الامبراطور
16-01-2006, 09:45 AM
بسم الله الرحمن الرحيم
يا موتري لاهنت نبغى المساري =قامت تحاودني كثير الطواري
اصمل على شي ولاني بداري =عسى صعيب الوقت يقلب تساهيل
شفت العجايب يازمان العجايب= من كثر ما شفنا هموم وكرايب
وقت يخلي اسود الراس شايب = يالله دخيلك من حياة الغرابيل
وشفت الردي قلبه من الهم خالي=يمدح ويبدل كل مره بحالي
لاداس اخطار ولا غربلته الليالي= دنيا تطوى مثل طي المحاحيل
وشفت لي هلامه وابوه هلامه =ما ودك تشوفه وتسمع كلامه
اصلاوجوده مستوي مع عدامه=لا صكته بقعاء عيونه هماليل
وشفت البخيل اللي كبارن علابيه=عينه على مخباه ويده على فيه
لاشيمة تمسكه ولا نفس تقديه=يالله طلبت لا تحدني على بخيل
وشفت الكرام معززين الجنابي=هذاجحدري وذا عبيدي وذا حبابي
والهاجري ما صك دونه بابي=ربعي هل الطولات شيوخ الرجاجيل
يالله طلبتك واترجى ثوابك=انك تجعلني واحدن من احبابك
تغفر لمن حبك ويخشى عقابك=تنجيه من نارن توصف بتهويل
تمت وختمها بذكره تعالى = سبحانه المعبود جل جلالى
على النبي المختار صلاة تتالى=عداد ما هلت مزونن مخاييل
يا موتري لاهنت نبغى المساري =قامت تحاودني كثير الطواري
اصمل على شي ولاني بداري =عسى صعيب الوقت يقلب تساهيل
شفت العجايب يازمان العجايب= من كثر ما شفنا هموم وكرايب
وقت يخلي اسود الراس شايب = يالله دخيلك من حياة الغرابيل
وشفت الردي قلبه من الهم خالي=يمدح ويبدل كل مره بحالي
لاداس اخطار ولا غربلته الليالي= دنيا تطوى مثل طي المحاحيل
وشفت لي هلامه وابوه هلامه =ما ودك تشوفه وتسمع كلامه
اصلاوجوده مستوي مع عدامه=لا صكته بقعاء عيونه هماليل
وشفت البخيل اللي كبارن علابيه=عينه على مخباه ويده على فيه
لاشيمة تمسكه ولا نفس تقديه=يالله طلبت لا تحدني على بخيل
وشفت الكرام معززين الجنابي=هذاجحدري وذا عبيدي وذا حبابي
والهاجري ما صك دونه بابي=ربعي هل الطولات شيوخ الرجاجيل
يالله طلبتك واترجى ثوابك=انك تجعلني واحدن من احبابك
تغفر لمن حبك ويخشى عقابك=تنجيه من نارن توصف بتهويل
تمت وختمها بذكره تعالى = سبحانه المعبود جل جلالى
على النبي المختار صلاة تتالى=عداد ما هلت مزونن مخاييل