الحزينة

[النزيه]

{{{{{ الحزينة }}}}}


قصيدة من الوجدان
للشاعر : سفر بن مبارك بن هباش القحطاني
يحاكي بها الحظور الدائم
في قلبه وذاكرته لوالدته المتوفاه
أسكنها الله الفردوس الأعلى وألهمه الدعاء لها
والبر بها بعد مماتها وجمع بينهما في دار كرامته.







يا وجد حالي وجد من فارقه غاليه=ويا صَرم قلبي صرمة الدلو في الجمة
ويا لوعتي لوعة صغير فقد واليه=ويا ضيم قلبي ضيم من زل في عمه
على اللي وقف يومه وأنا ما قدرت أوفيه=وأنا أبغى السموحة منك تكفين يا يمه
خذتني الضروف القاسية ما قدرت آجيه=وقصرت في الواجب وقصرت من يمه
ألا يا عظيم الشان يا مكرم راجيه=لها تجعل الفردوس منزال وتضمه
أنا اسألك تغفر ذنب من لاذ بك داعيه=وتجبر عزا اللي لايع الحزن يلتمه
يا ليت التماني تنفع اللي يبي يفديه=لا أحط العيال بقبر من ضمني دمه
ويا الله تصبرني ليا حل بي طاريه=وتجلى هموم داخل القلب ملتمه
عساني فداء لترابه اللي على رجليه=وخفف من أحزان الليالي ومن همه

[عبدالله المهداني]

اخي العزيز


النزيه


مشكور على هذا النقل الطيب


وصح لسان الشاعر

وتم نقل الموضوع لعذب الكلام


لأن القصيده منقوله


تحياتي وتقديري




المهداني

[السيف النادر]

لا هنت يا النزيه

صح لسان سفر بن مبارك وسلمت يمينك

قصيدة رائعة ومؤثرة ...والأم فقدانها مصيبة كبيرة وعظيمة ..... أسأل الله أن يسكنها فسيح جناته ويلهمه الصبر على مصيبته ...

لا هنت وننتظر روائعك ...

تقبل تحياتي

[محمد الحياني]

الله يرحم والدته


ويرحم جميع موتى المسلمين


وصح لسانه

عز الله انه كفى ووفى


وانت الله لايهنك على النقل

وابيض وجه

[سفر بن مبارك]

أشكر أخي النزيه على النشر والتنسيق الرائع

أسأل الله أن لايريك مكروه في غالي ...

كما أشكر الجميع ...