حدود قحطان

[سعد ال قرعان]

اوريد انا اعرف حدود قحطان ؟
وهل اهل الجزيرة العربيه جميعهم من قحطان ؟
وشكراً

[ذيب قحطان]

اخوي .. مناحي بن مطلق ... بالنسبة لحدود قحطان معروفه انها شبه الجزيرة العربية .

اما بالنسبة لسؤالك الثاني ... طبعاً لا ... هناك من يرجع لعدنان ومن يرجع لقحطان ...

[فتى نجد]

كلام أخوي ذيب قحطان 100% بنسبه للحدود وللقبائل

مشكور مناحي بن مطلق القحطاني على الطرح

[سالم الزير]

سؤال مهم

حدود قحطان غير معروفه للكثير نرجوا التوضيح ممن يملك الاجابه

حدود قحطان ليست الجزيره العربيه باكملها!!!!

[المنار]

السلام عليكم ورحمة الله وبركاته :
اخي العزيز مناحي بن مطلق
حدود قبيلة قحطان الجنوب :
يحدهم من القبائل : شهران , وعسير , ويام , الدواسر , ووادعه ,و قبائل سحار وبني جماعه , ال تليد , قبائل الريث .
اما قحطان نجد
اعتقد انهم في هجر متفرقه في نجد والله اعلم , وعند الاخوان اكثر مني .
اما سكان الجزيره العربيه : سكانهم من عدنان وقحطان .

[ابن شايب]

السلام عليكم ورحمة الله وبركاته
اول شي مساكم الله بالخير يالربع حبيت اوضح لسائل حدود قحطان بما ان قحطان هي اكبر قبيلة بالجزيره العربيه فأضن ان حدودها تدخل في دول مجاوره مثل اليمن والامارات وقطر
يقول فاهد بن محمد ال شايب القحطاني



لابتي قحطان في كل وادي=من دبي عمان لقصى طريب

اما حدودها من الجنوب فتدخل حدودها بدولة اليمن الشقيق في منطلق القبايل القحطانية سد مارب وهو من ديار قبائل عبيدة قحطان مرورا بضهران الجنوب وعسير وتثليث ودراويش والحصي وصبحا وسط نجد والرين والعارض والهياثم بالخرج وحتى الاحساء حيث ديار بني هاجر قحطان وحتى قطر عود الحباب واخر مدى لحد قحطان مزارع نخيل على الخليج العربي بتجاه البحرين
وسلامتكم
اخوكم: على الخميسي الشايبي السعدي الجحدري القحطاني

[الامبراطور]

ما ازود على كلا م الاخوان

الاخ ابن شايب كفى ووفى وترى لنا في العراق نصيب

تحياتي

[الملفي]

قحطان تعتبر من اكبر القبايل بالجزيره العربيه
وهنا اورد احد الزوامل للشاعر الكبير مسفر بن عامر ال منصور (هل الطلحه )في زواج احد ربعهم وهو مسفربن علي ال منصور
عندما تزوج احد بنات عبيده المسارده وجميعهم توفوا رحمهم الله

ياسلامي على دعوى عبيده من القعم للقطيف
مسردي(ن)ليا رد البرا حرابهم ما ينام
قلتها يوم ربعي في الملاقا ماتداري الحفيف
سد الافياض ربعي من ضنا منصور والجد يام

والشاهد هنا حدود هذه القبليه العريقه
تحياتي

[@تركي السنحاني@]

لاهنتوا يالربع ونحن في انتظار المزيد من التوضيح

[مرعي بن دواس الحبابي]

ابن شايق يقول لبكر الحضرمي


من الامارات وقطر حدنا لاقصى السراه
.................... بندق في كبد الاعداء نشب مضرابه


صح اللسان ابن شايق


خريطه قحطان كبيره وهي القبيله التي يحدها اكثثر القبايل من الجنوب الا نجد

نرجع لشعارنا الكبير ابن شايق يقول للعير

مع العير الله يرحمه

ديرتي من حد نجران لا وادي نساح
..................... قحطاني عزوتي مافشل خيالها

عذرا للمداخله ولو اني لم ااحدد بالتفصيل

اخوك

[عبدالله آل عباد]

ألأخوان كفو ووفو

[ال مالح]

لابتي قحطان في كل وادي من دبي عمان لقصى طريب

[العبدي]

بسم الله الرحمن الرحيم
في وقتنا الحاضر قامت الدول ولم تعد هناك اماكن مخصصة لكل قبيلة وكل واحد يحل في المكان اللي يبيه
ولله الحمد
ولكن المناطق المعروفة لقحطان في الجنوب
من القيرة لنجران
والله اعلم