المساعد الشخصي الرقمي

مشاهدة النسخة كاملة : اللي يبغى يسمر على لعب محاورة يقلط ...


عبدالله بن غفره
18-01-2006, 10:01 PM
الدعوى عامة للي يبغى يسمر ويلعب محاورة

وأستلمو يالنشاما


يا سلام الله سلام يزيد النور نور = في محل الحلة اللي طوال إيمانها

كان به شاعر فطينً ويفطن في الصدور = الوعد قدام والخيل في ميدانها

وسلامتكم

النايب له ولد
18-01-2006, 10:46 PM
الظاهر انك لحالك
وين الشعار

اذا جات الساعة 11 وما جا حد
علمني
بس اقبل ما جاك

عبدالله بن غفره
18-01-2006, 10:48 PM
خذ راحت يالذيب الدعوى عامة

ولا هنت على المرور

النايب له ولد
18-01-2006, 10:56 PM
تدري تراني هونت
دور غيري
اخاف اروح حدباء قذلة ثم اضيع وانا ما معي ماء

تحياتي يالغالي

عبدالله بن غفره
18-01-2006, 10:59 PM
اللي تشوف طال عمرك

وتعطيرك للموضوع يكفي الذيب

رفيق الخوي
18-01-2006, 11:12 PM
مرحبا واهلا هلا يا عسى ليلك سرور @@@ في محيطٍ يهتدر والنشاما عانها
الله اعلم بالخفا والجهر واهل القبو ر @@@مير هات العلم هاته وانا وزانها

عبدالله بن مدعث الفهري
18-01-2006, 11:14 PM
مرحبا ترحيبة بيتها دوم معمور = ردة لأهل الوفا والسعد عنوانها
الطيور أشكال وألوان ياكثر الطيور = مكثر اللي فالفضا تنتشر جنحانها

عبدالله بن مدعث الفهري
18-01-2006, 11:16 PM
العذر يارفيق الخوي والله توي أشوف ردك


وأنت شاعر وتسد اللزوم وواصل وأنا في صفك.

رفيق الخوي
18-01-2006, 11:20 PM
تسلم ياخو فهد وصادق نفدا خشمك

اتشرف بردك ياغالي

محمد القويفل
18-01-2006, 11:23 PM
حدباء قذله@@ رفيق الخوي

صح السنتكم

واصلو واصلو

======

اخوي اخو فهد استلم هذا الموضوع

http://www.qahtaan.com/vb/showthread.php?t=8586

وانا في
صفك :)

عبدالله بن غفره
18-01-2006, 11:25 PM
من قديم الوقت حنا عمقنا فالبحور = والبحور اللي تهدر جاتكم حيتانها

السفينة وجهت من قديمات العصور = وأنت توك تنشد الباخرة هي وانها

عبدالله بن غفره
18-01-2006, 11:27 PM
القويفل أرحب وحياك

ولا هنت على المرور

رفيق الخوي
18-01-2006, 11:46 PM
القويفل صح بدنك ياغالي



مايشيل الكايدة كود صبار شكور @@@ واشكر الله لابتي تهتدر رعيانها
مير اشوفك لابسٍ بشت وتسوق البخور @@@ كيف اميز قامةٍ ضيعت جيرانها

عبدالله المهداني
18-01-2006, 11:49 PM
لاهنتوا

وصحت السنت الشعار



واصلواااااااااااااااااااااااا وحنا معاكم



المهداني

رفيق الخوي
18-01-2006, 11:52 PM
عبدالله المهداني ولاهان قايل

اتشرف بوجودك

عبدالله بن غفره
18-01-2006, 11:57 PM
كلمتك لا قلتها يلحقك منها قصور = وأشكر الله لابتك وينها مرحانها
خلها وسط السماء لاتحول في حدور = والرجال الحاضرة ميزت فألحانها

عبدالله بن غفره
19-01-2006, 12:01 AM
عبدالله المهداني

أرحب ولاهنت على المرور

وتسلم يالغالي

الشرس
19-01-2006, 12:02 AM
متابع لكم


لاهنتو

عبدالله بن غفره
19-01-2006, 12:04 AM
أرحب يالشرس

وحياك الله

ولهت عليك يالغالي

الشرس
19-01-2006, 12:05 AM
الله يحييك ويبقيك

محمد الحياني
19-01-2006, 12:05 AM
ياجعلني والله ما عدمك يالذيب




بسم الله ما شاء الله


انا قايل هذا الاسم ان وراه رجل بمعنى الكلمة


فديتك



وبعد فديتك











وقرب















بعد قرب









هات خشمك












حبة خشم تستاهل وربي



اشكر من اعماق محيطات قلبي



واااااااااااااااااااااااصل جميع


فديتكم

عبدالله بن غفره
19-01-2006, 12:07 AM
فتى الجوة

أشكرك المرور وتعطير الموضوع يالذيب


فديتك يامحمد

جعلني ماعدمك

رفيق الخوي
19-01-2006, 12:29 AM
لابتي تحمي الخوي من رديات الامور @@@ وتحمى ثم تحمى لانتثر دخانها
مايطمنها العبيدي ولا في الامر جور @@@ هات ماشفته وانا بالرسن رسانها

رفيق الخوي
19-01-2006, 12:34 AM
الشرس

فتى الجوة

على راسي والله

عبدالله بن غفره
19-01-2006, 12:40 AM
الردى ياصاحبي والله أن مايدور = العبيدي عزوتن نفتخر من شانها

والنعم وأنتم خوالي طويلين الشبور = وما يعز الراس ياكود جبر أمتانها

رفيق الخوي
19-01-2006, 01:12 AM
الردى سلعة ردي سامها كلبٍ عقور @@@ يفتخر بك كل خال وتفتخر عمانها
ماعليك وماعلى من قرى بين السطور @@@ زود والمعنى تشيل القصور اركانها

عبدالله المهداني
19-01-2006, 01:15 AM
وااااااااااااااااااصلواااااااااااااااااااا



وحنا نغني

رفيق الخوي
19-01-2006, 01:19 AM
تسلم ياعبدالله

نفدا خشمك

عبدالله بن غفره
19-01-2006, 01:22 AM
عزك الله كلمتن قلتها يأبن الصقور = الكلاب كلاب بدلتها بحصانها
قلتها ألك بالنيابة ومن سجل مرور = والنعم كايد ولا كن كسبت احسانها

عبدالله بن غفره
19-01-2006, 01:24 AM
تسلم يابوعابد جعلك سالم

تحياتي

عبدالله المهداني
19-01-2006, 01:24 AM
كفو

عبدالله بن غفره
19-01-2006, 01:27 AM
ماعليك زود يالقرم

الشرس
19-01-2006, 01:32 AM
متابعين

:110103_hl:110103_hl

عبدالله بن غفره
19-01-2006, 01:33 AM
لاهنت يالشرس ويعطيك العافية

رفيق الخوي
19-01-2006, 01:36 AM
يا بزيي عزك الله ولافيكم قصور @@@ ودي اعرف دولةً انت من سكانها
قبل اهمش دفتري بالغياب وبالحظور @@@ ياسقى الله ديرةً راسها قحطانها

رفيق الخوي
19-01-2006, 01:40 AM
يامرحبا يا الشرس

نفدا خشمك

عبدالله بن غفره
19-01-2006, 01:46 AM
عاطفين ضربته في صميمات النحور = من ديار الرين وقريب من عنانها
القصور وبني قحطان دارت من سحور = والمعارك بني قحطان هم فرسانها

رفيق الخوي
19-01-2006, 02:09 AM
والنعم ياوجه قحطان يا الليث الهصور @@@ وابن هادي يالجحادر بنى بنيانها
الذياب املى الجبل والسهل فيه النمور@@@ والحجج يا اهل الحجج واضحً عنوانها

سعيد بن مانع
19-01-2006, 02:18 AM
مشالله مشالله


أرحبوووووووووووو يارجاااااااااااااااااااااااااال



وش ذا الزين كله



حدباء قذله .. صح لسانك يالنشمي وابيض وجه


رفيق الخوي .. صح لسانك يالنشمي وابيض وجه





لاهنتوو يارجاجيل لاهنتووا

واصلوووا يالنشاما

عبدالله بن غفره
19-01-2006, 02:24 AM
ماعليكم زود وبنادق شيخكم تثور = يشهد لكم قرم ذا القوم مع شيبانها

كان ودك بالسلامة وتركع في الفجور = السلامة عانها ياعميلي عانها




صح لسانك يالقرم وبيض الله وجهك والعذر والسموحة أن حصل تقصير أو شي يجرح الخاطر ترى الدعوى مزوح تجي وتروح

وأنتم ياعبيدة عزيزن علي وعز وفخر لقبيلة قحطان كافة وأبيض وجه يارفيق الخوي



مابقى ألا تسجل ردك وجعل سالم يالذيب


وألا اللقاء في مقابلة أخرى أنشاء الله

تحياتي يالسنافي


تقبل ودي وشكري لك



ردك لاهنت

عبدالله بن غفره
19-01-2006, 02:26 AM
بن مانع الرفيدي

أرحب ثم أرحب وحياك الله يالقرم يأبن القروم

ولاهنت على المرور ومشكور على الكلمات الرائعة


تحياتي يالذيب

عبدالله المهداني
19-01-2006, 02:33 AM
بيضان وجيه والله لا يهينكم



تحياتي للجميع




المهداني

خولان بن عامر
19-01-2006, 12:23 PM
صحت اللسنتكم ياشعار



والمعذره يالربع على عدم الحضور ودنا انحن معكم لكن للظروف احكام لكن في الجايات ان شاءالله


تحيتي للجميع

رفيق الخوي
19-01-2006, 12:28 PM
يغفر الله كل ذنبٍ وهو ربٍ غفور @@@ وما بنت شيبانها قطبه شبانها
يبعد الله كلما شيدت درب الغرور @@@ واستلم ياطير حوران ورد اجنانها

العذر يا حدباء قذلة على التاخير غلبني النوم وانا رجال ما تعودت على السهر

واتشرف بتواصلك وجميع الاخوان والسموحه على القصور

ولاااااااااااااااااااااهنت ولا هان من حضر من الاخوان

ولنا لقاء اخر بحول الله

ولا عدمت هالوجيه الطيبه

رفيق الخوي
19-01-2006, 12:30 PM
خولان بن عامر
وجهك ابيض واتشرف بحظورك اليوم وكل يوم

تسلم يا وجه السعد

محمد الحياني
19-01-2006, 01:02 PM
صحت السنتكم

جميع

وفقكم الله ياعصابة الراس


جميع انت يارفيق الخوي

وانت ياحدباء قذلة

وفقكم الله ابدعتوا وانستمونا


والله لايهنكم ولايحرمنا منكم

http://www.al-molatham.net/p2/w/7.gif

عبدالله بن غفره
19-01-2006, 04:13 PM
عبدالله المهداني

ووجهك ولأنت يالغالي

وشكراً على المرور

خولان بن عامر

لاهنت على المرور والتعطير بكلماتك الجميلة وأنشاء الله تنهي ظروفك عن قريب

رفيق الخوي

أرحب ونوم عوافي أنشاءالله وفرصة سعيدة أن حنا لعبنا معك وأستمتعنا مع بعض وشكلك شايب ترقد بدري وأشغلناك لاكن العذر يالعبيدي ياخالي تاج راسي

فتى الجوة

ومن قال مايهون مشكور على المرور والمتابعة يالغالي وهذا من طيب أصلك

لا عدمتك يامحمد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

اشكر جميع الأخوان على المرور والمتابعة

ولا هنتو جميع

تحياتي للجميع وشكري الخالص لهم

الوافي نت
22-01-2006, 04:48 AM
مشكورين ياعيال الشايب

وبيض الله وجيهكم جميعا

ولا هنتوا على هذي المحاوره الممتازه





وعلى فكره احد شاف لنا البرده ؟

بووليدالوادعي
25-01-2006, 08:17 PM
وين الشعار وين المحاوره احنا من العشاق ولكن وين العرب




على كل حال ماقصرت

الوهابى
11-02-2006, 12:12 AM
يعطيكم العافيه وما قصرتو

عبدالله بن غفره
11-02-2006, 12:18 AM
الله لايهينك يالربع











تحيتي للجميـــــع
ـــــــــــــــــــــــــ

شاعر السحمه
12-02-2006, 10:41 PM
تحية للجميع!