سعيد بن مانع
05-02-2006, 02:57 AM
\\\ بدوون مقدمـــاتــــ \\\
بديت بسم الله رب العبااادي=الخالق الناطق عليم الخفيه
ربي إلهي كم عطانا و جادي=ومن جود ربي حامدين العطيه
خالق بلا عمدان سبعٍ شدادي=وهادي خطانا غافرٍ للخطيه
من بعدهااا ياأبيات شعري تبادي=وارسّي على مينا الجزاله رسيه
ثم وضّحي له كيف حرفك ينادي=عذب المعاني .. ثم تلبي بجيـّـه
وقولي لراعي الراي ماله حصادي=مجنااه باير دام منصاااه ليّـه
رايه كما وجهه غشاه السواادي=ورايه كما غرسات من غير فيّه
جعله عشا للضاريات العواادي=لنّه تجرّا وانكر الشاعريه
ياوالله اني شاعرٍ قد أجادي=بدع القووافي والبيوت النديه
ابدع واطرّق واحترف بالنشاادي=واجيب فكرٍ ماحدٍ جااب زيه
صحيح بإن النار تصبح رماادي؟؟=مير اختلف ذا القول عندي شوويه
جدي وابويه شعرهم له مباادي=وانا خلفهم ..وامست النار حيه
من شعر جدي منهلي واقتياادي=طلق اللسان الذرب ..هادي المطيه
شعري وراثه من قديم الجدااادي=ومن طيبتي عنده؟ .. ماقد بار فيّـه
ولاني اجيب محاوله واجتهااادي=ابياات شعري لي تجي منثنيه
ولاني اتابع للعلوم الغواادي=ومكرّمٍ شعري عن ادنا دنيه
شعري تولّع في طبايع فوادي=ماعافني .. لنّه رباا في يديه
والشعر والله شرب فمي وزاادي=وبيني وبينه عشره ومقدريه
والشعر ليّه مثل طلقة زنااادي=ومتعاهدينٍ بيننا بالحميه
وابيات شعري ماتحب العناادي=اقول هااتي ؟؟ ثم تمد الحذيّه
واعشق حروفي عشق ماهوب عاادي=عشق (الملّوح قيس)... (للعامريه)
واغراض شعري ماهي (دادي وبادي)=ولاهي تهدّر لجل عين البنيه
القصد سامي..والمعالي مرادي=ولا ابغا اشتهر..ولا ابتغي إعجاب فيّه
الحمد لله... واثقٍ في صماادي=واعرف صموودي مايخيب النصيه
والحمد لله ...جزل شعري اعتيادي=مني القصايد.. بالوفا ممتليه
مثل العرب محتكرةٍ حرف (ضادِ)؟؟= انا احتكر قول الجزاال الوفيه
اقولها كلّي ثقه واعتماادي=ماني اقوله دون قصدٍ ونيه
وانا استمد الفايده؟؟ من معاادي=لا زاد غلّه ؟؟ زادت المعنوويه
يامن سردت براي ماهو وكاادي=مع احترامي ..كل آرائك غبيه
تبغى الملا يحكون ؟؟ (هذا انتقاادي)=وانت انتقاادك .. مايمشّا عليه
وانا اعتقد واقول حسب إعتقـااادي=بعض الحكاا ياهووه .. ماله حظيه
خذ واستمع مني علوومٍ جدادي=رضيت فيهاا ؟؟..او عساك المنيه
ماعمر مويه ذوّبت للجمااادي=ولاعمر ريحٍ هز عالي رسيه
ولاينطح المرقاب ياكوود غاادي=مير ابتعد عن الدرووب الشقيه
غصبٍ على شاربك (شاعر قيّادي)=ولي شاعرريه تعتررري شاعريه
يقوله اللي صدر بيته بــ(آدي)=واللي ختم بدع القوافي بــ (إيّـه)
\\\ وسلامتــكـمـ \\\
بديت بسم الله رب العبااادي=الخالق الناطق عليم الخفيه
ربي إلهي كم عطانا و جادي=ومن جود ربي حامدين العطيه
خالق بلا عمدان سبعٍ شدادي=وهادي خطانا غافرٍ للخطيه
من بعدهااا ياأبيات شعري تبادي=وارسّي على مينا الجزاله رسيه
ثم وضّحي له كيف حرفك ينادي=عذب المعاني .. ثم تلبي بجيـّـه
وقولي لراعي الراي ماله حصادي=مجنااه باير دام منصاااه ليّـه
رايه كما وجهه غشاه السواادي=ورايه كما غرسات من غير فيّه
جعله عشا للضاريات العواادي=لنّه تجرّا وانكر الشاعريه
ياوالله اني شاعرٍ قد أجادي=بدع القووافي والبيوت النديه
ابدع واطرّق واحترف بالنشاادي=واجيب فكرٍ ماحدٍ جااب زيه
صحيح بإن النار تصبح رماادي؟؟=مير اختلف ذا القول عندي شوويه
جدي وابويه شعرهم له مباادي=وانا خلفهم ..وامست النار حيه
من شعر جدي منهلي واقتياادي=طلق اللسان الذرب ..هادي المطيه
شعري وراثه من قديم الجدااادي=ومن طيبتي عنده؟ .. ماقد بار فيّـه
ولاني اجيب محاوله واجتهااادي=ابياات شعري لي تجي منثنيه
ولاني اتابع للعلوم الغواادي=ومكرّمٍ شعري عن ادنا دنيه
شعري تولّع في طبايع فوادي=ماعافني .. لنّه رباا في يديه
والشعر والله شرب فمي وزاادي=وبيني وبينه عشره ومقدريه
والشعر ليّه مثل طلقة زنااادي=ومتعاهدينٍ بيننا بالحميه
وابيات شعري ماتحب العناادي=اقول هااتي ؟؟ ثم تمد الحذيّه
واعشق حروفي عشق ماهوب عاادي=عشق (الملّوح قيس)... (للعامريه)
واغراض شعري ماهي (دادي وبادي)=ولاهي تهدّر لجل عين البنيه
القصد سامي..والمعالي مرادي=ولا ابغا اشتهر..ولا ابتغي إعجاب فيّه
الحمد لله... واثقٍ في صماادي=واعرف صموودي مايخيب النصيه
والحمد لله ...جزل شعري اعتيادي=مني القصايد.. بالوفا ممتليه
مثل العرب محتكرةٍ حرف (ضادِ)؟؟= انا احتكر قول الجزاال الوفيه
اقولها كلّي ثقه واعتماادي=ماني اقوله دون قصدٍ ونيه
وانا استمد الفايده؟؟ من معاادي=لا زاد غلّه ؟؟ زادت المعنوويه
يامن سردت براي ماهو وكاادي=مع احترامي ..كل آرائك غبيه
تبغى الملا يحكون ؟؟ (هذا انتقاادي)=وانت انتقاادك .. مايمشّا عليه
وانا اعتقد واقول حسب إعتقـااادي=بعض الحكاا ياهووه .. ماله حظيه
خذ واستمع مني علوومٍ جدادي=رضيت فيهاا ؟؟..او عساك المنيه
ماعمر مويه ذوّبت للجمااادي=ولاعمر ريحٍ هز عالي رسيه
ولاينطح المرقاب ياكوود غاادي=مير ابتعد عن الدرووب الشقيه
غصبٍ على شاربك (شاعر قيّادي)=ولي شاعرريه تعتررري شاعريه
يقوله اللي صدر بيته بــ(آدي)=واللي ختم بدع القوافي بــ (إيّـه)
\\\ وسلامتــكـمـ \\\