|
اقتباس:
الظاهر ان فهمك قاصر او انك ما تعرف تقرأ ما تشوف الرجّال عجز ان يرد بكلمة واحده سواء ان قال شريف ما هو بشريف ما شفت الناس يباركون لكم بالجد الجديد الذي اسمه شريف ولا هو من شريف يا شيخ انت تغالط نفسك وتعجز انت وغيرك تردون على كلامي بكلمه واحده تنقض فيها كلامي انت تكابر وتغالط نفسك بنفسك وتقول اليوم كلام وبكره تغيره ولا بعد رسيت لك على شىء ياولد ان كان تبي التثبيت ابشر به وبكره تشوف هجرة بني هاجر موثقة وفيها علوم تسرك انت كنت متحاشي ان انزلها حتى لا ترفع ضغطك واما ان كان هذا كلامك عز الله ابشر بما يسرك والسلام |
والله ماشفتهم باروكولي :)
دامهم باركولي الله يبارك فيكم ومنصور (شريف) ماهو جديد يابوسعيد الجنبي الجديد انت وماظهر الى امس صدقني :) يالله الخيره سلام وتصبحون على خير |
ويابوسعيد الجنبي
الي فهمته منك والواضح من كلامك انك ناويلك نيه على تزوير وتشويه صورة بني هاجر :) لكن صدقني لا انت ولا الي اكبر منك يقدر يمس بني هاجر بشيء صدقني يابوسعيد بني هاجر جبل راسي وضلع مرزوووووووم على اصاله التاريخ سواء جنوب ولا بنجد ولا تطوله لا انت ولا غيرك وارقد وآآآآمن وانا خوووك لكن ان كان لك نيه انك تألف وتخلط الحابل بالناابل فهذا من طيب اصلك وكلن يعمل في اصله :) وانت الان اتكبر على قل سنع يا اخي الناس تقولك اعتذر وقدم اعتذار على الخطأ الفادح الي قدمته وانت ترفض وتعااااااند يعني انت انسان عنيد والعناد هذا ناتج عن ظعف حيله وهذا الي انت تشكي منه ........ الله يعينك ويشفيك :) بني هاجر الى الابد |
اقتباس:
ما بلف ولا بدور و لا بخلط الحابل بالنابل ولكن اقول الصحيح اللي ما تقدر ترد عليه . وانت الحين تتهم بالتزوير وما بعد ظهر لك شىء ولكن انت تعرف اني ما اجيب شىء من رأسي وإن ما اجيب الا شىء موثق وعليه شهود يقرون به ما ني مثلك اللي تقول اقوال شيبانا وعامر الكدادي يقول انهم يختلفون على الجد الثالث وانت تعرف منه اللي يزور ترى الشجره ما زالت في الموضوع الثاني تشهد عليك . تراك جريت على ربعك اشياء كثيرة كانوا في غنى عنها . عموما غدا الملتقى ونشوف من اللي بزور . |
«®°·.¸.•°°·.¸¸.•°°·.¸.•°®»بيض الله وجهك يا اللقماني
وعزالله انك وافي وذرب يابو محمد اخوك الصالاني«®°·.¸.•°°·.¸¸.•°°·.¸.•°®» |
السلام عليكم ورحمة الله وبركاته
راشد اللقماني ارحب وحياك الله في محلك وان شالله تخرج بحوار بناء مع الأخوان |
السلام عليكم ورحمة الله وبركاته :
اخي الكريم اللقماني عندي استفسار بسيط هل يوجد قبيلة شريف من الظياغم عبيده غير قبيلة شريف جنب على حسب كلامك انت ارجوا ان تكون الاجابه واضحه وانا في انتظار جوابك وبدون زعل . |
الاخ العزيز راشد اللقماني
حياك الله وبياك أخي الكريم تذكر حفظك الله أن ( منصور ) هو ( شريف ) وبتتبعي لما ذكره النسابون أتضح هو أنّ ( شهوان بن منصور بن منيف بن ضيغم ) . ولم أجد أحداً قال إنّ منصور هو شريف أو أنّه كان يلقب بشريف . وما تمكنت من العثور عليه هو ( شريف بن جنب بن سعد العشيرة ) ولم اجد بين النسبين صله الا جنب . في كتب النسابة من الهمداني الى النسابه المعاصرون . فسؤالي بارك الله فيك على أي شىء أستندت على انّ منصور هو شريف وهل لديك مرجع ممكن تحلينا عليه . ارجو الاجابة ولكم عظيم شكري . |
السلام عليكم
اخواني الاعزاءاللي متعارف عليه ان بني هاجر من شريف ماعدا إلا الشهوان إللي من الضياغم اما باقي بني هاجر فهم من شريف واذا يقولون الاخوان انهم من عبيده لماذا مايقولون لشريف ياوجه جنب مثل باقي عبيده وهم يقولون لشريف ياوجه شريف واذا كانوا من الضياغم ليه مايقولون ياوجه ضيغم وهم يقولون بينهم ياوجه بني هاجر واذا الاخوان يستدلون بقصائد ابن عفيشه فهذا غير دليل لان بن عفيشه يخص بها نفسه مثله مثل ابن رشيد عندما يقول القصيده يخص بها الضياغم وهو معروف انه مع شمر واعطي الاخوان مثل بعض الهيات اللي خص فيها ابن عفيشه المخضبه |
القاتل
ماشالله عليك من اسمك واضح عليك المعرفه انت تقول المتعارف عليه 00 من وين جبتها متعارف عليه وعند من عند قبايل الجزيره او قحطان او بني هاجر وبعدين واضح ان معلوماتك كثيره عند السلام بين افراد قبيلة قحطان وماشالله عليك ومركز على طريقة السلام واضح انك اسم مكرر لشخص ما والحين نحن افراد بني هاجر بمنتدى قحطان اتفقنا على عدم الاستمرار بالنقاش في هذه النقطه لكي لاياتي من هو على شاكلتك ويصبح دليل جديد لنا ويعلمنا كيفية السلام بين افراد قبيلتنا او قبايل قحطان وهذا الموضوع اصبح النقاش فيه نقطه سوداء في المنتدى واصبح سخريه على قبايل قحطان في منتديات اخرى |
| الساعة الآن 04:26 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com