المساعد الشخصي الرقمي

مشاهدة النسخة كاملة : تأملوا جمال المرأه في هذه القصيده..


عمر السخني
28-01-2006, 02:41 AM
هذي القصيده كتبتها من فتره طويله..
حبيت اقدمها لكم...



أصل الجمال



أبهرتني بعيون كحلــى سطَّرت معنى الدلال=غمضت عيني وخوفــي ياصلك منها حسدها
كـل لـذَّه فـي فتونك عانقت طـعـم الجمال=مستحيل احـدن وغيرك ذاقها مـرَّه وامدهـا
سبحانه خـلـق دنيا....واخلقك مثل الخيـال=سارحن تختار فيها مـا تريده مـن مددهــا
جمَّلك باحلى الوصايف والمزايا...يــا غزال=طفلةٍ بآموت فـيـهـا قبل مــا تترك مهدها
الشعر لـيـلـن تجافـى عـن مشيبه إحتمال=والجبين شـعـاع شمسن ساطعه تلفي وحدها
حاجبه خــط القلم... خــط صفحاته وجال=والرمش مثل السيوف البارقه... برقن رصدها
والخـدود بهـا حـدايـق جنَّة الورد المحال=جيدهـا..عنق المهـا..بالعاتق اللي في عمدها
والنهد عقلن تراخـى.... وسطه يثور السؤال=خصرها حيَّه رخومـه.. مستريحه من جهدها
مـا وصفت العين لـن عيونها أصـل الجمال=حيَّرت لشعـار فيهـا والقوافي ومـن قصدها
جرحـهـا مثل التشافي.... ظلمها مثل العدال=طيبها مثل القساوه.... وحزنها حــدَّة سعدها
شي منها.. وبعض منهـا... وكلها حلو الليال=لاختفت عنَّا وراحت.... بعدهـا منهو بعدهـا
الحسن لـو جـا معاه بعض..... كبرٍ واختيال=كيف يرعى(الذيب) (شاتن) لحمها لنابه غمدها
يـا رفيقي ذي صبيه.. وصلهـا صعب المنال=بالك تقبٍّل يديهـا... فـي لهيب الـنـار يدها
سلمتم جميع اخوكم..الشاعر عمر

عبدالله المهداني
28-01-2006, 02:54 AM
صح لسانك



وعلا شانك


والله يوفقك

لما يحبه ويرضاه


المهداني

محمد الحياني
28-01-2006, 09:11 AM
صح لساااااااااااااااااانك



اخوي الغالي عمر



قصيدة رائعة ورائدة وجميلة


لاهنت

سعد المهداني
31-01-2006, 01:52 AM
صح لسانك ياعمر

سعيد ابو ديه
02-06-2006, 01:25 AM
اشهد انك شاعر مبدع وصح الله لسانك

صغتها صوغ الذهب واخترت من عذب المعاني





لله درك ياعمر

قصيده تفوق الوصف والخيال

عبدالله الوهابي
02-06-2006, 01:36 AM
أخي الحبيب والشاعر عمر قصيدة رااائعة بحق وتستحق الثناء والاعجاب لا عدمناك