المساعد الشخصي الرقمي

مشاهدة النسخة كاملة : قصيدة رثا في أصغر شهيد من أبناء الوطن


ذيب المعادي
18-01-2006, 10:31 PM
بسم الله الرحمن الرحيم
هذه القصيده قيلت في أصغـر شهيد في الوطن /محمد بن سعيد الفحوس القحطاني
الذي أستشهد في أحداث حي ألمباركيه في الدمام من قبل الفئه الضاله رحمه الله رحمة واسعه ورحم الله جميع شهداء الواجب البواسل وحفظ الله بلادنا من كل سوء في ظل الله ثم حكومتنا الرشيده بقيادة خادم الحرمين الشريفين وولي عهده الامين. والقصيده للشاعر /علي بن ناصر بن معيض آل سعد القحطاني

الله وكـبـر ومـرحي يالـجـزيـره=في ظـل حـكـام طـوالً شــبـورهــا
نامي بـمان الله وعـيـنش قـريره=دونـش حرارً عـالياتً وكورها
دونش هل العوجا سيوفً شطيره=حكامنا درع الجزيره وسورها
والشعب وافي والقياده بصيره=شجرة وفا والود يسقي جذورها
إليا ألتفتنا للوجيه الشريره=ناطا علابيها ونهدم قصورها
وهل الفتن وهل النوايا الحقيره=من وقعنا ما عاد تجبر كسورها
إليا كسرنا العظم ماله جبيره=جبيرة العدوان منا قبورها
دون الوطن ناطا الدروب الخطيره =وعين المعادي ساحنين ذرورها
وقول بدون أفعال عيب ومعيره=وفعالنا تشهد عليها حضورها
ويسجل التاريخ سيره وسيره=للي تلقي في النوايب نحورها
لبطالنا اللي ينطحون المغيره=والليلة الظلما تبيٍٍٍِِِّن بدورها
أصغـر شهيد من عيال العشيره=نذر بنفسه يوم حامت طيورها
حرك على جيبه وعجلً مسيره=سكر على الطغمه وعرقل عبورها
ما صابته رهبه وخوفً وحيره=يوم القنابل والمدافع ودورها
يوم وليله ما تتقى بغيره=نمرً جسورً طامعً في عسورها
قال النصر ولا الشهاده وخيره=وحصل على الثنتين جاته بشورها
فمرحوم ياسترالبني والقصيره=عساك في الجنه صحيب لحورها
يبن الفحوس اللي نهار الكسيره=تشبع ظواريها وتشبع نسورها
ما دوروا من الحف هدنه وجيره=في حاضر الدنيا وماضي عصورها
تاريخهم معروف في كل ديره=والليله الظلما تبين بدورها

عبدالله بن غفره
18-01-2006, 10:39 PM
صح لسان الشاعر

ولا هنت ياذيب المعادي

وحما الله بلادنا من كل مكروة

ورحم الله البطل الشجاع/ محمد بن سعيد الفحوس القحطاني

والله لا يهينك وتسلم لي يمينك

تحياتي

النايب له ولد
18-01-2006, 10:41 PM
رحم الله الشهيد

وصح لسان الشاعر

وهذا وقت الشعر في مثل هذه المواقف.

اشكرك ياذيب المعادي

ذيب المعادي
18-01-2006, 10:45 PM
اخوي حدباء قذله

شكرا

ولاهنت

على المرور

ذيب المعادي
18-01-2006, 10:51 PM
اخوي

النايب له ولد

لاهنت

وشكرا

على المرور

علي بن شافع العنبسي
19-01-2006, 06:40 PM
ذيب المعادي لاهنت وبيض الله وجه ابوناصر وهذا وقت القصيد وماجوبه وابو ناصر ثروه

للموقع وفخر لشبكة قحطان هو والذي مثله وهذا ليس بغريب عليه وهو من قبيله معروفه

ومن شيوخ ومقارع حقوق وهم ال حاليه ال سعد وشهادتي في ابوناصر مجروحه

رحم الله شهيد الواجب محمد سعيد الفحوس وبيض الله وجهه في قبره وبيض الله وجيه ربعه

وهي لهم يستاهلون سنحان

سجلني متابع لكل ما تكتب 0000000000000شكرا لك

ذيب المعادي
20-01-2006, 12:17 AM
اخوي ابن شافع

لاهنت على المرور

ومرورك شرف لي

ووجهك أبيض ياطويل العمر

ولاعليكم زود ياصبيان العنابس

وسوف أواصل معكم نشر قصايد الشاعر ابو ناصر عبر هذه الشبكه حسب الفرصه والمستطاع وتقبل خالص تحياتي

القهره
20-01-2006, 04:17 AM
شاعر قديرر ومتمكن ويستاهل المدح

بس انا سعدي من سعدية نجد وابي اعرف ال حالية من اي فخذ من ال سعد

والمرحوم الفحوس منهووو منه والله يرحمه ويغفر لة

وشكراااااااااااااااااااااااااااااااااااا

ذيب المعادي
21-01-2006, 08:28 PM
خوي /القهره

يامرحبا والله

والله يحييك ومرورك يشرفني ياطويل العمر

اما من الشاعر فهو من قبيله آل سعد الجحادر اللي في الجنوب

وديارهم وادي ((جناب))



اما الفحوس فهم من قبايل الهوجه من الحباب

عبداللّه
21-01-2006, 10:11 PM
صح لسانك وبيض الله وجهك والله يرحم موتى المسلمين اجمعين


وعساه بجنات النعيم وشفيع لأهله يوم القيامه


بأذن الله عز وجل

عبداللّه
21-01-2006, 10:25 PM
صح لسان الشاعر وبيض الله وجه ناقل القصيده

والله يرحم موتى المسلمين اجمعين قولو آآآآآآ مين


والله يسكن الطفل جنات النعيم وشفيع لأهله

بأذن الله عز وجل ............يوم القيامه ....

ذيب المعادي
02-02-2006, 11:54 AM
الاخ عبد الله

ووجهك ابيض

والله يسمع دعاك

وشكرا على المرور

حسينـ الفحوسـ
30-08-2007, 11:31 PM
اشكرك يا اخوي ذيب المعادي واشكر بشده صاحب القصيده

ولي لقا معك يا ذيب ومع الشاعر باذن واحد احد

وماعليكم زود جميع وهذا وسام على صدورنا جميع


اخوكم

حسين الفحوس الحبابي

رائد نملان الحبابي
31-08-2007, 12:23 AM
صح لسان الشاعر

ولا هنت ياذيب المعادي

وحما الله بلادنا من كل مكروة

ورحم الله البطل الشجاع/ محمد بن سعيد الفحوس القحطاني

والله لا يهينك وتسلم لي يمينك

تحياتي

سعيد بن مسعود آل مهدي
01-09-2007, 12:47 AM
ذيب المعادي

قصيدة وافيه من رجال وافي

ورحم الله تعالى فقيد الواجب الذي مثل رجل الأمن خير مثال

أمام فئه خرجت على غير حق نعم هنا يبدأ دور الشعر والشعراء

هنا مواقف الرجال لرجال الأوفياء .

نسأل الل تعالى أن يغفر للميت وأن يتقبل منه وأن يعوض أهله

فيه بخير .

بارك الله فيك ياذيب المعادي

محمد الفردان
01-09-2007, 02:42 AM
بسم الله الرحمن الرحيم


السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين


بيض الله وجهك على الاداء الرائع


واتمنى لك مزيدا من التقدم

ننتظر جديدك

اخوك : ابو ساره