المساعد الشخصي الرقمي

مشاهدة النسخة كاملة : اللغز رقم (11)


معيض بن دشن
22-01-2006, 10:48 PM
ويش بنت كل ما جيتها تفتح جماك = البلوزه لبسها ما يغطي جسمها
ساقها مكشوف يارب تستر من دعاك = العجيب إن البنيه تعبها لمها
أقبل الرجال اخوها وجاها بالهلاك = ارحلت ما باقي إلا طوارف علمها

عبدالله بن غفره
22-01-2006, 11:17 PM
الأخ الغالي معيض بن دشن شاعر الألغاز

حياك الله وعندي رمعة بسيطة ويمكن تطري على أي واحد من الأعضاء لأكن حبيت أكون أول من يرد عليك وفيها بعض الأبيات وأتمنى أن تنول أعجابك وتقبل تحيتي يالغالي

والله أن لك قدر عندي وزايد به غلاك = وأنت شاعر للالغاز خالها مع عمها
الزقارة لعنبوها تودي للهلاك = جعل رجالن صنعها يعايش سمها
اقبل الرمعة وحلي توارد ثم جاك = وعلمو خولان بن عامر يعرف أسمها


وأذا مانفعت برسل رسالة على خولان بن عامر على الخاص وخليه يغششني هخهخهخه

تقبل تحيتي ومروري على موضوعك ماهو لازم الحل لاكن حبيت أشكرك على الألغاز الجميلة

تحياتي

ابوطارق
22-01-2006, 11:26 PM
حياك الله يابو دشن واناما عرفتها والله

معيض بن دشن
23-01-2006, 01:46 PM
أولاً احب اشكرك على الابيات الجمية والله يعزك بالطاعة وأقول خيرها في غيرها وحاول مرة ثانية والاتصال بصديق ممكن إلا خولان عنده كرت أحمر يعني مطرود من اللعب لمدة ساعتين .
تحياتي وتقديري لكل من شارك ,,,,,,,

سعد علي
23-01-2006, 02:10 PM
حياك الله يابو دشن




مبدع مبدع يابو دشن


اما الحل فاتوقع انه ادوات طبيب الاسنان


تقبل تحياتي

الامبراطور
23-01-2006, 02:21 PM
ياراعي اللغز لا هنت وابيض وجه

وانا للاسف ما عرفت للغزك .............................. ولكن!!!

لو ان البيت الاول ما هوب في اللغز كان قلت الرصاصه واخوها النادوس(الضراب)

وذكرها اللي بقى القفش (الفارغ)

ولكن يجيب الله مطر

ولك مني التقدير والاحترام

أبو صقر
23-01-2006, 03:42 PM
مــــــــــــــــرحبا الف يابو دشن ياشاعر الالغاز وبيض الله وجهك على هذا الابداع

وحقيقة لغز روعه 2007


أما أنا أتوقع والله اعلم بانه نفس حل الاخ سعد علي


وتقبل تحياتي ياالغالي

عبدالله المهداني
23-01-2006, 04:36 PM
لاهنت يابودشن



وابو علي ظني انه جابهاااااااااااااااااااااا

معيض بن دشن
23-01-2006, 09:01 PM
الاخوان الاعزاء اشكركم على المرور والمشاركات الجميلة وبالنسبة للرمعة اللي من الاخ سعد علي أقول خيرها في غيرها ياأبو علي والبيت الاخير يقول انها ارحلت من وقتنا هذا ما عاد توجد إلا نادراً منعها أخوها من الوجود صابته الغيره وحل محلها .
تحياتي وتقديري ،،،،،

سعد علي
23-01-2006, 11:30 PM
اجل انشاالله حليناه يابو دشن واذا ماهو بصح زهمنا خولان ترا ماهو بعيد



المشبه الله يشب ضونا وضوك اللي حل مكانها المنفاخ

تقبل تحياتي

أبو صقر
24-01-2006, 02:49 PM
أشهد يابو دشـــــــــــن انه سبقني الاخ سعد علي على الحل وانا اردت بان اقول ان حل هذا اللغز وهــــــــــو المشـــــــــــــبه الخاصه بالضو لاكن الاخ سعد ماقصر حقيقة سبق بما جاب من حل

فنبي الجواب منك يابو دشن هل ماقال الاخ سعد صـــــــــــــــــح ام لا؟؟؟؟؟؟؟


تحياتي ياالغالي

ابن هجله
24-01-2006, 04:24 PM
الظاهر انها التمر والعجمه طوارف العلم والخطا وارد

معيض بن دشن
24-01-2006, 08:59 PM
الاخوان كل بأسمه أولاً أشكركم على المرور والمشاركة في اللغز والله لا يهينكم جميعاً محاولات ممتازه ولاكن ما أحد وصل للحل . تحياتي وتقديري للجميع ,,,,

ابن هجله
25-01-2006, 08:34 AM
اقول اجل انها................................. القربه/ المسب .


وحل مكانها ترمس الما

معيض بن دشن
25-01-2006, 02:06 PM
ابن هجله الله لا يهينك على المحاولات وركز زين وخيرها في غيرها

ابن مذعان
20-02-2006, 10:09 PM
حلاوه عود (حلاوه مصاص)
قل ايه.
مع تحياتي.

معيض بن دشن
20-02-2006, 11:25 PM
تراحيب المطر حي والله ذا المرور والمشاركة ويالله حيه في مجلس قحطان والرمعة خيرها في غيرها

الكنغرس
21-02-2006, 06:37 PM
السلام عليكم ورحمة الله وبركاته .............

الله يعطيك العافيه يابو دشن . عندي رمعه ومدري عسى الله يدلني أقول أن البنت سماعة التلفون الثابت وأخوها جهاز الجوال...


( والله يستر )

معيض بن دشن
22-02-2006, 09:47 PM
السلام عليكم ورحمة الله وبركاته .............

الله يعطيك العافيه يابو دشن . عندي رمعه ومدري عسى الله يدلني أقول أن البنت سماعة التلفون الثابت وأخوها جهاز الجوال...


( والله يستر )
يا مرحبا يالكنغرس والله لا يهينك على المرور والرمعة وأقول رمعة طيبة جداً ( 50% ) اجابتك وحاول تركز لا عدمناك .
تحياتي وتقديري ،،،،،

راشد الراشد
24-02-2006, 02:16 PM
الحرارة يالسنافي من نتاج الاحتكاك=والمريضة في الطواري تقاس بفمها
وضعها في الفم ياخوي يا قرب السواك=وكل ما اقبل للطواري مريض زمها
رمعت من ساير الناس والباقي عفاك=وانت رجال المعاني وتارد جمها

معيض بن دشن
25-02-2006, 01:37 PM
أخي راشد الراشد الله لا يهينك على هذه الأبيات ولاكن خيرها في غيرها يالسنافي والرمعه سمواية دور لغيرها الله يخليك . تحياتي وتقديري ,,,,

المكابسي
25-02-2006, 03:12 PM
المعذرة

حبيت اشارك معكم

وانا ما عندي معرفة بالالغاز


واتوقع الحل عند الشعار0

ابن مذعان
11-08-2006, 05:40 AM
يالله خذ هالرمعه :confused:
طحانة القهوه:52_asmilies-com:
حيث انها مكشوف ساقها وغطاها البلوزه وتتعب لأمها وهي الطحانه
واذا جت القهوه فتحت جماك :cool:
واخوها الطاحون حيث ان اغلب الناس استغنوا عنها.:banana:
اذا صحيحه الرمعه :1107953448:

ابن سجعان
12-08-2006, 02:59 AM
ابن دشن اسعد الله ايامك واعتقد ان الحل هو :كبينة الهاتف(كبينة الهلل)واخوها الذي احتل محلها هو الجوال

ظافر القحطاني
16-08-2006, 05:40 AM
السلام عليكم ورحمة الله وبركاته

أخوي الغالي أبو دشن عندي رمعه يمكن أتكون صحيحه

وهي حلاو المصاص

البيان
22-08-2006, 01:53 PM
أنا أوافق أخي إبن سجعان على الحل وهو ( كبينة الهلل ) وتعبها يرجع للإتصالات وجاء الجوال وغطى عليها

وشكراً .