معلقة امرؤ القيس في الأسهم

[بو الغلا]

منقول من رسالة جوال

معلقة امرؤ القيس في الأسهم




قفا نبكي من ذكرى نزول المؤشر=وسوق بأنواع الخسائر ممتلي
قفا نبك أيام مضت لنا وتــــــداول=وكنا لانبيع السهم حتى يدبلي
قفانبكي والشاشات أعمت عيوننا=ونحن نطالع لونها أحمر كالجلي
وكم غرنا ذاك المؤشــر مــــــــــرة=وقلنا ندبل رأس مالنل يا علي
وقلنا أخترقنا فوق عشرين نقطة=ومن بعدها صار المؤشر منحني
وأصبح ذاك المؤشر أحمـــــــــر=كجلمود صخر حطه السيل من علي
قفا نبكي والأيام تبري جراحنا=ونسأل رحمانا لهمنا أن ينجلي

[آل معمر]

ناس يقصدون

وناس مغمى عليهم

وناس جاتهم حالة نفسية

وناس يمشون مثل الخبلان

والله يستر من آخرة ذي الاسهم

[عبدالله بن غفره]

الله يعوض على كل من خسر في سوق الأسهم ويرزقه من حيث لا يحتسب



معلقة أحلى كلام وتناقش مشاكل المتداولين وهمومهم


أشكرك أخي العزيز على المعلقة الرائعه والجميلة



آل معمر

عساك منت بخسران مع اللي خسروا أشوفك ذا الايام تدخل المجالس حتى وقت السوق يعني منسب تحت عشر مرات وجاك أحباط من التداول وراس مالك كله في شركة زراعيه خسرانه شكلها بيشة هههههههههه

[آل معمر]

اي والله خسران

لكن الله يعوض علينا

وماني حول بيشه

انا يالحبيب في المواشي والجوف الزراعية وفيبكو لكن الله كريم :)

[منصور العبدالله]

كسرت خاطري يال معمر
وانت تقول الله كريم
كأنك هندي مبهذلة كفيلة ويبي ينقل كفالتة
وكفيلة يسحب فيه
بس الله يعوض عليك
الكل تقريباً خسران
مشكور بو الغلا على إبداعك

[آل معمر]

سلامة خاطرك من الكسر يا وادي الغلا :D

على فكرة وش يقرب لك كاتب الموضوع بو غلا :)

[منصور العبدالله]

والله هو أبو وأنا وادي
يعني عيال الخاله
فهمت ال معمر

[آل معمر]

لا ما فهمت :)

[عبدالله بن غفره]

آل معمر


الجوف الزراعية...........فيبكو...........والمواشي ............. عسى الله يعوض عليك ويوفقك ولا يخسر عليك وأنا أعرف واحد عز المعرفة خسر من الطيحه الأخيرة 40 ألف صكة وحدة والله يعوض عليه ويعوض على جميع المسلمين

هذا اللي بأقدر أقوله مع تمنياتي لك بالتوفيق يالغالي

[زياد البشري]

معلقة رائعة أخي وهذا واقع هذي الأيام حتى الشيبان قدهم في صالات التداول والله يعوض من خسر ويزيد مالكم ياربعي

[بو الغلا]

يا مرحبا بالجميع
وشكري الموصول على مروركم وعلى ماصاحبها من طرفه
وبسألكم عن فتى الجوه وينهو عسى مافيه باس

[منصور العبدالله]

الله يعوض عليهم وعليك يال معمر
بس يال معمر خلها زي ماهي
لاتبيع بالعكس إشتر في هذا الوقت
أكيد لازم يرجع السوق لوضعة الطبيعي
خلال إسبوعيين
وهذا كلام ناس ثقة ولهم علاقات جيدة مع
حقين هيئة سوق المال
والله يعوض عليك يارجال راحت رقاب
ويقول المثل مادام مع راسي راس صك به في الجدر
والله ماتستاهل يال معمر
أبشر بالعوض

[محمد الحياني]

اخوي الغالي


بو الغلا


حياك ربي انت ومعلقتك الرائعة التي تداوي الجراح وتضمد الآلم



أشكرك على طيب أصالتك وسؤالك عني

ابشرك أني بخير ولا ينقصني سوى شوفتك انت وشروااااااااااااااااك يالذيب

اما اخوكم

<<<<<

فزلق من أول مع معجب المزعل

خهخهخهخهخهخههخه

[أعز إنسان]

مشكور اخوي الغالي بو الغلا على معلقتك الرائعه
وانا سمعت كم بيت من واحد من الشباب
وبمناسبة ذا الموضوع بكتبلكم اللي حافظه منها
ويقول فيها

يا سلام الله على مكه وطيبه والجماعي=عد من هلت مزونه وانا عيني تخيله
مرحباً بلكهرب اللي فز من مرقده واعي=شال حملٍ فوق حمله واضحت حموله ثقيله
وش نرقع في الغذائي صارت شقوقه وساعي=والزراعي مانفعني صار طعمه حنضليله
والمواشي في الصحاري تايهه من غير راعي=يا عسى ربك يسهل للمؤشر من يشيله
اما الثانيه فهي منقوله من منتدى آخر

وســهمٍ بلــون الدمِّ أرخى نزولـه=عـليَّ بأنواع الهمـوم ليبـتلي
فقــلت له لما تخــضب لونه=وأذهــب أرباحــاً ومــالاً ليــس لي.
ألا أيها الســهم المحمِّـر خده=ألا أيـها السـهم البــليد المستنذل
متى بربك سـوف يصحو سوقنا=لنجني أرباحاً وجيـوبنا تـمتلي
وهذي القصيدتين اهداء لك يا المعمري
تحياتي أعزإنسان

[ياسر عبدالرحمن ال مانع]

الله يرحم حالهم
فيه عنوان في جريدة عكاظ عن الاسهم يقول ــــــــــــــــــــــــ ـ ـ ـ

خسائر الاسهم .. مكاسب للعيادات والمستشفيات الخاصة
هههههههه