المساعد الشخصي الرقمي

مشاهدة النسخة كاملة : محاوره بين شاعرين


علي بن نومه
26-02-2006, 05:01 AM
بسم الله الرحمن الرحيم
هذه محاوره جرت بين الشاعر/علي بن نومه القريشي والشاعر /ذيب الحميداني في الحفر بتاريخ 13/6/1426


علي بن نومه=
ياذيب من حبكم ماصبر عليكم شهر=لصحاب ماهي بتنسى خيرة اصحابها
الحر الاشقر بمخلابه عليكم شهر=بتمرك اعلوم على خير تصحابها




ذيب الحميداني=

ترا القمر لو يغيب اسبوع الاخرا ظهر=وتمسي الذياب اتعوي من راس مرقابها
وان غاب ولد البطن ماغاب ولد الظهر=يلعن ثوا اهل الحسد ويقصم ارقابها

علي بن نومه=

اللي عمر ماهدم واللي هدم ماعمر=.وانته صفات السيا سه ماتحلا بها
المشكله طال عمرك بين زيد وعمر=دارت على الناقه اللي مات حلابها


ذيب الحميداني=



الظاهر انك دفنت القنبله من عصر=وسريت في ليلتن وجهك تجلابها
حلابها مات وامسا ديسها منعصر=وعرضت على السوق الاسود وانت جلابها


علي بن نومه=


والصبح بيجي لها ياذيب علم وخبر=والشرهه اتعود للغابه وسنجابها
وان كان بيجي بها غيرك في سوق الخبر=يالله لعله مايسلم خايسن جابها


ذيب الحميداني=


الحمله اللي تفلي في حدود الحفر=فشلت بعد ولعت لمبات قلابها
الظاهر انك من اللي يحفرون الحفر=لاكن دنياك لاتامن تقلابها


علي بن نومه=

عود بقلابك اللي فيه بنشر كفر=للديره اللي تموت ابها وتحيا بها
المسلم ايطيع ربه يوم غيره كفر=لاكن لاثورت حيت وحيابها


ذيب الحميداني=


لو النتيجه عليك الفوز عشره صفر=قالت عبيده مباراة ونجحنابها
واللي تخفيه في عاشور يبدي صفر=ولو خفت الحيه الرفطا رجحنابها


علي بن نومه=


حنا هل الطيب كله يابليس العور=انحط كيه على العله وتبرابها
لاشك ذلليل في ددسنك بان العور=ماعاد تبرا بك الذمه وتبرابها



ذيب الحميداني=


الخيمه اللي بنوها وسط روض خضر=عسى هبوب الشتا ماينقل اطنابها
وليا وقف دونها طه وعمه خضر=ان خارج الوضع والا ماقلطنابها


علي بن نومه=


شفنا بعير رغى لاكن الاخر هدر=اما زرعنا الثقه ولاحذفنابها
مطية الراعي اللي راح دمه هدر=احدن حذف ضرسها واحدن حذف نابها



عسى ان تحوز ولو على القليل من رضاكم

علي بن مسفرالحبابي
26-02-2006, 10:06 AM
ارحب ارحب يابومحمد يامرحبا ملالالالالالالالالالالالالالايين
وابرك الحزات جيتك منتدانا واكبر شرف لنا تواجــــدك
معنا فانت شاعر غنى عن التعريف وجودك يسعــــدنا
فمرحبا بك بين ربعك واخوانك وفي محلك وصح لسانك
علي المشاركه والمحاوره الرائعه وكذلك صح لسان الشاعر
المبدع ذيب الحميداني ولماذا لم يشاركنا عموما اهلا وسهلا
بشاعرنا المميز والمبدع ابن نـــــــــــــــــــــــــومه

اخوك ابن شتوي

فارس قحطان
26-02-2006, 12:57 PM
السلام عليكم ورحمة الله وبركاته


ارحب يابن نومه


وصح لسانك ولسان الشاعر
ذيب الحميداني

وشرفت الموقع بتواجدك



.

خولان بن عامر
26-02-2006, 01:24 PM
صح لسانك ياعلي وصح لسان ذيب

محاورة رائعة وشعار متمكنين جدا وغنين عن شهادتي


بيض الله وجهك على هاالنقل


تقبل خالص تحيتي

علي بن نومه
26-02-2006, 02:02 PM
االأخوان الأعزاء كل من

علي بن مسفر

فارس قحطان


خولان بن عامر


البقا الله يطول عماركم


وأكبر شرف لي هو مروركم وتشريفكم


الله يبيض وجيهكم ولا خلا ولا عدم


واعدكم بإذن الله بالجديد والمفيد


والسلام عليكم ورحمة الله وبركاته

علي سلمان آل مجرّي
26-02-2006, 07:10 PM
السلام عليكم ورحمة الله وبركاته

ارحب يا بن نومه

وصح لسانك ولسان ذيب الحميداني





تقبل تحياتي

محمد الحياني
26-02-2006, 07:29 PM
اخوي الغالي

الشاعر المميز علي بن نومه


تميزتما بمحاورة رائعة


وفقكما الله وكثر الله خيركما وصحت السنتكم

علي بن نومه
27-02-2006, 01:19 PM
الأخوان الأعزاء

علي بن سلمان

و

فتى الجوه




شرف لي مروركم




الله لايهينكم على كل حال

علي بن نومه
16-03-2006, 11:22 PM
الاخ العزيز فتى الجوه


شكر خاص لك



انت من اول المشاركين والاكثر فعاليه




ولاكن نحتاج الى ان تشارك بموضوع ولو منقول



ولك جزيل الشكر

بن مزهر
17-03-2006, 07:01 PM
صح لسانك
يابن نومه

ومحاوره طيبه
وما قصرت
ماشاالله عليك
نظم ومحاوره

أبو عساف
19-03-2006, 10:03 PM
صح لسانك ومشكوووووووور ولا هنت ..........

عبدالله المهداني
20-03-2006, 03:00 PM
صح لساااااانك يا علي


وصح لساااااان الحميداني



تحياتي

علي بن نومه
23-03-2006, 11:33 PM
الاخ بن مزهر



اشكر جزيل الشكر




لاخلا ولاعدم

علي بن نومه
23-03-2006, 11:36 PM
كاسر


صح بدنك ولاهنت

علي بن نومه
23-03-2006, 11:37 PM
الاخ عبد الله المهداني



صح بدنك




ولا عدمناك يالغالي

صقر الكويت
08-10-2007, 05:57 AM
صح اللسانك يا علي ويعطيك العافيه

اخوك / صقر الكويت