|
الاخ /مهدي
اررررررررررررررررحب والمقصود لتوضيح الشاعر وقاتل بن ضاري وحنا قحاطين ولابينا تفريق وضد بن عمي لازم اكون ضدله وطيب الله فالك . |
المشبهاني الظاهر انك مظيع ولا عندك خبر
اخوي المشبهاني بشرح لك الموضوع الظاهر ان عندك لبس بين الفزعتين وكل الى في المنتدى يعرفون القصة كاملة وهي مذكورة في كتب كثيرة ومحفوضة في صدور الرجال :
أولاُ الفزعة الاولى وهي فزعة الامير الشيخ محمد بن هادي الى الامير الشيخ شافي بن سفر الهاجري ضد قبايل العجمان وآل مرة وآل مقدام بني خالد وكذلك اعداد من قبيلة يام استنجد بهم راكان بن حثلين وانا ذاكر الاسباب الفزعة في هذا الرابط http://www.qahtaan.com/vb/showthread.php?t=3921 ثانياُ : الفزعة الثانية وهي فزعة الامير الشيخ شافي بن سفر الهاجري الى الامير الشيخ محمد بن هادي جات مثل ما سردت لك سابقاُ وهي بداية المعركة مواجهه كلاميه حدثت بين الشيخ محمد بن هادي بن قرملة وبين محمد بن ضاري من شيوخ سبيع وقد حدثت في مجلس سلطان الشريف امير الخرمه آنذاك حيث ان سلطان الشريف قلط صحنيين صحن عليه قعود وخروف وصحن عليه خروف وقد قلط الصحن الذي عليه قعود وخروف ووجهه الى ابن ضاري وقلط الصحن الذي عليه خروف ووجهه الى الشيخ محمد بن هادي وقال الشيخ محمد بن هادي لسلطان الشريف: وش قبلها ياسلطان ؟ ورد سلطان الشريف: هذي وصيت ابوي في ابن ضاري! وقال محمد بن ضاري: انا ابرك منك يا ابن هادي! وقال ابن هادي: وعليك مردود البرى وقام محمد بن هادي وخرج من المجلس ومن معه من قحطان وكان غاضبا وفي اليوم التالي صبحوا قحطان قوم ابن ضاري وغزوهم وقتلوا محمد بن ضاري . أما الي انت ذكرة في فهي ان سلطان الشريف والامير الشيخ محمد بن هادي طلب ان يهدية جواد من اشهر اجيادة فكتب الامير الشيخ محمد بن هادي له هذه القصيده تبين انه لان يعطيه حتى لو تحصل حرب وهي عبارة عن رساله تهديد الى الشريف : [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يا راكب من عندنا فـوق هجهـوج = سـواج مــواج بعـيـد معـشـاه ما فوقه الا الكور والنطع وخـروج = وسفيفتيـن فـوق وركيـه تـزهـاه اسبق من الدانوق فى غبـة المـوج = ملفـاك سلطـان زبـون المخـلاه يالعبدلى لا تكثـر السـوم بالغـوج = لو كان طارينا الثمـن كـان بعنـاه شفي عليـه بـرده والغلـب عـوج = ان حـل بنحـور السبايـا مثـاراه وان لجلج المجمول فوق الحنى عوج = رما الغطا وأهل الرمك قـام تنخـاه تناحوا واوقف على الزمل عمهـوج = من شح فى عمره عسي الخيل تاطاه نحدكم حد الجوازي علـى الغـوج = ونـردكـم رد صــوب مسـنـاه هل سربة وان دبرت ركضها عـوج = وان اقبلت مثـل الحـرار المغـذاه كم عندل تبكي على العـم والـزوج = تجر صـوت غافـي النـوم قـزاه وكم سابق تشرا من المال بخـروج = غـدت بـروس ارماحنـا بالمثـاره انا جنودي كثر جـوج ومـا جـوج = حر يبنـا لـو هـو بعيـد نصينـاه حريبنا مـا يمـرح الليـل مفلـوج = النـاس قـد نامـوا وعينـه مقـزاه وعدونا لو قطـب الخيـل بسـروج = لـزم يخلـي منزلـه لا نصيـنـاه ذا قول من يلوي على الهرج بهروج = يلوي ولا يلوا على بعـض ملـواه[/poem] فرد علية سلطان الشريف بهذه القصيده: [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] حى الكتـــــاب اللى من الفخر ممـزوج = حيه وحـــى اللـي لفــــــــابه وعنــــاه أهـــلا وســهلا به ولا هوب مسـموج = حشــــمه لمن كـــــــزه ونـرفا خطاياه تكـــريم مثل الـــدر مخـــــلوط ببــلوج = وانـــــوج من العنبر الى غلي مشراه القـــول له حشــمه ومعني ومهــروج = عند الذي يفـهم جـــــوابـــه ومعنـــاه جــــانا جــــواب معـــرب الجد معروج = ومعســــــــر لكن حنـــــــا فهمـــــــناه جـــــواب من يــأخذ على نجد مخروج = يــاخــذ على من حــــل فى نجد الشاه وش عــــاد لـو عيا محمد على الغوج = كم بالطـــــواله واحــــــد كنــــــه إيـاه منها ثــلاث ميــــه وتســـعين بسروج = مع مثلـــها تـــزها القـــلايد وتـــزهاه نعطــي المهــــار اللى عراقيبها عوج = واللــى عطــــينا مــــــــدة مـــا تلينـاه كــم ســــابق تشــرا من المال بخروج = واللــى عطــــينا ما نبي لــه مجــازاه انتـــم ســـــهيل له مطاليـــــع وبروج = وحنا القمـــــر فى ليلة النصف غطاه فأن كــــان قومك كثر جوج وما جوج = كفـــــــرت بالطــــــاغوت وآمنت بالله[/poem] وهي مذكورة من اخوي فارس الشواطي (مشرف المجلس العام) والظاهر انك مظيع يا المشبهاني وهي موجودة على هذا الرابط http://www.qahtaan.com/vb/showthread...E1%D4%D1%ED%DD ويا ريت تصحح المعلوهم وتقرى القصيدة صح |
هذا مافيه شك يالمكابسي وما قصرت على التصحيح
|
يامهدي يالحبابي
اولاً : لاتتهم بالتزوير والتحريف ..... واتهامك هو العيب بحد ذاته !!! وكلٍ يشوف الناس بعين طبعه... ثانيا ً : تقول مذكوره بالكتب ولا ذكرت مصدر واحد !!!! القصة اللي ذكرتها انا مذكورة في مصادر كثيرة وموثقة .... ومنها المصدر اللي ذكرته ( عبدالله بن خميس) ولاهوب مني ولا منك عشان ما نقول انه منحاز ...... مصدر اعلامي ليس له علاقة لا بالقحاطين ولا بالاشراف .. هذا بالاضافه انه بامكانك ان تستزيد من المعلومات من كتب تاريخية وتذكر اسمائها بالتحديد .. حدد المصدر... عشان نرجع له ... واترك الهرج اللي ماله داعي في الاتهامات والتمسخر ... والابيات اللي ذكرتها انا تدل على صحة المعلومة وان الموضوع متعلق بحصان رفض سلطان نجد طلب الشريف له... ومنطقياً لن يرضى الشريف بالرفض وسيغزو قحطان لرد اعتباره ... اما ان يقول الشريف للقبائل الخاضعه لحكمه :( رفض ابن هادي ... هاردلك ياشباب وخيرها في غيرها) !!!! فهذا خارج حدود المنطقية ..... بينما ماذكرته انت ... والردود الاخرى على كلامك والتي انت بنفسك تؤيدها تدل على (لخبطة) الموضوع عندك ... فهمت...؟ اشرح لك اذا ما فهمت : ذكرت بان محمد بن هادي (سلطان نجد) خرج غاضباً وغزا بن ضاري... وصحح لك (المكباسي) المعلومه بان من غزا هو عمر بن هادي ...ومن قتل بن ضاري هو من ال روق ... فكان ردك (حصل خير) !!!!!!!!! يعني لااخطيت يكون تصحيحك (حصل خير)!!!!! يعني يا اخ مهدي .... من بداية القصة وانت " حاذف" يسار و" مضيع" !!!! وللاهمية : لم ياتي التحريف الا من عندك عندما حرفت البيت الشهير : جونا الجحادر .. وحولته الى " جونا الهواجر" !!!!!! ولقد ذكرتني بشخصٍ حرف بيت آخر من القصيده في كتابٍ سقيم يدعي بانه توثيق لهذا التاريخ وهذا الشخص السقيم اسمه " ماجد بن طاهر المطيري" حيث ذكر في كتابه هذه القصة ونسبها الى انتصار لتركي بن حميد على ابن هادي وذكر احد ابيات القصيده بهذا الشكل: القحاطين لانوا عقب ماكان قاسين !!!!!! ابن شافي امير وفارس لايحتاج لشهادتي او انحيازك .... ولكن ابن هادي (سلطان نجد) تعدى حدود الامارة والفروسية ووصل الى مالم يصل اليه غيره ... ومن سخرية القدر .. وبعد هذه السنين الطويلة .. ان ينسب احد اقوى انتصاراته الى غيره ... وان يهضم حق الجحادر في معركة شهدت لها اجيال واجيال ..... هؤلاء يامهدي هم من طوعوا نجد بامرائها وقبائلها لامرهم .. رضى من رضى وابى من ابى ..... والخوف ان تاتينا بمقال آخر في يومٍ آخر تغير فيه ابيات الشيباني : حنا شيابين الوغى نسل قحطان ---------- هو جدنا اللي ماتزحزح محله (جحادرٍ ) بين العرب شاننا شان ---------- العـز من بين الـقـبايـل نـشـله اما عن مشاركة الهواجر في هذا الكون ام لا .... فهي للمراجع التاريخية .. ولكن المهم ... ان الاولوية في هذا الكون كانت للجحادر وهم من ذكرهم شاعر الاشراف وليس غيرهم ...... كفارة المجلس: (سبحانك اللهم وبحمدك .. اشهد الا اله الا انت استغفرك واتوب اليك) والسلام عليكم ورحمة الله وبركاته |
ولين الحين ما اقتنعت
|
اقتباس:
السلام عليكم ورحمة الله وبركاته بالنسبه لقصتك هذي الله يعلم من مغزاها هل تريد ان توقع الخلاف بين بني هاجر وقحطان مثلا الاخ المشبهاني هذه المعركه هي على عصر الشيخ شافي بن سفر والشيخ محمد بن هادي وذكرنا فيها القصايد والشعراء والفرسان وهي معروفه عند رواة بني هاجر ورواة قحطان والمصادر هيالمصدر ((الدليل والبرهان في أنساب قحطان)) علي بن شداد القحطاني وخلان الاشده للمهندس سعود الحلبان بالنسبه السالفه اللي انت جايبها هي تصفيف حكي اولا ماهو هذا البرنامج الذي تقول اسمه من هو القائل ((( اول مره اسمع عنه)) والراويه عبدالله بن خميس اول مره اسمع به هل ديه كتاب بالكلام هذا؟؟؟ ثانيا كلامك غير منطقي هذا نص كلامك ((طلب شريف سلطان ممن حوله ان يذكروا له احسن الخيل في جزيرة العرب ... فذكروا حصان محمد بن هادي (حرقان) .. او قد تكون (الحرقا ).... وقال له ممن عنده ويحملون الشيء الكثير ضد سلطان نجد : بانه لايجوز لهذا الحصان الا انت (يقصدون الشريف سلطان) ... فارسل الشريف سلطان مرسوله الى سلطان نجد يطلب منه ان يرسل (حرقان او الحرقا) للشريف ليضرب به خيله ... )) انت تقول انهم ذكرو له ان حصان ابن هادي انه يصلح للشريف وبعدين تقول ليضرب به خيله متناقض في كلامك عل فكره الاضراب للبل والخيل يشبي هذه للمعلومه والاهداء بين الامراء والحكام امر طبيعي ليشبي به خيله وليس هناك امرا يدعي للحرب والقصيده اللتي انت ذكرتها ليست دليل لان الواضح ان هذه القصيده هناك حرب بين قحطان وقبيلة مطير لانه ذكرت العبدلي والعبادله من قبيلة امطير والله اعلم وخلال فترة الاستعداد للحرب ... كان من ضمن ماقال سلطان نجد للشريف عندما علم بنيته : يالعبدلي لاتكثر السوم بالغوج ----- لو كان طارينا الثمن كان بعناه شفي عليه بردةٍ والغـلب عوج ------ ان حـل بـنـحـور السـبايا مـثاراه ثم ترتفع وتيرة الحرب ... فيقول سلطان نجد: انا جنودي كثر جوجٍ وما جوج ------- حريبنا لو هو بعيدٍ نصيناه وهي قصيده طويلة فيها اعلان بقبول الحرب ... فما كان من الشريف سلطان الا ان رد عليها بقصيده اخرى ... قال فيها : جانا جواب معرب الجد معروج -------- ومــعــسـرٍ لـكن حــنا فهــمـــناه جواب من ياخذ على نجد مخروج ------ ياخذ على من حل في نجدٍ الشاه (دلاله على الجزيه) وش عاد لو عيا محمد على الغوج ---- كم بالـطــواله واحــدٍ كــنـه اياه واما ما اوردت لاحقا عن الشليله بينت لي انك لست قحطاني لان قصت الحلف بيننا وبين قبائل يام بنيت على هذه السالفه وانت خلطت بينها وهذا باختصار وتحياتي للقرم مهدي الحبابي |
اشكر الجميع على المداخله والتوضيح
ولكن اخوي المشبهاني انت خلطت المواضيع جعلك تسلم ليست سبب المعركه ان الشريف طلب من الشيخ هادي وليس لها اي صله بذلك تين سالفتها غير والقصيده اللي ذكرتها للشريف ورد عليها الشيخ محمدبن هادي ليس لها علاقه بتين وومعركه تين بين الجحادر من قحطان وليس ايضا كل الجحادر و الاشراف ومعهم عدد كبير من القبائل وزهم الشيخ هادي بني هاجر( خزنة الظفر) مثل ماقال المللك عبالعزيز الله يرحمه واتو لنصره ريعهم وانتصروا ذلك اليوم واول مره اسمع سالفتك يالمشبهاني التاريخ 1212 او 1215 معركه تين يعني انها في وقت هادي لكن الشيخ محمد ذلك الوقت كان صغير السن اما سالفه الحصان هذي سالفه غير فالسالفه ان الشريف استقبل محمد على باشا وقد سمع عن حصان الشيخ ابن هادي وارسل الشريف لكي يطلبها من الشيخ محمد فقال الشيخ محمد بن هادي ( والله مايفشح على حرقان راعي طربوش) |
لاهنت اخوي ابن عاصم على التوضيح
اخوي الصالاني بني هاجر وقحطان ليسو قبيلتين مختلفتين متحالفتين حتى يقع بينهم خلاف بل هم لحمه وحده يجمعهم الدم والقرابه وان تباعدت الديار العبادله هم من حكم الحجاز من الاشراف وهم غير عبادله مطير حروب قحطان مع الاشراف ليست معركه وحده بل عده معارك كبرى امتدت من زمن هادي ابن قرمله رحمه الله حتى حفيده ناصر ابن قرمله رحمه الله سالفه الحصان حرقان مثل ماذكر اخوي ابن عاصم وكان مرسول الشريف الشيخ تركي ابن حميد |
الصالاني او الصالاتي .... على اية حال ....
انت داخل عرض على كفر منسم !!!!!! وهذه المشكله ان كاني بستند على رايك وانت تقول ان العبادله مطران ولا لهم علاقه بالاشراف!!!!! العبادله هم راس الاشراف وشيوخهم ..... وتفتي في الموضوع يابو العريف !!!! وتقول انك ماعمرك سمعت ببرنامج (من القائل) ..... ولا بعبدالله بن خميس !!!! وتسأل ان كان له كتب في هذا المجال !!!!!!! على كل حال ... باقي قبائل نجد ( من غير القحاطين) يذكرون السالفه و البيت على انه (جونا الجحادر) ... اما الهواجر .. فقلنا ونقول .. ونعم والف نعم .. لكن البيت مقصودٍ به الجحادر وبس .... اما بالنسبة لسالفة (الشليله) فارجع لموضوع صاحبك (الحبابي) .... هو من ذكرها مهوب انا يامال الغنيمه .... فان كان به شك .. فالشك فيه ....... وبانسبه لي .... النقاش في هالموضوع .... انتهى .... انا على رايي .. وكلٍ على رايه ... وان كان فيه رجعه للمصادر ... فاذكروا مصادر محايده .... ومعترف فيها .... انتهى النقاش وياانتم ازعاج من جد !!! |
الاخ المشبهاني ان ا قلت لك الله اعلم
لا العبادله في قبيلة مطير والاشراف وقبيلة قحطان حروبها كثيره مع القبائل سواء امطير والا غيرها واذا انت نسبتها للجحادر لوحدهم فعزهم من عز قحطان كلهم ولكن هذا تاريخ يا اخ مشبهاني وموثق فقبلك قبيلة سبيع نسبتها لنفسها ولكن تراجعو في الاخير ونسبوها لقحطان وبني هاجر والدواسر كذالك ولكن لايصح الا الصحيح وقصيدتك اللي اتيت بها انها للجحادر وحدهم غير موزونه والشباب ماقصرو وعقبو على كلامك واكثرهم من الجحادر وهذا دليلك لك علشان ترتاح وهي قصيدة واحد من الجحادر اسمه ضيدان بن عبدالله الروقي الجحادر القحطاني يشهد لنا التاريخ يومن على تين****عز الشريف وقوم ضاري خذيناه واذا انت تقصد معركة ال روق مع الا شراف فذالك صحيح لان صارت بينهم وقعه وانتصر ال روق من الجحادرعلى جنود الاشراف فذالك صحيح وسلامي لقحطان كلهم اهل الفزعات وانا اسمي ال ص ا لا ني وتحياتي لك ايها المشبهاني |
| الساعة الآن 08:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com