المساعد الشخصي الرقمي

مشاهدة النسخة كاملة : أرحب وهي كلمه على لسان قحطان


محمد بن مسفر القويفل
30-11-2004, 12:01 AM
أرحبوووا يا قحطان

ترحيبة قحطان سلم من سلومهم والسلم الطيب يوخذ به


والحين حتى اللي مهوب قحطاني صار يرحب بترحيبة قحطان


هذي القصيده واعذروني على القصور








أرحب وهي كلمه على لسان قحطان = سلمٍ خذاه أهل الكرم والجماله
سلمٍ ورثه الغمر من راس شيبان = ترحيبةٍ يصخي لها حر ماله
ترحيبةٍ تلقى لذربين الأيمان = والضيف والطرقي ومنهو عناله
ترحيبةٍ يطرب لها راس عمسان = كنه يبشّر بالبكر من عياله
ألذ وأحلا من عسل شعب نجران = وأزكى من عطور الزهر في جباله
ترحيبةٍ من عقبها الحيل والضان = كرامةٍ من طيب من طاب فاله
في مجلسٍ ما دنسه هافي الشان = ولا حكابه من كثيرٍ هباله
مدهال لقرومٍ مناعير شجعان = جزل العلوم تدار مابه هزاله
يساق فيه الكيف في دلال رسلان = والعود الأزرق فاح وقت اشتعاله
هذا وكلٍ فيه للجود برهان = قبايلٍ تفخر بعلمٍ تناله
ماني بمدحي للقحاطين غلطان = ومن لامني يا جعلها في حلاله
هذي وهي كلمه على لسان قحطان = أرحب غدت سلم الكرم والجماله




محمد بن مسفر القويفل

فارس الشواطي
30-11-2004, 12:12 AM
ماني بمدحـي للقحاطيـن غلطـان= ومن لامني يا جعلهـا فـي حلالـه
هذي وهي كلمه على لسان قحطـان=أرحب غدت سلم الكرم والجمالـه

أرحب أرحب أرحب أرحب أرحب ثم أرحب

صح والله لسانك يابو مسفر وبيض الله وجهك

جزلة من جزل

لا تحرمنا من إبداعك لا عدمناك

أخوك فارس الشواطي

الصقري
30-11-2004, 09:03 AM
أرحب وهي كلمه على لسان قحطان=سلمٍ خذاه أهـل الكـرم والجمالـه
سلمٍ ورثه الغمر مـن راس شيبـان=ترحيبةٍ يصخـي لهـا حـر مالـه
ترحيبـةٍ تلقـى لذربيـن الأيمـان=والضيف والطرقي ومنهـو عنالـه

أخوي محمد القويفل 000 ما قصرت يالقرم على هذه القصيدة الجزلة.
ما تستغرب هذي الطيبة من اللي مثلك وشرواك 000 لا هنت يا بو مسفر

أخوك :

عاشق الوطن
30-11-2004, 09:49 PM
أرحب وهي كلمه على لسان قحطان = سلمٍ خذاه أهل الكرم والجماله
سلمٍ ورثه الغمر من راس شيبان = ترحيبةٍ يصخي لها حر ماله
ترحيبةٍ تلقى لذربين الأيمان = والضيف والطرقي ومنهو عناله
ترحيبةٍ يطرب لها راس عمسان = كنه يبشّر بالبكر من عياله

محمد
كلام جميل الي قاعد تقوله
بعض الاحيان تصدر مني كلمة ارحب حتى ونا في
قاعة الاختبار او عند الطبيب حتى بعض المرات لابد
اني اقولها عبر تلقي اتصال من قحطاني علشان
مايشره علي مره تليقفت ورديت على التلفون وانا
في المحاضره وقلت بصوت منخفض ارحب اكلمك بعد المحاضره

سعد بن مناحي بن شفلوت
30-11-2004, 11:09 PM
القويفل




صح الله لسانك






قصيده تستحق التقدير






ابدعت في التعبير والتصوير






الله يعطيك العافيه






تقبل تحياتي

قحطان
02-12-2004, 01:24 PM
دائماً راائع وهذا ماتعودناه منك وماهي غريبه عليك الجماله فأنت جمّل من جمّل


سلمت ولاهنت

محمد بن مسفر القويفل
03-12-2004, 03:47 AM
تبقى يا فااارس




صح بدنك لا عدمتك



اخوك



محمد بن مسفر القويفل

محمد بن مسفر القويفل
03-12-2004, 03:50 AM
ومن قال ما يهان يالنهااااري



وما عليك زود





اخوك


محمد بن مسفر القويفل

طير حوران
04-12-2004, 12:02 AM
الشاعر محمد بن مسفر القويفل

صح لسانك وابدعت وما قصرت

دخلت بعين الناقد لكي اصطاد اي شيء

ولكنني خرجت بكل فخر لأنك رائع دائماً

قصيدة رائعه من اول بيت حتى ثاني بيت

والثالث اروع من الأول والثاني والرابع .........

.................................................. .... الأخير

تبي الحقيقة وشلي و التطويل كل القصيدة


(( مسكتـــــــــــــة ... مسكتـــــــــــــــة ))


(( مسكتـــــــــــــة ... مسكتـــــــــــــــة ))


(( مسكتـــــــــــــة ... مسكتـــــــــــــــة ))

ماني بمدحـي للقحاطيـن غلطـان= ومن لامني يا جعلهـا فـي حلالـه
هذي وهي كلمه على لسان قحطـان=أرحب غدت سلم الكرم والجمالـه[/poem]

خالد آل مطرف العاطفي
04-12-2004, 12:39 AM
ارحب ارحب ارحب ارحب قصيده جزله ورائعه من شاعر راااااااااااااااااائع وجزل كماااااان ارحب ارحب ارحب ارحب

ترحيبةٍ تلقى لذربين الأيمان = والضيف والطرقي ومنهو عناله
ترحيبةٍ يطرب لها راس عمسان = كنه يبشّر بالبكر من عياله

وعزالله إنك قلت ووفيت ونحن في إنتظار المزيد من القصائد الرائعة
اخوك
خالد

ابوابراهيم العبيدي
04-12-2004, 01:04 AM
اخوي محمد بكل صراااااااااحه قصيده اكثر من رائعه موضوعاً ومعنى
اتمنى منك المزيد من الروائع الجميلة
اخوك اللي يحتريك بشغف
ابو ابراهيم العبيدي

عوض بن شفلوت المناديه
07-12-2004, 06:56 PM
محمد حي والله ذي العين

قصيدة كفو و راعيها كفو

وتستحق عليها وسام يا ذيب




اخوك عوض بن شفلوت المناديه

مبارك
08-12-2004, 01:59 AM
ارحب..ثم ارحب....إلخ..ارحب

قصيدة جزلة وقمة في الروعة

ويعطيك العافية

وبيض الله وجهك

وننتظر المزيد من الابداع

اخوك

مـبـارك

محمد بن مسفر القويفل
13-12-2004, 01:01 AM
أرحب يا عاشق الوطن


اسعدني تواجدك وتعليقك

وجعلها عادة ما تنقطع



محبك


محمد

محمد بن مسفر القويفل
13-12-2004, 01:03 AM
صح بدنك يا ابن حبشان



والتقدير تواجدك


عافاك الله ولا هنت


اخوك



محمد بن مسفر القويفل

عشاق
13-12-2004, 03:26 AM
ارحب ارحب يامحمد وبيض الله وجهك

على القصيده ولاعدمناك

وبصراحه البيتين الاخيره مسكته

تحياتي

البشري
13-12-2004, 07:13 PM
الله يجزاك خير أبدعت أخوي محمد الله يزيدك إبداع


أخوك البشري

ابن شويه
18-12-2004, 03:03 AM
ارحبوا يامحمد

صح الله لسانك

ارحبوا وماادراك ماارحبوا

ارحبوا كلمة مثل صوت البندق لما ثار تعز قايلها وتقدر سامعها

لاهنت يامحمد

ابن شويه

محمد بن مسفر القويفل
20-12-2004, 02:34 PM
الاخوان


قحطان وطير حوران


يالله حيهم

صحت ابدانكم

ولا هنتو على تواحدكم




اخوكم



محمد بن مسفر القويفل

هاوي نجد
20-12-2004, 07:35 PM
لاهنت يا بو مسفر على ها القصيدة وبيضا الله وجهك الحقيقة القصيدة جزله ورائعة
اوصح اللسانك مليون .
صحيح ما قلته انه اي واحد الحين سوا قحطاني اوغير قحطان ايرحب


مشكور جزيل الشكر,,,, اخــــــــــــــــ هاوي نجدــــــــــــك

محمد بن مسفر القويفل
18-10-2005, 01:41 AM
مشرفنا الغالي / خالد


لا هنت على مرورك

اسعدتني بكلماتك العذبه يا عذب


تقبل تحياتي


اخوك


محمد القويفل

محمد بن مسفر القويفل
18-10-2005, 01:45 AM
ابو ابراهيم العبيدي



الله يسعد ايامك


والشهر عليك مبارك



اتمنى تكون بصحه وعافيه


اسعدني مرورك


لا هنت يا الذيب


تقبل تحياتي



اخوك


محمد القويفل

محمد بن مسفر القويفل
18-10-2005, 01:46 AM
شاعرنا ومشرفنا الانيق عوض المنادية



لا هنت يا بو شفلوت على تواجدك


تقبل تحياتي



اخوك


محمد القويفل

فهد المكودر
20-10-2005, 06:54 AM
محمد القويفل

صح لسانك مدد ماهو بعدد

وافيه وجزله من راس وافي

اخوك : فهد المكودر

هايل سعيدان الزهيري
10-01-2007, 12:18 AM
أرحب تريليون

ياسلام

صح الله لسانك

وهذه شهاده لنا من كل القبايل ، ويقولون غلبتونا بها ياقحطان

تحياتي لك ولقصيدتك

أبو صقر
10-01-2007, 04:31 AM
ماشاء الله تبارك الله يابو مسفر

وبعد تقول مانت بشاعر ؟؟؟

اشكرك جزيل الشكر

ساج الوقت المشعلي
10-01-2007, 05:37 AM
أرحب يابو مسفر وبيض الله وجهك

صح لسانك يالغالي لاعدمناك


تقبل تحياتي:

أخوك/ ساج الوقت المشعلي

العبدي
10-01-2007, 03:55 PM
صح الله لسانك يا القويفل

عبدالله بن عايض الفهري
14-01-2007, 11:59 AM
ابومسفر

صح لســــــــــــــــــــــــــــــــــــــــــــــــ ــانك

محمد بن مساعد آل بحير
14-01-2007, 01:17 PM
السلام عليكم ورحمة الله وبركاته

صح لسانك...

.

ابوفراس القحطاني
14-01-2007, 04:49 PM
ارحب ارحب ارحب ابداع

هشام الداوود
17-01-2007, 03:00 AM
صح الله لساااانك


وفكرك


ولاهنت يالجزل

حسين آل ملحف
18-01-2007, 03:18 AM
القويفل

انت تقول انها سلم من اسلوم قحطان

وانا اقول ارحب ثم ارحب وتستاهلها

قصيده لها شانها وبيض الله وجهك

بدر بن هادي الوبري
02-02-2007, 12:55 AM
اررررحب تراحيب المطر



شاعر كبير ومبدع واكبر من كلمات المدح والاعجاب..



صح الله لسانك وجعل راسك يسلم



تقبل تحياتي,.,

محمد بن مسفر القويفل
15-04-2007, 02:23 PM
الاخوه الاعزاء


اعتذر من الجميع في التأخر في الرد

فليعذرني الغالي مبارك

صح السانك يا مبارك وعلا شانك
لا عدمتك


==================

الغالي عشاق

سلمت ولا هنت

وجهك ابيض يا عشاق


==================

مشرفنا الغالي

البشري

اسعدني تواجدك صح بدنك



================
ابن شويه


صح بدنك ولا عدمتك

لا هنت على اشادتك ووصفك الرائع للترحيبه ما كذبتك عز الله


================


الغالي هاوي نجد


صح بدنك وبيض الله وجهك
شاكر تواجدك لا عدمت هالتواجد



==================


الشاعر فهد المكودر


صح بدنك يا شاعرنا
لا هنت على تواجدك

لك تحياتي


==================
الغالي
هايل الزهيري


تسلم تريليون وابليس ملعوون
صح بدنك



===================

ابو صقر


صح بدنك تلميذك والا الان ماني بشاعر خواطر من شي في الخاطر

لك تحياتي


=========================


ساج الوقت المشعلي

صح بدنك
والله لا يهينك


========================
العبدي


صح بدنك

لك تحياتي



==================
الغالي عبدالله بن عايض الفهري



صح بدنك يا ابو عايض



لك تحياتي


======================
كحيلان قحطان


صح بدنك لا عدمت







للجميع تحياتي وتقديري




اخوكم


محمد بن مسفر بن مناحي

فهد آل سلمان
15-04-2007, 10:53 PM
ارحب وهي كلمه على لسان قحطان

وارحب يامحمد القويفل

وصح لسانك

عبدالرحمن آل مريع
16-04-2007, 11:39 AM
صح لسانك..................
بيض الله وجهك على هذه القصيده

السعيدان
16-04-2007, 03:04 PM
لا هنت يالقويفل على هذه القصيدة الرائعة

وبالمناسبة

والله على ما أقول شهيد

عندي ولد عمره سنتين فقط دخل علي المجلس وكان عندي رجال شرواكم

وكان يتكلم ومندفع تجاه الضيف ويقول ( أهب أهب أهب ) أنا مافهمت ويش هو يقول فسألت ( المترجم ) أخوه

أكبر منه الله يحفظهم وأولادكم والمسلمين جميعاً فقال أنه يقول أرحب أرحب

فأقول بأن هذه العادة الحميدة لدى كل قحطاني أصبحت طبيعة وغريزة في النفس ومتوارثة أيضاً

للأجيال إنشاء الله.......

ذيب النير
16-04-2007, 03:32 PM
ارحب يالقويفلي ارحب ثم ارحب مليون وبيض الله وجهك على القصيدة واقول ماقصرت

سلطان ابن غتران الخامسي
20-04-2007, 02:32 PM
صـــــــــــــــــــــــــــــــــــــــــــــــح لســــــــــــــــــــــــــــــــــــــانــــــــ ـــــــــــــــــــــــــك

معيض بن صميع
25-04-2007, 02:48 AM
شاعرنا الجزل : محمد القويفل



صح لسانك حتى تكتفي



وبيض الله وجهك ..



هذه القصيدة لا يشابهها إلا شموخ حرفك ورقي فكرك ..



دمت موفقا وبألف خير ..

سيف الخنفري القحطاني
24-12-2009, 05:30 AM
يازين تحاليلك يامحمد ويازين جلستن معك
أبك أنت حروفك حطتني في زمن جد جدي وأرحب ترحيبة تشق الخشم:12010311_em
ومشاهدك مشاهد إللي فوق راسي >>:030104_em وانت بعد على راسي يابن عمي
تسلم على التوضيح

سيف الخنفري القحطاني
24-12-2009, 05:35 AM
يازين تحاليلك يامحمد ويازين جلستن معك
أبك أنت حروفك حطتني في زمن جد جدي وأرحب ترحيبة تشق الخشم:12010311_em
ومشاهدك مشاهد إللي فوق راسي >>:030104_em وانت بعد على راسي يابن عمي
تسلم على التوضيح