(( أنا من عيال رجال ومعرّب مجناي ))

[سعد بن مناحي بن شفلوت]

تحيه طيبه للجميع

اهديكم هذه القصيده

وأتمنى ان تحوز على رضاكم







،، ،، ،، ،،





اقول اهجدي ياهرجة في حشـا الحكـّاي=ترى هرجـة الحكّـاى ماضيقـت بالـي


حرام ما تِلحقني هروج الرخـوم اقصـاي=وانا اللي وطيت ارقاب الانـذال بنعالـي


أنا من عيـال رجـال ومعـرّب مجنـاي=أشرّف ولد عمي وأشـرّف ولـد خالـي


والى جيت بأجلس ماأجلس الاعلى مركاي=والى جيـت بأنـزل ماأنـزل الابمنزالـي


وأنا اللي ماتقصر ياهروج الـردى يمنـاي=وعيني لفعل الطيب فـي كـل الاحوالـي


وفي المرجله مازاد بيعـي علـى مشـراي=ولا اطاوع بكسب الجميلـه ولا امالـي


واسوق الروابع لين تـارد مـع الـروّاي=والى من وردت العد مـا تقصـر حبالـي


ولا تسند عزومي وانـا مالحقـت منـاي=اسوق الركايب دامـت الرجـل تحتالـي


ولاهمّني لو مااملـك الا مـافـي مخبـاي=وش يهمنـي دام الولـي ساتـر حـالـي


ولا بأتبع المقفي ولا بأسفه اللـي جـاي=ولامبـدْي سـدّي علـى كـل رجالـي


ولاأحد يشاركني بغيضـي ولابأرضـاي=يكون الصديق المخلـص الوافـي الغالـي


وأنا اللي ليا صادقت مايختلـف مبـداي=ولا يشتبـه فـي عينـي بعيـد وموالـي


وياما سمعت وشفت في الوقت من دنيـاي=ولا أقول أنا الأول ولا أقول أنـا التالـي



.
.

وســـلامتكم


ابن حبشــان

[إبن الأروق]

كفو والله يابن حبشان

تحري بالمقدية تحريبها

صح لسانك وانا اخوك وننتظر جديدك

اخوك ابن الاروق

[ابن عاصم]

ااااااااااااارحب ياسعد بن حبشااااااااااان وصح لساااااانك وكفو


اسفرت وانورت وينك من زمان

وعلى فكره يالربع ترى سعد بن حبشان شاعر بالمحاوره كذا مره قريت له في منتديات مشهوره مثل النداوي وخزامى نجد

ابوحبشان وابوشديد وابو فواز ومحمد العاطفي اربع شعراء يجيدون المحاوره فنحن نتظركم


اخووووووووووك ابن عاااصم

[عاشق الوطن]

[
الاخ الاستاذ سعد بن حبشان
السلام عليكم ورحمة الله وبركاته
اوردت في بداية مداخلتك< وأتمنى ان تحوز على رضاكم>
في الحقيقه ان مازادني بهجه وسرور هو انضمامك لهذه الكوكبه من
فرسان قحطان وارجع لعنواني بكل تفاني واقول فرحتنا في وجودك
اصاله عن نفسي ومشاركه لاخواني الاعضا ارحب بك في هذا الموقع
موقع شبكة قحطان الذي ازدان ولبس حله باهيه زاهيه بانضمام شرواكم
وكلنا امل وتفاؤل بطرحك الجميل كجمال هذه القصيده التي بدات بها
المشركه في الموقع ولا اخفيك سرا انني حاولت اقتبس بيت او بيتين
ضمن ترحيبي وتعليقي الا ان اناملي خجلا ايهم تختار كل القصيده جميله
هذا مصدر تفاؤلي ولي فيك امل ان تتحفنا بالقصائد التي بنيت على
قصه سبقتها فهي ما يبحث عنها الرواه وذوي الاهتمام
اتمنى لك التوفيك واثني مجددا بك في شبكة قحطان هي شبكه انت
احد ربانها دعها تسير ونشر لها الشراع باتجاه الرياح دعها تسير

[مضيم]

كفوووووووووو ياوجه قحطان لذي وغيرها



والله يحييك بين القروم اخوانك وبني عمك

[ابراهيم بن مريع]

الحقيقه ياسعد بن حبشان والله ماهي بمجامله


انك من الاشخاص اللي لفتوا نظري بقوة شعرهم وجزالته

تقبل تحياتي وسجل اعجابي

[علي بن حمري]

تحيه طيبه للجميع

اهديكم هذه القصيده

وأتمنى ان تحوز على رضاكم


× × × × ×







اقول اهجدي ياهرجة في حشـا الحكـاي=
ترى هرجـة الحكـاى ماضيقـت بالـي


حرام ما تلحقني هروج الرخـوم اقصـاي=
وانا اللي وطيت ارقاب الانـذال بنعالـي











لله درك يابن حبشان عزالله انك تلعب





موفق

[الصقري]

أنا من عيـال رجـال ومعـرب مجنـاي=أشرف ولد عمي وأشـرف ولـد خالـي
والى جيت بأجلس ماأجلس الاعلى مركاي=والى جيـت بأنـزل ماأنـزل الابمنزالـي
وأنا اللي ماتقصر ياهروج الـردى يمنـاي=وعيني لفعل الطيب فـي كـل الاحوالـي
وفي المرجله مازاد بيعـي علـى مشـراي=ولا اطاوع بكسب الجميلـه ولا امالـي


بيض الله وجهك يا أبن حبشـــــــــــــــــــــــــان 000 قصيدة وافية من شاعر وافي.

لا هنت والله ياسعد 000 نورت مجالس قحطان.

أخوك :

[خالد آل مطرف العاطفي]

ارحب ارحب
يابن حبشان
صح السانك صح السانك
وكفو والله كفو ...قصيده وافيه ..من وافي
الله يحييك ياابن حبشان بين اخوانك وبين ربعك ..والحقيقه ان تواجدك معنا يزيدنا شرف ويزيدنا قوه فأنت انشاءالله ممن سيساهمون في انجاح الشبكه بمشاركاتك المميزه .. ونرحب بك مره ثانيه وثالثه والله يحييك في موقعك موقع الجميع ...

اخوك
اللي يرحب بأبن حبشان ملايين
خالد

[سعد بن مناحي بن شفلوت]

ابن الاروق




صح بدنك





سلمت يالغالي

[سعد بن مناحي بن شفلوت]

ابن عاصم




صح بدنك والله يبقيك





وفيت ولاهفيت ياقحطاني






عساك تسلم

[سعد بن مناحي بن شفلوت]

عاشق الوطن





الله يفرّحني بسلامتك









وافين كلكم وليس الطيب عليكم بغريب






يشرفني التواجد مع مثلك وشرواك








عسى ايامك سنين

[سعد بن مناحي بن شفلوت]

مضيم


لاهنت على مرورك


تحياتي

[مشعل بن مترك بن شفلوت]

كفو يا ابو مناحي , قصيده وافيه من راس وافي

[هاوي نجد]

لاهنت يا بن حبشان

قصيده رائعه وكلماتها قويه


تقبل تحيات اخوك

[ابوابراهيم العبيدي]

ارحب ارحب
يابن حبشان
صح السانك صح السانك
وكفو والله كفو ...قصيده وافيه ..من وافي
الله يحييك ياابن حبشان بين اخوانك وبين ربعك ..والحقيقه ان تواجدك معنا يزيدنا شرف ويزيدنا قوه فأنت انشاءالله ممن سيساهمون في انجاح الشبكه بمشاركاتك المميزه .. ونرحب بك مره ثانيه وثالثه والله يحييك في موقعك موقع الجميع ...

اخوك
ابو ابراهيم العبيدي

[علي بن مسفرالحبابي]

أنا من عيـال رجـال ومعـرب مجنـاي=أشرف ولد عمي وأشـرف ولـد خالـي
والى جيت بأجلس ماأجلس الاعلى مركاي=والى جيـت بأنـزل ماأنـزل الابمنزالـي
وأنا اللي ماتقصر ياهروج الـردى يمنـاي=وعيني لفعل الطيب فـي كـل الاحوالـي
وفي المرجله مازاد بيعـي علـى مشـراي=ولا اطاوع بكسب الجميلـه ولا امالـي

بيض الله وجهك يا أبن حبشـــــــــــــــــــــــــان 000 قصيدة وافية من شاعر وافي.

لا هنت والله ياسعد 000 نورت مجالس قحطان. انت من الشعراء الذي احرص علي

متابعه مايكتبون لاهنت لاهنت وصح الله لسانك

[رائد نملان الحبابي]

هلابك مرحبا بك ياولد حبشان
تحيه وافيه من صافي النيه
ارحبك وانا رائــد ولد نــملان
احب اهل الوفا والعز والهيه
علومك وافيه ياصقر ياشيهان
وراعي الطيب يعرف من مجانيه
قصيدك فاح ريحه عنبر وريحان
بيوتك بالوفا ياشــيخ مــبـنيــه
--------------------------------------------------------------------------------------
ارجو ان تقبل بهاذي الابيات البسيطه وانت غني عن التعريف
قصايدك وافيه وتعجبني سجل اعجابي ..

[مشخص الفهري]

كفو كفو ياسعد

شهادتي فيك مجروحه

شاعر علم وعملاق

نحياتي

[معيض حامد]

مشكورررررررررررررررررررررررررين

[محمد بن مسفر بن جليد]

بيض الله وجهك يا سعد

[محمدبن عبيان الفهري]

ارررحب يابو مناحي


صح اللسانك على القصيدة الجزلة والتي تعتبر من اندر واجود انوا الذهب عيار 21 فالله درك يالذيب وهذا

ليس بغريب عليك ياسعد فانت من الذين يفتخر الشعر والساحة الشعريه بكلماتهم الرائعه


ولك خالص تحياتي