قصيدة في قبايل المملكة

[ذيب زهرة]

يالله ياخالـق اراضـيـن وابـحـار
الـواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل بيـده

ومن بعدها بديت من عذب الاشعـار
ابيـات شعـر والمعـانـي وكـيـده

وشري وابيع وعارف كيـف بختـار
واختار مـن جـزل البيـوت الفريـده

واذكر تـراث وعزوامجـاد وافخـار
قبايـل تـومـن بـديـن وعقـيـده

وصلت حضارتنا على سطح الاقمـار
ا بنـا الجزيـره والجزيـره امجيـده

في ظل حكـام لهـم فعـل واشـوار
ال السعـود اللـي تفـك الضهـيـده

نسل الزعيم الحاكـم العـادل البـار
مجـدد امجـاد الجـزيـره ابجـيـده

حتى اصبحت حره وحنا لـه انصـار
وفي ظـل اخونـوره هنـوف سعيـده

وصارت لبوتركـي بطولـه وتذكـار
والفخـر والامجـاد تبقـى شهـيـده

وخلف لنا ملوك لهـم فعـل واخبـار
والشعـب واحـد والقيـاده رشـيـده

والامن بانينه علـى سـاس وجـدار
وقرو علـى العابـث عقوبـه شديـده

وحنا حماة الـدار مـن كـل غـدار
وماهمنابطـشـه وخبـثـه وكـيـده

قبايـل مالحقـنـا هــم اوعــار
وعشنا بهذي الـدار عيشـه رغيـده

والحمـدلله نحمـده سـر واجـهـار
شعـب تكاتـف مـن سنيـن مديـده

ودون الوطن جيش على كـل معبـار
ون رفـرف البيـرق ونـادى عقيـده

بشرق البلاد وغربهـا دوم حضـار
وارض الشمـال اللـي نفـوده مديـده

وارض الجنوب اللي تخيضر بالاشجار
جزيـرة فيـهـا القبـايـل عـديـده

ارض بها قحطـان ربعي وافيـن الاشبـار
وياعزمنـهـم فالشـدايـد بـسـيـده

واذكر عتيبـه يـوم للطيـب مغـوار
وان ثـارت الهيجـا وقـرب ضديـده

وشمر هل الطولات والجـود مقـدار
اهل الكـرم واهـل الفعـول الحميـده

وقوم اعنزه مروين الاخصام الامرار
اولاد وايـل مـن عصـور عهـيـده

ومطير قـوم تكـرم الضيـف لازار
وياويل خصـم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجـيـده

وسبيع نعم القـوم ووجيـه الاسفـار
وزبن الدخيل اليا زبـن مـن طريـده

واذكر قبيلـة يـام والطيـب ينـدار
اهـل العلـوم الوافـيـه والرشـيـده

ثم الدواسر هـل مواجيـب واوقـار
اهـل الفخـر ياعـز منهـم سنـيـده

ثم السهول اللي لها الطيـب مـدرار
وعن منهج اهل الطيب ماهـي محيـده

ثم اذكـر العجمـان حمايـة الجـار
والمرجلـه والجـاه فيـهـم عتـيـده

واذكر بني مـره طويليـن الاعمـار
ومـا ينقـد المـري ولالـه نقـيـده
ثـم الهواجـر لابـة تقـدح النـار
واهل الركـاب اللـي خطاهـا بعيـده
واذكـر بنـي خالـد قبيلـه وامـار
بنو لهم فـي المجـد فعـل ورصيـده
وبني تميم اللي لها الطيـب مصـدار
بنـي تميـم وكــل عـلـم تفـيـده
ثم الزعوب اللي بها الخصـم يحتـار
شجعـان ماترضـا سـوا ماتـريـده
والعازمي وافي وفي الطيـب بيطـار
وروحه على كـل المصاعـب صميـده
ثـم الظفيـري فالصعيبـات جـبـار
والطيـب والامـداح باصلـه وطيـده
ثم اذكر الاشـراف باجـلال وكبـار
اهـل الحجازاهـل العلـوم االرشيـده
ثـم الهذيلـي لـه مواقـف ومنـدار
راعي الفخـر فعلـه وطيبـه يشيـده
ثم البقوم اللي لهـم جيـش وامهـار
وريف الضيـوف اليـا لفاهـم وليـده
واذكر ثقيف اللي لهـم مجـد واثـار
ومهمـا حسبنـا مـن كـلام نعـيـده
وبلحارث اهل العز بشهـود واقـرار
الحارثـي ياطيـب فعـلـه وجـيـده
والمالكي معروف لاصار مـا صـار
في موقف اهل الطيـب يبـذل جهيـده
واثني تحياتي عـدد وبـل الامطـار
علـى سليـم وكـل خصـم تكـيـده
واذكر جهينه هـل مواقيـف وادوار
تلقى الجهينـي راسـم الطيـب بيـده
واذكر بلي والمجد له فعـل واظهـار
وتاريخهـم يحكـي فـعـول فـريـده
وبنـي عطيـه للمواجيـب حضـار
وقـوم بوقـت الجـد قـوم عنـيـده
ثم الحويطي والكرامـه لـه اشعـار
ثـم الشـراري كــل راي يجـيـده
ثـم الرشيـدي فالصعيبـات صبـار
وعلـى علـوم الطيـب فعلـه يزيـده
واذكر جنوب الدار والقـاف لـو دار
باقـي علـى قلبـي كـلام واشـيـده
زهران نعم القوم في وقـت الاخطـار
والخصم عينـه مـن لقاهـم سهيـده
والغامدي معروف له عزم واصـرار
تاجروبنـك المـال غـطـا رصـيـده
وشمران نعم القوم في كـل الاطـوار
وبلقـرن ســم للقـلـوب النكـيـده
والاكلبـي والمحلفـي مابعـد بــار
وعليـان وبلحـارث وخثعـم سديـده
وبني شهر وبني عمر سيـف بتـار
قـوم علـى الاخصـام نـار وقـيـده
والاسمري والاحمري صيتهـم سـار
بيـن القبايـل والمواقـف شهـيـده
واذكرعسير الهول ذربيـن الاذكـار
وابهـا حموهـا فالسنيـن الشـديـده
وادهم والصيعرعلـى ذيـك الاقطـار
يحمون حد الـدار مـن اللـي يريـده
وامشي مع الساحل معي جملة افكـار
رسمتـهـا والطـيـر زان اتغـريـده
وانزل على جيـزان تاريـخ وديـار
ورجـال فيفـا والقبـايـل عـديـده
وارجوالعذر واهل المواجيـب عـذار
للـي نسيـتـه منـذكـر فالقصـيـده
الواهبـي عـدد بيوتـه بــالادوار
مـن شاعـر ماشـل قلبـه حقـيـده
شهران هم هل المـدح والكـار
واهل الكند واهـل السيـوف الحديـده

وفالجهـل عـراف وفالسلـم تجـار
مـن سـوق بيشـه للتهـم لارفيـده
حبيت ابيـن موقفـي بيـن شعـار
وارجوسموحتكـم عـلـى ذالنشـيـده
وماحب انافـق واتعنصـر تعنصـار
ولانيب اطيـع اهـل العقـول البليـده
والشعر بستان بـه اورود وازهـار
والـلـي تعـداهـا بيـوتـه فقـيـده
وقولهـا فالشعـر تكـرار وامــرار
ضـرف بـلا عنـوان يلغـا بـريـده
وبعض السوالف له مواقف ومحضار
وشعربـلا معـنـا لــزوم نبـيـده
وماكل من طب البحـر قيـل بحـار
وماكل من شل الفشـق جـاب صيـده
وصلوا على المرسول شفاع الابـرار
محمـد الـهـادي وقــدوة عبـيـده

تحيات اخوكم
ذيب زهرة بني بشر للعلم منقولة من احد المنتديات


ارجو التثبيت

[معانق سحاب]

صح الله لسان الشاعر وعلااا شااانك

[معمر]

جزاك الله خير

ولى قبيلة شهران العريضة التحية نيابة عن قحطان والى الشاعر المعرف / مفلح بن عمير الشهراني الذي تنتسب له هذي القصيدة وهو من الزملاء الذين حررو دولة الكويت ايام العدو الغاشم على دولة الكويت وكنت انا معة بعد التطهير وقد الف هذة القصيدة فية دوانية الشعراء الكويتين وقد القاء هذة القصيدة نيابة عن قبائل المملكة وهذة القصيدة مدونة في ]دوانه الشعري ديوان مسك المشاعر عام 1425
ردمك 0-015-46-9960[/size]
ونا احببت التوضيح وعدم تحريف الابيات مع العلم اني انتسب الى قبيلة قحطان ولكن .................؟
شهران ربعي هم هل المدح والكار ******** واهل الكند واهل السيوف الجديدة

ولقد لقت هذة القصيدة صدى فى دولة الكويت حتى الصحف الكويتية تكلمت عنها ونشرتها في ثلاثة اعداد

وبض الله وجهه ووجيهك ولكم خالص التحية

اخوكم معمر القحطاني

[ألغالي]

صح لسان القايل وسلمت يمين الناقل

(وعانك الله على لخرى )

اخووووووك (الغالي )

[محمد الحياني]

مشكوووووووووووووووووور


على نقلها اخوي الكريم


الله لايهنك ويجمل حالك


وصح لسان شاعرها وكاتبها

[ذيب زهرة]

الأخوان الكرام لاهنتو على المرور ويسعدني وجودكم

الأخ :- معمر بالنسبة للتحريف فهي زي ماقلت أنا من أحد المنتديات بهذا النص ووالله مازدت ولا نقصت من هذي القصيدة ..

[صدام الربيعي]

مشكور اخوي ذيب زهرة بني بشر على هذه النقله الرائعه .
بيض الله وجهك .
وبيضالله وجه الشاعر الشهراني

[مشبب البشري]

السلام عليكم ورحمة الله وبركاته


صح لسان القائل وسلمة يدين الناقل

[ذيب زهرة]

الأخوان مشبب الشري و صدام الربيعي

اشكركم على المشاركةوالمرور



أخوكم
ذيب زهرة بني بشر