المساعد الشخصي الرقمي

مشاهدة النسخة كاملة : الامـــير والفارس/ شافي بن سفر الشباعين

متعب الهاجري
06-03-2006, 10:22 PM
هو الشيخ شافي بن سفر بن محمد بن هادي شيخ بني هاجر وأحد فرسانها

ويقولون المؤلفون كتب بني هاجر ان شافي بن سفر توفي سنه 1295 هجري

ويضيف ناصر بن مذكر المزاحمه بني هاجر ان شافي بن سفر توفي سنه 1869 ميلادي

في ما يسمى الرفاع او ام الجماجم قرب الكرعانه في قطر

والشيخ شافي رحمه الله من اهل التقوى والورع والشجاعه والنجدة




ويقول فيه الشيخ محمد بن هادي عندما استنجد ببني هاجر على الاشراف ومن حالفهم ضد

قحطان


ياشلاش باوصيك لجيت شافــــــي...................أزهم لنــا نمر المـــهار الملابيــــــس

وترى أول التصويت ماهوب كافي...................لين انها تـــاخذ ثـــلاثه مراويــــــس

فيلا نهض نمر المهار العجافـــــــي..................فنقل حذرك الى حضر عنده ابليـــس



ويقول وافي الجبعه الجحادر


انا من ال محمد المذاريــــــــــــــــب.....................اللي يـــــروح العلم منهم ويــــاتي

ياهل الركاب اللي انتو يتوا مجانيب......................انصوا عبيدة كلـــــــهم يا شفاتي

والشيخ بن شبعان هو والمخاضـــيب......................من خــــب وابراد وحدود السراتي

ذيابة الى عوى ذيبها الشـــــــــــيب.....................جاءتك على فرس اللحم ضارياتي




ويقول الفارس حمد العوامي بني هاجر في مدح الشيخ شافي بن سفر




ياراكب وجنا من الهجن خيـــــره.................تشدي لربدا روحت في العشايا

من البحث تنشر حلول السفيـــــره..................والعصر في هجر حسين القريا

منصاه أخو شفيا حماء كل ديــره..................ياعيد اهل هجن لفوا بالحجايا

يعد ابن عمه في السنين العسيره.................يادامــــــح زلاتـــــهم والخطايا

سيفه نهار الكون فارق جــــفيره...............ومن فعل سيفه يحشمون اللجايا

نرجوه رجوى من بــذر زرع بيـــره..................ومن دون زرعه وقفن الركايا





وقال الفارس القشنوني الكلبه بني هاجر





انا احمد الله باللي اليوم منساح...............من عقب ما كنه على النار صلـــى

عيناك ياللي عند هضبه لمـــيلاح................اللي مع ربــــع الكدادات خلــــي

الحرب عقب محمد جاه مضــــواح...............يجهـــر وعـــيت همته لا تكلــــي





ملاحظة / ميلاح : يعني محمد بن شبعان الذي اصيب في هية بين بني هاجر واسبيع

يوفي على اثرها



مضواح: وهو شافي بن سفر سمي مضواح لان أمه حلمت أنه ظاهر مضواح يسفر

على من حوله
بن جديد
09-03-2006, 02:32 PM
بني هاجر بيض الله وجهك
وتسلم على هالمعلومات
وترا
خوالي
الكدادات
يعني علوم بني هاجر كُلها عندي ياخال
متعب الهاجري
09-03-2006, 10:14 PM
بن جديد والله ونعمن فيك وفي خوالك الوافين

وعيال مكدد مايحتااااااااااااج وافين وعلى فكره ترا فيه من الكدادات على ما اعتقد عائله ينقال لها ال جديد والله اعلم

وانا 1ذكرت الموضوع هذا لاني لاحظت نقص منتدى الشامل لقحطان علوم ربعهم بني هاجر


على العموم مامن قصور وكلكم وافين


بني هاجر<<-- ال جدي
ألغالي
10-03-2006, 12:31 AM
بيض الله وجهك

وبن شافي

شيخ من مشايخ قحطان

انعم واكرم

والله يعينك ولايهينك

على ذا النقل الطيب

(وعانك الله على لخرى )


اخوووووك ( الغالي )
حمد العبيدي
10-03-2006, 02:25 AM
سيره عطره لشيخ من مشايخ اقحطان والله ونعم مليووون في بني هاجر امطوعة الصعب

ولاهنت يا بني هاجر على الموضوع الرائع ووننتظر منك مثل ها لعلوم الغانمه
ابن عاصم
10-03-2006, 02:32 AM
وووووووونعم ملياراااااااااااااااات بربعنا الهواجر

والله يرحم شيخنا شافي

---------------------------------------------


والله من زين الخوه مع الهاجري

فانا والله لم اعاشر الهواجر

ولكن شيبانا عرفوهم زين المعرفه لاجاء طاري لبني هاجر كلهم قالوا ونعم

ويقولون الهاجري لجيته لاتفكر انك بتروح من دون عزيمه

=============================

واسمحلي وانا اخوك فلقد خرجت من الموضوع ولكن هذه الكلام يقرقع في صدري عن ربعنا الهواجر

============

سلم على الربع
متعب الهاجري
10-03-2006, 03:01 PM
انا الغالي

ماعليك زود ولاهنت طال عمرك على المرور
متعب الهاجري
10-03-2006, 03:02 PM
حمد العبيدي ماعليك زود

ولاهنت على المرور
متعب الهاجري
10-03-2006, 03:03 PM
ابن عاصم

وشيبانك في الجنه انشاء الله


وماعليك زود على شهاده شيبانك الي نعتز فيهااااااااا يا ولد عاصم
الامبراطور
11-03-2006, 11:09 PM
بني هاجر الله يجعلك على القوه

الشيخ شافي بن سفر شيخ له ذكره الطيب الله يرحمه ويرحم موتى المسلمين


ويستاهل اللي قيل فيه لان لو ماهو كفو كان ما قيل فيه مثل هذا الشعر في مثل هذاك الوقت


ونعم بكم يالهواجر

تقبل التقدير والاحترام من اخوك الامبراطور
متعب الهاجري
14-03-2006, 11:59 AM
الامبراطووووور


الله لايهينك على كل حال


وماعليك زووووود



بني هاجر
سنحان بن عامر
19-03-2006, 02:25 AM
ونعم بالشيخ والفارس بن شافي
وبربعه الهواجر الطير الكاسر

لا هنت يا وجه قحطان
صبي دهر عبيده
19-03-2006, 03:30 AM
والنعم فيكم يا بني هاجر وشكرا0000
متعب الهاجري
19-03-2006, 01:12 PM
سنحان+ صبي عبيده

بيض الله وجيهكم

ومروركم دافع وحافز لي يالاقروووووووووم


بني هاجر
أبو عساف
19-03-2006, 09:20 PM
بني هاجر بيض الله وجهك ولا قصرت ...........
المنار
21-03-2006, 04:41 PM
السلام عليكم ورحمة الله وبركاته :
مشكور اخي العزيز بني هاجر
والنعم والله في الشيخ شافي
وفي قبيلة بني هاجر شريف .
محمد الحياني
21-03-2006, 04:50 PM
ونعم في ربعنا بني هاجر


هل الطالات واهل الحميا



الله يرحمه ويسكنه الجنة
متعب الهاجري
22-03-2006, 12:03 AM
ماعليكم زود جميع

ولاهنتوا على المرور يالقرووم


بني هاجر