وينكم ياهل الألغاز .... نبي الحل ....!!!

[فارس الشواطي]

سلام الله عليكم جميع

اتمنى من الجميع المشاركه

ويحق للعضو اللي يعرف الإجابه ان يطرح لغزا جديدا وهكذااا

اترككم مع اللغز ولقربه من الأدب الشعبي أحببت طرحه هنا

ولكم كل التقدير



أبنشدك عن ورع يوضع بقبره=يُِِدفن ولا توضع عليه النصايب
غطّاه رجل فيه حنّكه خبره=وان هانه المخلوق شاف المصايب

اللغز شبه سهل والباقي عليكم :)

أخوكم فارس الشواطي

[عبدالرحمن]

القرص

[محمد بن مسفر القويفل]

عبدالرحمن الله يعطيك العافيه الظاهر انا وانت ما تعشينا اليوم انت قلت القرص وانا بخليها في المندى



ونشوف غيرنا وش يقول


واكيد الحل عند فارس الشواطي
لاهنت يا فارس وهذي مشاركتنا ننتظر الباقين




اخوكم


محمد بن مسفر القويفل

[فارس الشواطي]

هلا وغلاااا مليون

أخوي عبدالرحمن .... اطلب الله وشوف غير القرص :)

أخوي محمد .... تعوذ من ابليس وشوف غير المندي :)

القرص والمندي لو هانها الرجال وش المصايب ؟؟ اللي بيشوف

أقدر لكم محاولاتكم

بإنتظار الباقين

أخوكم فارس الشواطي

[طيب الفال]

العزيز فارس

صباحك ورد

الف الف مبروك على هذا المنتدى الرائع


اخوي فارس الله العالم ان حل لغزك هو (اللغم )

هذا والله اعلم

لك خالص التحايا والتقدير

[فارس الشواطي]

أرحب يا طيب الفال

يالله اتحييه بين ربعه وبين أخوانه

والحقيقه ان جبتهاااااااااا

والحل هو اللغم

ولك الحق انك تطرح لغز جديد اذا أحببت

لك من شارك ومن قرأ الموضوع التقدير والإحترام

أخوكم فارس الشواطي

[طيب الفال]

سلمه اخوي فارس

ومستعدين للناس الطيبين


استلم اللغز انت والاخوان الكرام



انشدك عن ورعٍ صغيرٍ محله
=============له موقف ما ياقفه كل رجال
يا زين وقفاته ويا زين دله
============اغلى من الغالي على كل الاحوال


وسلامتكم

[عبدالرحمن]

السلام عليكم ورحمتة الله وبركاته

فاتني لغز فارس الشواطي والعوض إن شاء الله

في لغزك يالذيب ((( والحل هوإن شاء الله الدبل وسلامتك)))

وعلى كل حال بيض الله وجهك على طرح هذا اللغز

ونطمع في المزيد من علومك الطيبه

أخوك عبدالرحمن

[طيب الفال]

هلا وغلا فيك اخوي عبدالرحمن

الله لا يهينك على كل حال

الدبل مالك لوا

الف شكر على تشريفك يالغالي

لك خالص الود والتقدير

[فارس الشواطي]

سلام الله عليكم

انا برمعها وانشالله انها صح

الجواب يابن العم ( نون العين) او الصبى

بإنتظار ردك

أخوك فارس الشواطي

[طيب الفال]

هلا وغلا اخوي فارس


بيض الله وجهك رمعة طيبة من وجه طيب



نون العين هو حل اللغز


صح لسانك

تحياتي لك

[فارس الشواطي]

السلام عليكم جميع

ووجهك أبيض يا طيب الفال

الحقيقه اني كنت أتمنى ان الجميع يشارك ويفيدنا ويستفيد

المهم اوجه شكري الخاص الى أخواني طيب الفال وعبدالرحمن ومحمد القويفل على مشاركاتهم

اللغز الجديد :



بانشدك عن عذرى تسد اللزومي= لاسار لك معها من أول علاقات

تنفعك وأنت بكل ديره تحومي= ياما قضت حاجه وحاجه وحاجات

حلوه سوالفها تزيح الهمومي= منطوقها يبري عن القلب علات

يالله شدّو حيلكم :)

أخوكم فارس الشواطي

[عبدالرحمن]

بطاقة الصراف ومعها





















































































































































































حبة خشم

[فارس الشواطي]

هلا وغلا أخوي عبدالرحمن

أي والله بطاقة الصراف

لك كل التقدير على مشاركتك

أخوك فارس الشواطي

[عبدالرحمن]

تفضلو يا لنشاما الغز





عزوني الناس فيكم حتى جنى المرجميه=شابت رموشي وراسي ولحيتي وشان حالي

هيه يالله يالشواطي خابرك عندك حميه=التفت غرب وجنوباً ثم شرقاً لشمالي

أخوكم عبدالرحمن