عن معنى لها
 

سلمت يمناك
وجميعها صحيح00

كشه = الشعر المنقوش او الاجعد
علبا = الرقبه من الخلف 0 يقول ضربني على علباى

شكرا اخ ماجد الخليفي والف تحية لك00

رد : نبح عن معنى لها
 

الشكر للاخ العبدي00

رد : نبح عن معنى لها
 

أكتب لكم الآن وانا( أرطي ) ، وكل الشوارع ( رطاريط )، ومن شدة المطر

( نسع ) مني كيس الأغراض ، ولا أدراكم كان راعي البقالة ( تنح ) ماانتبه

الا يوم ركبت السيارة ، فجاني ( يتنخطل ) قلت : (أها عاد) ...( افهق) بس

عني ( يالخانس ) ، والله انك ( فاهي ) ماتدري وين الله حاطك 0

وأول ما وصلت البيت نط عند السيارة واحد من البزران ( بسعابيله )

يفتش الأكياس يدور حلوى قلت : ( كف ) في ذاك ، يالله ( انقلع ) خل امك تنظفك

أول يا ها ( السبهة ) ، قال لي : عطني من اللي معك ، قلت له : والله انك ( مالغ )

وما لك طعم ، قلت له وين أخوك سعيدان قال : هذاك اهو ( مبوبز ) ماتشوفه ؟ ووين

عليان ؟ قال : قدامك...( دنق ) وتشوفه . وهذا عبيد جاي ( يطربق ) : آه وش تبي

يا ها ( الهلامة ) انت وثوبك ذا ( المزمع ) ؟ قال : وش جيتب لي ؟ . قلت : ( مير )

وبس رح غير ملابسك ريحتك (تكلع ) بالعامية انت و ( كشتك ) ذا اللي تقول كانها (عوشزة .. (
قال لي سعيدان : أبوي شف عبيد ( يتبوبح ) ، وسعيدان ماسكة من( مندغة ) ، والله انه

بغى ( يشنقل( ويطيح على ( الرزحة.. (
قلت للعيال : يالله عاد تراكم ( أغثيتوني ) ، تراني ( متغلق ( و ( هادني ) التعب

رد : نبح عن معنى لها
 

هلا اخوي فركس

اشوف معظم هالكلمات موجوده في المنطقه الشرقيه

ومتداوله كثير عندهم وشعبيه

وممكن رد ال معمر فسر الكثير منها


يعطيك العافيه اخوي فركس والمعذره على ردي المتأخر

ابدعت وتميزت بحضورك الراقي والمميز

دمت في خير