الشوق ياشوقي عذاب ومشقــّـه

[وسيع الخاطر]

هذه المتواضعه كتبتها من زمن ليس بالبعيد ولاكن لها مده

على بحر المسحوب وأتمنى ان تعجبكم


الشوق ياشوقي عذاب ومشقـّه=وش فيك ماتفتح على الوصل طاقه

الشوق شق القلب والكبد طقــّه=والحال شاف الهم والمر ذاقه

ليتك على قلب المولّع تفقــّه=الشوق ساق القلب للفين ساقه

وليتك تعرف الحق تعطيه حقـّه=والمشكله معروف حق الرفاقه

العمر نقد(ن) فالمصاريف انقـّه=وحبك سرق نقد(ن) انقـّه وباقه

والعمر باب(ن) تدخله ماتدقـّه=واللي يدقه قاصدين الصداقه

تدري!! صحيبك اتركه بس وقـّه=نار الهوى اللي بان فيه احتراقه

وتدري!! صحيبك اتركه ثم لقــّه=ظهر الجفى اللي مايفسّر فراقه

وتدري!! صحيبك ياهوى القلب عقـّه=والله ماتقدر تعيق اشتياقه

حبك لقى فالقلب تسعين شقـّه=إمفرّغه بسمك ولا له علاقه

وسلامتكم ,,,

[ابراهيم بن مريع]

ياسلام ياسلام عليك ياوسيع الخاطر



قافية رنانه وبدع جزل




تقبل تحياتي

[فارس الشواطي]

صح السانك

[علي بن حمري]

[QUOTE=وسيع الخاطر]هذه المتواضعه كتبتها من زمن ليس بالبعيد ولاكن لها مده

على بحر المسحوب وأتمنى ان تعجبكم



ليتك على قلب المولّع تفقــّه=الشوق ساق القلب للفين ساقه

وليتك تعرف الحق تعطيه حقـّه=والمشكله معروف حق الرفاقه

العمر نقد(ن) فالمصاريف انقـّه=وحبك سرق نقد(ن) انقـّه وباقه

والعمر باب(ن) تدخله ماتدقـّه=واللي يدقه قاصدين الصداقه








وسيع الخاطر




بارك الله فيك



موفق

[وسيع الخاطر]

لاهنت على المرور اللي عطر الصفحه كلها يبو مريّع جعلك اتحيا وتدوم

[وسيع الخاطر]

صح بدنك اخوي فارس الشواطي الله لايهينك

[وسيع الخاطر]

استاذي راية الشعر يكفيني انك اطلعت على ماكتبت ووجودك في هذه الصفحه اهم من مشاركتي

جعلني مبكيك يبو فواز وجعل الساحه ماتبكي شاعرها

[ابن عاصم]

وووووووسع الخاطر ماشاءالله عليك اثرك شاااااعر وصح لسانك مليارات وقصيده جزززله

الحمدلله كثروا الشعار عندنا في المنتدى

ياليتني شاااعر بس لو اكتب شعر ماهوب صاير شعري مكسور الا بيعرج وبقوه


لا تبخل علينا بقصايدك نفداك

اخووووووك ابن عااااصم

[متعب الخامسي]

ابيات عذبه سلمت يمينك يا الغالي


صح لسانك ودام ابداعك


تحياتي وتقديري

[خالد آل مطرف العاطفي]

تدري!! صحيبك اتركه بس وقّه=نار الهوى اللي بان فيه احتراقه


وتدري!! صحيبك اتركه ثم لقّه=ظهر الجفى اللي مايفسّر فراقه


وتدري!! صحيبك ياهوى القلب عقّه=والله ماتقدر تعيق اشتياقه


حبك لقى فالقلب تسعين شقّه=إمفرّغه بسمك ولا له علاقه

صح السانك صح السانك
ماشاءالله عليك مبدع مبدع ابيات جميله جدآ جدآ ومشاركه من البدايه قويه و تستحق الأشاده والأعجاب اتمنى ان نرى
مشاركاتك الجايه ..والجديده لأن اللي هذا قديمه انشاءالله ان جديده اروع واروع ...
الله يحيك تحية المطر واستمر معنا فأنت مطلب ضروري للشبكه وهي احق بك ..

اخوك
اللي يرحب بك ملايين
خالد

[الـــجـــحــلــي]

تسلم على طرحك الرائع

[عايض الفهري ابوبندر]

صح لسانك


مشكووووووور


تحياتي