|
رد : الليموزين وحيلهم بينهم
اقتباس:
أصحاب اللمزين ونا قد أشتغلت بسيارتي خصوصي في المطار ولمعلوماتك ألي وداك ذا بيصيحون عليه ويؤذونه لين يضيمه راسه والسبب في ذالك أنه كسر عليهم السوق تحياتي شاكر حسن أختيارك للمواضيع |
رد : الليموزين وحيلهم بينهم
أبو جابر القحطاني شاكر ومقدر له جهودك المميزة في الرد على هذا الموضوع وهذا حسب خبرتك وانا أوكد لك أن المشكلة تكمن في اصحاب الليموزين أنفسهم
شاكر ومقدر ولك تحياتي |
رد : الليموزين وحيلهم بينهم
اقتباس:
شكرا والظاهر أن قصدك مكتب ترتيب الليموزين إن كان هذا فأتوقع أن مكتبهم ما أحد بجايه والله يخلي الخصوصي وسيارته العادية ما هو لازم سيارة مكتوب عليهااا ليموزين شاكر ومقدر................. تحياتي |
رد : الليموزين وحيلهم بينهم
والله يالفارس ان راعي اللموزين كثير ما ينضلم ، واذا لى واحد طيب يستغله
واشوف ان اللموزين وخاصه اذا كان السواق اجنبي انه احيانا" يلقى بعض المضايقات ولكن اللموزين للمواطن السعودي اذا كان هو نفسه يشتغل عليه ارى ان فيه رزق كثير وهو مصدر رزق لبعض الناس هذه الايام واشوف ان اسعارهافيها استغلاليه وغلاء ملحوظ،فالسياره الخصوصيه تكون من وجهة نظري انها ارخص في الاجره ومشكوووووور يالفارس الجنوبي،،،،،،،،،،،،،،،،،،، |
رد : الليموزين وحيلهم بينهم
اقتباس:
شكرا على ردك الطيب وأحب أن أقول لك أننا لا نقطع رزقهم بل نود لهم كل الخير ولكن نقول مايصلح التزويد وأستغلال الناس اللي ما تدري عن المواقع والزين تروح ب55 والا 25 ؟؟؟؟؟؟؟؟ أكيد 25 فهذا تراه الخصوصي تحيااااااااااااااااااااااااااااااااااااااااااااااا اااااااااتي |
رد : الليموزين وحيلهم بينهم
اقتباس:
لمعلمواتك يالفارس الجنوبي اللموزينات في المطار تخظع لحمايه قويه من المطار فيمنعون الخصوصي منع حازم وكثير من أخوياي توقفولمدة 5 أيام وأنحجزت سياراتهم وتغرمو بسبب المكده ولاهو مصرح لهم كذالك يمنع منع بات أنه يجي لمزين غير مصرح له من شركة المزين في المطار ويحمل ركاب ينزل ما فيه مشكله وعلشان يصير عندك لمزين وتكد في المطار فأن ذالك يتطلب منك أن تعمل في الشركه الي في المطار وهم ياخذون على الواحد ما يقارب250 ريال في اليوم أو أكثر وأبيك تقتنع قناعه كامله جازمه أنه ما يصفى للواحد ألا 50 ألى 100 ريال في اليوم وبعدين شف السرا الطويل بعض الاحيان يوصل كيلو ونص من سيارات الاجره يعني ونا خوك ماتخارج معهم الخمسه وعشرين والثلاثين نهائياُ لأنه بيرجع يصف مره ثانيه وتروح عليه لين يحمل راكب ثاني 5أل6 ساعات على الاقل وأذا عرفت أن اليوم مافيه ألى24 ساعه فأعتقد أنها مصيبه ولا تنسى الدين ألي في ظهره أخيرأً السبب الوحيد ألي خلاني أترك المكده في المطار رحمتهم حرام يالفلوس ألي أخذها أني كنت أحس أنها حرام ومثل السرقه فهم مساكين يواجهون كل هاذي الصعوبات والمشاكل وحن نجي نهايط عليهم وناخذ سراهم والعين تشوف العين لاكن كانت أيام كنت أروح المطار البنزيم على الصفر ولا في جيبي ريال واحد ولو تجي قوات الامن الخاصه يحرسون في المطار وينظمون الشغل ما طلعت ألا براكب والعجرا تلعب بين الكداده |
رد : الليموزين وحيلهم بينهم
اقتباس:
شكرا لك على الرد واقول لك من حق الزبون أن يأخذ الرخيص سواء كان خصوصي والا ليموزين ولايهمه السراء والانتظار .................. والله يستر من العجرا ................... تحيااااااااااااااااااااااااااااااااااااااااااااتي |
رد : الليموزين وحيلهم بينهم
اصبر علينا يالفارس الجنوبي
انا قريت الموضوع عشر مرات بس مافهمت انت سافرت الى الرياض ولا الى جده ولا من جده الى الرياض ولا من الرياض الى جده ولا من الجنوب ماتشوف انك قررت تسافر الى الرياض بس عند خروجك من المطار الدولي في جده؟؟؟؟؟؟؟؟. يعني وانت راجع ولا ايش السالفه.............. اعد الموضوع تراني احس انك تعمدت وتوتنا اما مطار الملك عبدالعزيز الدولي فسلم لي عليه يوم تجي من رحله دوليه وتبغى تلحق الرحله الداخليه ياسلاااااااااااااااااااااااااااااااااااام في لحظات ولا تحتاج الا 3 ساعات على شان تلحق الرحله الثانيه اااااااااااااااااااااااااااااااااااااااااااااااااه يا امانة جده( لعنة الله على الخائن لأمانته وضميره وذمته وما أؤتمن عليه من ولي امره) |
رد : الليموزين وحيلهم بينهم
أهل الليموزينات بس يجمعون الفلوس ليس للحاجه بل للتجارة لكن الذي يترزق الله ويكد بكم ريال يقضي دينه ولا يسد لزومه ولا يعيش ورعانه هم أحق بالمصلحه والله انني أحيانا في جميع المطارات ما آخذ الا الشباب الذين يسمونهم يسرقون الركاب الا إذا لم أجد أحد أو آخذ سياره أجر لمده محدوده
المهم في الموضوع ضيّق على الناس في ترزقهم الله مايدرون ان الرزق على الله وكل بياخذ نصيبه شكرا على طرح الموضوع |
رد : الليموزين وحيلهم بينهم
شكرا لك يابن حابي على ردك وأستخدامك الاسلوب الامثل للرد واقول لك أقرأ الموضوع ثاني مرة وتعرف ويش السالفة .............. تحياتي ولا عاد تسافر خارج المملكة,,,,,,,,,,,,,
|
| الساعة الآن 10:14 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com