رد : الرد القويم على من جهل بني زيد الصماصيم
 

بني زيد قحاطين وانا اعرف هذا الشي من زمان ولاناقش في الموضوع لانهم قحاطين

رد : الرد القويم على من جهل بني زيد الصماصيم
 

حياك الله يا ذيب ونعم فيك وفي بني زيد
اللي أعرفه مثل ماقال أخونا مذحج الطعان أنهم حاضرة قحطان
واللي يؤكد هذا الكلام هو أن جميع القبائل المجاوره لقبيلة قحطان وخاصةً في نجد
ينسبون بني زيد إلى قحطان المعاصره
فأذكر أول يوم باشرت عملي في الرياض فكان لي زميل الله يذكره بالخير من بني زيد
تعرف علي وقالي معك فلان بن فلان من بني زيد وترى نحن منكم وأنتوا منا كلنا قحطان
واللي تبي يابن عمي لا تستحي ترى أنا أخوك الكبير , فمن حينها وأنا أحمل لهذا الشخص ولهذه
القبيله الحب والتقدير والفخر بأننا تربطنا قبيله من أعرق القبائل في الجزيرة العربيه من غير قصور في بقية القبائل وبالله التوفيق
ونسأل الله العلي القدير أنه مثلما جمعنا في الدنيا أن يجمعنا في مستقر رحمته إنه على ذلك قدير

رد : الرد القويم على من جهل بني زيد الصماصيم
 

السلام عليكم

والله ونعم بــ بني زيد وبالقبايل كلها

اللي اعرفه ان بني زيد من قبيلة شريف اللي في الجنوب
واما اللي في نجد فأعرف انهم من حضر قحطان

و ووالنعم بهم جميع

رد : الرد القويم على من جهل بني زيد الصماصيم
 

وين هالشايب اللي تقول وينه ساكن بقطر ولا با الأمارات ولا الكويت الله يهديك

والله مشكلتك اذا انك ما قد سمعت بشريف وبني بشر وبرفيده وسنحان
والمشكله العظمى من هالشايب اللي ما يعرف ربعه وبني عمه .

وبعدين انت ذكرت بني هاجر وعبيده
وبني هاجر اللي في نجد والشرقيه يقولون انهم عبيده
واللي في الجنوب يقولون انهم من شريف وهو الصح
فكيف تقوووووووول بني هاجر وعبيده .؟؟؟؟

وهذا ليس تقليل لا في حق بني هاجر ولا عبيده ولا شريف ولكن انت الله يهديك خليتنا نتكلم


المفروض ما يدلي بدلوه الا اللي يعرف وما فيك قصور ولا في ربعك ولكن ربما خانتك الذاكرهـ

رد : الرد القويم على من جهل بني زيد الصماصيم
 

يــا اخوان الله ما قلت شي كون الفهم السايد عند الشيبان ... والله مهوب قصدي لحد ..يحط الحكا في ثمي ..

رفيده سنحان وشريف وبني بشر والحباب وكل قحطان بني عمي وربعي ومحزمي ...

وأأسفيــــن مره أخرى

رد : الرد القويم على من جهل بني زيد الصماصيم
 

هذا المختصر بقلم النيمس وانا بعد اذنه انقله للفائده

رد : الرد القويم على من جهل بني زيد الصماصيم
 

كلامي واضح وانت يا اخ ذيب ابديت الزعل ليش الزعل الله يخليك
هذا الواقع وهذا المعروف عند قحطان رضي من رضي ويزعل من زعل نحن قحطان العريبه والتفصيل كما أوردت سابقا وغيره معصي
ولاحد ينسب نفسه لغير ابيه وجده لان ذلك والله حرام حرام حرام

رد : الرد القويم على من جهل بني زيد الصماصيم
 

بيض الله وجهك على المرور يا تراك , وانا ادري اننا معروفين بس بغيت ارد على بعض الجهال الابدو يشككون .

رد : الرد القويم على من جهل بني زيد الصماصيم
 

الله يحيك ويبقيك يا علي وما علاكم زود وكلامك وكلام مذحج الطعان صحيح

والله يجيب دعاك فيوم الجمعة المباركه وهذا من طيب اصلك .

رد : الرد القويم على من جهل بني زيد الصماصيم
 

نعمة حالك يا سعيد وكلامنا على في نجد .