المساعد الشخصي الرقمي

مشاهدة النسخة كاملة : حنا هل التوحــــيد


ناصر بن هذال ال شري
08-02-2006, 07:55 PM
أخواني مشرفي ,اعضاء وزوار شبكة قحطـــان اضع بين ايديكم هذه القصيده عسى ان تنال استحسانكم.

وهي تفاعلا مع احد الشعراء الذي طلب نصرة محمد صلى الله عليه وسلم ولو بقصيده

بقوله:واقــول يـاشـعـار ويـــن الغـيـوريـن++ويــن الـمـواهـب دام هـــذا وعـدهــا
وين الرجـال اللـي تدافـع عـن الديـن++وفي المنتدى شعار ما احصي عددها

فكان الرد التالي:


ياربنا ياخالق الانس مـن طيـن=والجن من نار تلاهـب وقدهـا
عنا على نصرة ختـام النييـن=ياحامي الكعبه من اللي قصدهـا
ياللي زهمتونا ترانـا شجيعيـن=حنا الحرار الصامله في هددهـا
قصيدة ترسل على الفاكس ذالحين=ايات رب الكون صافـي مددهـا
تكفى يابومتعب صعوط المجانين=قواتنا في مواجـه الكفـر قدهـا
قدها مثل ام المعـارك وحطيـن=عد النصر وهيبة الديـن عدهـا
خلنا نكسر خشم ذولا المعاديـن=والعين نعميهـا وندبـل رمدهـا
مليار مسلم واضحيـن العناويـن=اسود غـاب ,نمورهـا وفهدهـا
سحابـة جينـا لربـي ملبـيـن=الله أكبر ..كل ماأصحى رعدهـا
مليار مسلم ..الدنمارك من وين؟=وين الديار اللـي ينكـت ولدهـا
مايدري انه ناش سـم الثعابيـن=وان ضحتكه بتنوئد فـي مهدهـا
مايدري انحـن مانقـدم قرابيـن=ولانصلـي للصليـب وعمدهـا
حنا هل التوحيـد حمايـة الديـن=مـن أمـة بتاخـذ الحـق يدهـا
يارب اسمائـك تسعـه وتسعيـن=بكتابك الطاهـر وردنـا عددهـا
نسئلك باسمائك عذاب من الحيـن= لهعجوا الدنمارك بامرك هجدها


وسلامتكم

مسفر محمد الوبري
08-02-2006, 08:50 PM
صلى الله على محمد

ارحب يبن شري

صح لسانك

والله لايهينك

الوهابى
08-02-2006, 10:41 PM
ارحب يا بن عمى وما قصرت وبيض الله وجهك

القيسي ولد الحارث
09-02-2006, 04:15 AM
الله الله عليك يالذيب

صح السانك يابن شري


القصيدة وافيه وجــــــــــــزله


وتقبل تحياتي

عبدالله بن غفره
09-02-2006, 04:28 AM
صح لسانك يالذيب


ولاهنت على ماكتبت وقلت



وتسلم يمينك والله لايهينك



جزله من شاعر جزل يجيد حبك المعاني

عبدالله المهداني
09-02-2006, 02:43 PM
صح لساااانك يا ناصر


والله يبيض وجهك


والله يعزنا بك



لك سلامي


عبدالله المهداني

ناصر بن هذال ال شري
09-02-2006, 04:41 PM
الاخواه الاعزاء

اشكركم على المرور وما سطرت ايديكم اعتبره "حقيقة" اوسمه من الدرجه الاولى ونياشين اضعها على صدري.

تحياتي لكم.

محمد الحياني
09-02-2006, 05:01 PM
صح لسااااااااااااااااااااااانك


يالذيب

وكثر الله خيرك


رد وافي من وافي

ناصر بن هذال ال شري
09-02-2006, 08:28 PM
فتى الجوه...لا عدمتك

شكرا على مرورك واطرائك.

سلطان العبيدي
04-03-2006, 01:11 PM
صح السانك وبيض الله وجهك

يا الوافي

علي بن نومه
04-03-2006, 11:02 PM
اللهم صلي وسلم عليك يارسول الله

ارحب يابن شري

وصح الله لسانك

على هذا الابداع الرائع


ولا تحرمنا من جديدك


اخوك القريشي

بدر بن هادي الوبري
05-03-2006, 12:18 AM
بيض الله وجهك



وصح لسانك يا ابو هذال