شبكة قحطان - مجالس قحطان - منتديات قحطان - عزيزي شووووف ( الاعاااااده )

الله لا يعيـد يومـك يـا بـحـر جــده
وردت قلـبـي قلـيـب عـــل وراده
ذكرتنـي يـا بحـر قصـه لهـا مــده
خمس سنوات علـى مـا اظـن وزيـاده
كنت انت شاهد عليهـا يـا أزرق الخـده
والموقـف يغـازل الذكـرى بشـهـاده
قمـت اتمنـى والقـول اللـده .. اللـده
اخير لي مـن عـذاب القلـب وجهـاده
ياليت عينـي غافـت واستوفـت العـده
النـوم فـي ذمتـي للنـايـم عـبـاده
حبل الوفـاء والجفـاء ارخيـه واشـده
مير التوى ليـن طـاح شعيـل وشـداده
جـت هجمـة قادهـا الجنـاح مـرتـده
حاول يصيده ظهـر الجنـب مـا صـاده
عدا وصـوب ولكـن جـات فـي القـده
وصاح المعلق : ( عزيزي شوف الاعاده )
هجمـه خطيـره خطيـره بيحـت سـده
وقـف لهـا القايـم المنحـوس بعنـاده
واليـوم رد الخبـر عـن سـيـدي رده
بشر عـن اخبـار سيـد سـادة السـاده
تـرى المفـارق لـو مــا ودي و وده
يفـرض عليـه وعليٌـه فــرض الاراده
وانا ادري انه ولـو يظهـر لـي الصـده
فـي غيبتـي مـا تهنـا شـربـه وزاده
اسمي يطريـه فـي مزحـه وفـي جـده
ونهـار شوفـه لزولـي ثالـث اعيـاده
وانـا (علـي الـحـرام) اغلـيـه واوده
وحبه بوسط الحشـا لـو طـول بعـاده
افديـه وان قيـل بالله يا(عـوض )فـده
افديـه بالـروح دام الــروح منـقـاده
وافديه بالقلب دام القلب دام القلب به شده
وافديـه بالعيـن دام العـيـن ميـعـاده
حبـه معطـر سمـاي بـعـوده ونــده
و وجدي خذاه وغـدا فـي جيـده قـلاده
لا شك يوم المفـارق مـا اقـدر اصـده
برمان ثايـر صراحـه يصعـب اخمـاده
وضعه معي مثل وضع الضد مـع ضـده
والضد مهما حصل مـا يرجـم اضـداده
مير اللقـاء لـو يطـول الوقـت لابـده
لابد ما اسـوق رجلـي وآآآصـل بـلاده
اجيـه غبشـه وامـد الكـف ويـمـده
واذا ألتقت صـار خـدي لخـده وسـاده
متـى علـى( انبلـش )يـا بحـر جـده
عاجتك جمـع الحبايـب (حيهـا عـاده)
لـو المفـارق( رجـل) يالعنبـو جــده
والله لا افــاولــه سـكـيــن ردادهِِِِِِِِِِِِِِِِِِِ

ابو عبد الرحمن صح الله لسانك

ولاهنت وابيض وجه