المساعد الشخصي الرقمي

مشاهدة النسخة كاملة : قصيدة العرنوط في شبكة قحطان


النجم اللآمع
22-01-2006, 08:46 PM
قصيدة للشاعر /دخين بن مبارك العرنوط العاطفي 00 في الفخر والمدح 000 موجهة لشبكة قحطان 00 كأول مشاركة له من خلال الشبكة ... أتمنى أن تنال أعجابكم:

لعاطفي يشفــــــق على بدع الأمثال = أشفق من الظامي على بارق السيــل
وهاجوس قلبي بين الاقفى والأقبال = مثل السواني فوق روس المحاحيـــل
اليا اصتفق بين المعاليــــــق ثم جال = قام أيحداني صوب زين التماثيــل
لي لابة لا غلق القيل والقـــــــــــال = يا طيبهم بين القبايل حلاحيـــــل
عواطف تاريخهـــــــم بين الأجيال = يشهد لها التاريخ جيل بعد جيــــل
أهل المواقف يوم وقفــــات الأبطال = بين القبايل كاسبين التنافيـــــــل
أهل السلوم اللي تذكـــــر بالأفعال = يوم الجهل تعرف على قرح الخيل
ما قبلهم سلمٍ يقلط وينقـــــــــــال = رغم على روس القسات المغاليــــل
حنا هل العادات رجلي وخيـــــــــال = لا ضاعت العراف حنا دواليـــــــل
عند الخوي والجار في كل الأحـوال = بالمذهب اللي يعدل الحيف والميـل
والضيف يلقى في حضانا التبهلال = يلقى الطرب ومزعفر البن والهيل
مداخن وعود أزرق يفــــــوح ودلال = وصحون صين فوقها عقر الحيـــل
من روس قومٍ للمعاديــــــــن سلاّل = يسمع نباهم بين سوق الفناجيــل
أعيال أقحطانٍ على روس الأطلال = لا ضاعت أعلوم السعة والدهاويل
يعرف لهم في قمة المجـــــد منزال = وأن كبرت القالات روس مشاكيـــل
بقيادة أشيوخٍ لهم صيــــت وأمثال = خيالة الغارات وتوفي الكيــــــــل
للشيخ أبن هادي مواقيـف وأفعال = زيموم قومٍ للصعيبات حلحـيـــل
نجد المسمى بين وديـــــان وجبال = جود رسنها وارجهن العواذيـــــــل
يوم الحرايب زندها الصلف شعال = وعج الرمك قام إيتركز كما الليل
أسمع نبا شالح وياتيـــــك رجال = يفك قطعان البكار المباهيــــــــل
اليا ضرب جمعٍ من القوم ينجال = شوق العفايف لابسات الخلاخيل
لشيوخنا فعول عريضات وطوال = حاضر وماضي والليالي المقابـيل
يكفي عن التعبير حسان وش قال = أمثاله اللي تعدل الروس تعديل
قصيدةٍ في المنتدى تشرح البال = والمعذرة في قل بعض التفاصيل
على مجالس كل قحطان تنقال = في منتدىً حطه ازحول الرجاجيل
قلته ولا أنقّص قدر كـل رجـــــال = أهل الوفا دايم تحوش المحاصيل
وصلاة ربي عد ما أنهـــــل همال = وإعداد ما هلت أمزون المخاييـــل
على النبي شفيعنا يوم الأهوال = شفيع الأمة يوم حشر وهوايـــــل

وسلامتكم.

محمد الحياني
22-01-2006, 09:20 PM
صح لسان الشاعر


وونعم ملاييين بالعاطفي وربعه


ولاهنت على النقل يالذيب

عوض بن دشيل الحبابي
23-01-2006, 12:44 AM
لاهنت يا النجم اللامع ومشكور ولا هان العاطفي اشكرك

هقاوي
23-01-2006, 02:16 AM
قصيدة رائعة وجميلة


و تشكر على و ضعها هنا