المساعد الشخصي الرقمي

مشاهدة النسخة كاملة : قصيدة رثاء في الشيخ/فيحان بن شعوان بنضيطان الروقي


عبدالرحمن
04-12-2004, 09:00 PM
قصيدة رثاء
في الشيخ / فيحان بن شعوان بن ضيطان الروقي
على فقارة نجد جات التباشير

يالله ياللي تعلم الشر والخير= ياملتجانا في الأمور الشديده
بأمرك يسير الكون حكمه وتدبير= أنت الذي تفعل على ماتريده
تجبرعزانا في زبون المخاسير= شيخٍ فعوله فالمواقف مجيده
شيخٍ إلى عدّوا زحول المناعير= يعد فعله والمساعي حميده
فيحان بن ضيطان ريف المسايير= اللي تعنوامن ديارٍبعيده
في مجلسه بن الدلال المباهير= والعود الأزرق فوق جمره وقيده
مع قولةأرحب بالوجيه المسافير= حيل تقلط بالصحون الفريده
وسوالفٍ تحكي فعول المشاهير= بين السوالف والسوالف قصيده
وان زاره العااني يسوق المظاهير= تنفق يمينه مابقى من رصيده
وقف مع سد الليال المعاسير= ماردته سمرالسنين العنيده
قالوا تريّح قال بواصل السير= اللي غدالي لازم إبي أعيده
لين اعتلى مجده ودارالتفاكير= عقب الشقا شاف الحياة السعيده
على فقارة نجد جات التباشير= بالهجرة اللي سميت بالجديده
وهنواله رجالٍ تهد الطوابير= كل الجحادر باركوا مع عبيده
له لابةٍ مثل السيوف البواتير= صالي لهبهم بالحرايب شديده
آلاد روق متيهين المعاشير= من راس قحطان السلايل وكيده
أنا اشهد ان له ياهل الطيب تقدير= ذاك القعيد اللي ينومس قعيده
تشهد له الروضه بسجده وتكبير= يمشي على منهاج شرع وعقيده
عسى السحاب اللي مزونه مزابير= يسقي ثرى قبره ونفسه شهيده
وصلوا على اللي نور الحق تنوير= عداد ماتكتب حروف الجريده الشاعر/ مخرب بن فلاح بن ضيطان الروقي

أخوكم /عبدالرحمن

ابن عاصم
04-12-2004, 11:14 PM
الله يرررررررررحم شيخنا فيحااان وكفو والله الاد روق


مشكوووووور اخوي فلاح على هذا النقل

اخووووووووك

ابن عاااااااصم

عاشق الوطن
05-12-2004, 11:58 PM
فيحان بن ضيطان ريف المسايير= اللي تعنوامن ديارٍبعيده
في مجلسه بن الدلال المباهير= والعود الأزرق فوقجمره وقيده
مع قولةأرحب بالوجيه المسافير= حيل تقلط بالصحون الفريده
وسوالفٍ تحكي فعول المشاهير= بين السوالف والسوالف قصيده
وان زاره العااني يسوق المظاهير= تنفق يمينه مابقى من رصيده
وقف مع سد الليال المعاسير= ماردته سمرالسنين العنيده
قالوا تريّح قال بواصل السير= اللي غدالي لازم إبي أعيده
لين اعتلى مجده ودارالتفاكير= عقب الشقا شاف الحياة السعيده
على فقارة نجد جات التباشير= بالهجرة اللي سميت بالجديده


\ الشاعر/ مخرب بن فلاح بن ضيطان الروقي


أخوكم /عبدالرحمن]


الاخ العزيز عبد الرحمن
السلام عليكم ورحمة الله وبركاته
رائعه من روائع النقل البديع لقد نقلت لنا قصيده
لشاعر فحل يتميز بعمق في المعاني وجزاله في المعنى
والمغنى بشهادت القريبين من شعره ومتذوقي الشعر
كما ان القصا ئد الجزله تكتمل معانيها وتتناغم اذا قيلت في
واحد يستاهلها بحجم ريف المسايير فيحان بن ضيطان
ولكن ياخي عبد الحمن لي طلب مادام انك اوردت هذه
القصيده الجزله هل لك ان تتحف شبكة قحطان
بالقصيده الرائعه التي قالها الشاعر لما سئل لماذ سماك
ابوك مخرب - وقد كان والده رحمه الله يخرب حلاله في اكرام
الضيف حتى انه يقال انه من مبرته بضيفه يصب عكة السمن
على المفطح والا انا غلاطان-
تقبل تحياتي

السيف النادر
06-12-2004, 12:46 AM
شيخٍ إلى عدّوا زحول المناعير= يعد فعله والمساعي حميده
فيحان بن ضيطان ريف المسايير= اللي تعنوامن ديارٍبعيده
في مجلسه بن الدلال المباهير= والعود الأزرق فوقجمره وقيده
مع قولةأرحب بالوجيه المسافير= حيل تقلط بالصحون الفريده
وسوالفٍ تحكي فعول المشاهير= بين السوالف والسوالف قصيده
وان زاره العااني يسوق المظاهير= تنفق يمينه مابقى من رصيده



كفو والله ، والفعل الطيب لا بد ما يجي له ذكر وصيت ،

الله يرحمه ويسكنه الجنة واموات المسلمين .


ولا هنت يابوداحــــــــم على النقل المتميز اللي عودتنا عليه ..


اخــ السيف النادر ـــــوك

فارس قحطان
06-12-2004, 07:40 AM
هلا والله بعبدالرحمن

بيض الله وجهك على هذا النقل لهذه القصيده


وعلى قولة عاشق الوطن ياليت تجيب لنا قصيدة مخرب
اللي يقول


ابوي مخرب ومن قبل سموه = ابومخرب يوم خرب حلاله



اخوكم
فارس قحطان

محمد بن مسفر القويفل
07-12-2004, 12:33 AM
عبدالرحمن


لا هنت وبيض الله وجهك


والله يرحم الشيخ فيحان بن ضيطان


وبيض الله وجه شاعرنا مخرب على هالقصيده



تقبل تحياتي



اخوك


محمد بن مسفر القويفل

حراف
15-12-2004, 02:37 AM
بيض الله وجهك ياعبدالرحمن والله العظيم انك متميز بكل ماتعنيه الكلمه

نقلت قصيده لشاعر فحل وكبير.....وقصيده من اعظم القصايد الي سمعتها

اخوك حراف الحبابي واقووولك الى الامام ياعبدالرحمن الى الامام

إبن الأروق
16-12-2004, 11:00 AM
هلا بعبد الرحمن

لاهنت يالقرم على ذي القصيدة المعبرة اللي كنت ناوي احطا من قبل ، ولكنك دوم سباق للطيب


اما بخصوص عنوان القصيدة فلا يتلائم مع المناسبة ، لانها قيلت رثاءا في ابن ظيطان والعنوان أتى على شكل بشارة

صح إلسان الشاعر أبو فلاح

خالد آل مطرف العاطفي
19-12-2004, 01:14 AM
الله يرحم الشيخ فيحان ويسكنه الجنه
قصيده رثاء معبره باالفعل .. صح السان الشاعر مخرب وهو شاعر مميز ومعروف
وله امسيات شعريه ويعد من الشعراء المتمكنين ..
لاهنت ياعبدالرحمن على نقل القصيده ..ويعطيك العافيه
اخوك
خالد

ابن شويه
19-12-2004, 02:32 AM
عبدالرحمن

بيض الله وجهك يوم انك اتحفتنا بذا الجزلة

وانا متشوق لطلب عاشق الوطن الله لايهينك

ابن شويه

0

عبدالرحمن
06-02-2005, 07:26 PM
مشكورين على المرور الجميل