|
رد: شارك بأجمل بيت شعر
والمعركه بين النساء والرياجيـل
مدري يفـوز فـلان والا فلانـه وأن قام حظ أم الرموش المظاليل وقامت تثنـى كنهـا الخيزرانـه!!! |
رد: شارك بأجمل بيت شعر
مـــــــــــــــــــر ثـــــــــــــــــــيــــــــــــات ألبدر: مرثية في والدة رحمة ألله: قصيدة غزوك يا شيخ انكف غزوك ياشيخ انكف .. تباريه الأعوام ستين كون ومَا بها قامةٍ يَوم قلت العلوم وبرزوا .. رمح .. لجام عِقر الجواد .. وصوب الشيخ بسهوم هَذي سواة السَيف في كف مقدام ضربٍ بحد السِيف يثر به ثلوم ودَرب الفخر يحتاج قلطات وزحَام وإلى ظهر فعلٍ ترى النصر مقسُوم إن وقفت في وداعك اليَوم الأيَام وتهايقت بتشوف وجهك مَع القوم فــ إنت الذي اتعبتها طيب وخصَام وقهرتها يا شيخ ظَالِم ومظلـــوم إن سَاعفت مَا ثمنت عندك حطام وإن عَاضبت ما شلت من همٌها هموم لين احتمى وقتك ورى غدر الاسقام خوف وَرماك بسَهم وَالسهم مَسمُوم يا بوي ليت الموت يرضى بالأسوام يقبل بأحد غيرك ونرضيه بالسَوُم ياخذ بدل يَومك من اعمَارنا عَام يفدي مطيحك خادمك كان بتقـــوم يا بوي انا ما في يدي كود الاوهام وش في يدي والموت حقٍ ومقسوم لا شك من يفنى على دين الاسلام وطِيب الذكر يكفيه لا قيل مرحوم مَرحوم يَا ريف الارامل والايتام يَاللي رفيقك دوم مكرم ومحشوم هَداج تيما .. وان زما الضد لطام ولا جا اللزوم الصّعب يقضيه زيزوم كلٍ يشيله بالعمر دم وعظام وانته تشيلك عزة النفس والزوم ومَا كل نصلٍ من ورى غمده حسَام وش عاد لو هو بـافخر الدر مرسُوم واعيني اللي في البكا قد لها عَام أنا أشهد ان الدمع ميعاده اليَوم حطي على خدّي كَمَا الكي ميسام إن كان لي في الدمع تفريج لغموم ولا صَار ما يطفي لهب نَار الآلام ولا موسّعٍ ضيقه ولا جَالبٍ نوم تبسّمي بَعض البكا فـ التبسَام وأقسى الحزن ما كان في النفس مكتوم |
رد: شارك بأجمل بيت شعر
قصيدة : مالنا فيك يالطيب نصيب مرثية في صاحب السمو الملكي الأمير/ فهد سلمان بن عبدالعزيز ( رحمه الله ) مالنا فيك ياالطيب نصيب الله اللي كتب هذا السفر جيت دار الفنا مثل الغريب ورحت عنها مراويح المطر كن ودك تغيب ولا تغيب صرت مثل السنابل والزهر يافهد وش نقول انك حبيب صافي الحب في قلبك نهر يافهد وش نقول انك قريب اسأل العين عن قرب النظر يافهد نكتبك لطفٍ وطيب أو نعزي بك رجال الفخر يافهد .. نندهك ليتك تجيب فاقدينك مثل شمس وقمر سهم الأقدار يقتل من يصيب يالله انا .. رضينا بالقدر بس في صدورنا دمع ونحيب لو نثرناه .. ذوب له صخر |
رد: شارك بأجمل بيت شعر
لا الوقت وقتي ولا حلومي تطيع وتنوم،،
ولا الركايب وحادي العيس ترضيه ليت// ذهايب الذود راحت مع ذواهيب قوم،، لاصار لك الف قوماني فلك الف بيت =..! |
رد: شارك بأجمل بيت شعر
لا تـلمس الجرح يا معوّد وصبحى عزوم،،
الـبرد فتق ضلوعي وانت دوار صيت // ضيعت عمري اطاول في حزومي رجوم،، وايست اباقول كل الشعر في شطر بيت! = ..! طلال الرشيد |
رد: شارك بأجمل بيت شعر
ترى اصعب الموت موتٍ يذبحك كل يوم،،
واصعب حياتك تعيش وانت جواك ميت// أوّاه يا طول عمري لا حسبت الهموم،، يا كني اكبر من الدنيا ولا قد شكيت = |
رد: شارك بأجمل بيت شعر
عـلمك دهاني يا لاقي خير خل العلوم،،
اسرجت صفراً من همومي عليها حديت// واطلقت للبيد راحلتي وفوق النجوم،، راسي وانا كل راسي تيه فخر و هميت = |
رد: شارك بأجمل بيت شعر
واقـول لـلي يـبي كـرامتي لا تهوم ،،
لا انـتا ولا ألـف مثلك يهدم اللي بنيت . أسف جدا إذا قدمت بعض الابيات ع بعض |
رد: شارك بأجمل بيت شعر
العين ســاحة حــرب والدمع بارود
والضيق جنـدي مابخل بالذخـــيرھ أجـامل العالم وصبــري لـہ حـدود ومن قال ويش العلم قلت الستيرھ! |
رد: شارك بأجمل بيت شعر
ونى افتخر ببيت من الشعر صطرته لكي يكون من البيات الخالده لي
بعض العرب ينساك في حزت اضيق ويذكرك لمنه بغى منك حاجه |
| الساعة الآن 03:52 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com