شعراء قبيلة قحطان . . . . تفضل وشارك.

[عبدالله بن غفره]

بسم الله الرحمن الرحيم

السلام عليكم ورحمة الله وبركاته

السادة أعضاء ومشرفين شبكة قحطان

(الموقع الرسمي لقبيلة قحطان )

أتقدم إليكم بفكرة بسيطة وهي كتابة شعراء قحطان تحت هذا الموضوع

( من جهة النظم والمحاورة )

ولا على أي عضو ينتسب لهذا الصرح الشامخ ألا كتابة

معلومات عن شاعر معين من ناحية الأسم

فبعض الشعراء لا نعرف سوا أسمة الأول وأسم القبيلة

وهذا مؤسف جداً ونريد معرفة معلومات عامة

( السكن ، العمل ، المواقف البطولية ، أجمل بيت أو بيتين .... ألخ )

وبعد وضع المشاركات يتم ترتيبها بشكل منسق وجميل ومستعد أقوم بهذه المهمة

ويعتبر هذا رأي شخصي لي والرأي الأتم يبقى للمشرفين والأعضاء

بالتـأييد والمعارضة والتعديل


وشكراً
مع تمنياتي للجميع بالتوفيق

[أبو زيد]

نعم أنا معك
والحقيقة أنه ينقصنا الكثير من المعلومات عن شعرائنا
وللأسف لا يوجد لدي أي معلومة وافية عن أي شاعر من شعرائنا

[محمد الحياني]

وفقك الله والله يعينك على هذه المهمة يالغالي



وفعلاً انك مميز في اختياراتك ومشاركاتك


تقبل ودي وانا من ناحية


مؤيد للفكرة وترفع مع التحية لمقام الادارة

[عبدالله بن غفره]

أبو زيد

فتى الجوة

شكراً للمرور ويعطيكم والعافية

وفي إنتظار الأعضاء والمشرفين بالفكرة وأرائهم

وشكراً

[أبن الذيب الأسود]

الموضوع رائع ولكن الشعراء كثر
يعني يتسع المجال فيه اخوي الغالي
وهذا رائي يؤخذ ويرد

[علي بن مسفرالحبابي]

موضوع رائع يابومحمد وفكره جيده جدا علي يدك يالمراقب
انت ابوها وسمها لاهنت

[@تركي السنحاني@]

فكرة طيبه والله يعينكم ان شالله اخوكم بن فرحان السنحاني

[عاشق الوطن]

ابن غفره

اطلعت على الموضوع

واقترح ان يقتصر الموضوع من حيث المبداء على اسم الشاعر ونبذه بسيطه عن حياته وما تيسر من اشعاره

على ان لاتقل عن عشر قصائد على شان نفتك من مجرد ذكر اسماء شعراء

بمعنى ان اي شخص يذكر اسم شاعر و يرفق عشر قصائد او خمس لكي يدخل ضمن هذه الباقه

هذا ما رايت اضافته لبلورة الفكره

وانا من المؤيدين للفكره

[بعيد المدى]

فكره رائعة من رائع يابن غفره..........

نعين ونعاون على كل حال..

[فارس قحطان]

السلام عليكم ورحمة الله وبركاته


فكرتك حلوه يابن غفره


ابدا من الحين



.

[مرعي بن دواس الحبابي]

ابن غفره

اطلعت على الموضوع

واقترح ان يقتصر الموضوع من حيث المبداء على اسم الشاعر ونبذه بسيطه عن حياته وما تيسر من اشعاره

على ان لاتقل عن عشر قصائد على شان نفتك من مجرد ذكر اسماء شعراء

بمعنى ان اي شخص يذكر اسم شاعر و يرفق عشر قصائد او خمس لكي يدخل ضمن هذه الباقه

هذا ما رايت اضافته لبلورة الفكره

وانا من المؤيدين للفكره



الاخ ابن غفره


الله يبيض وجهك كلام طيب والله لايهينك

وكلام عاشق الوطن ممتاز


لاهنت يابن غفره

اخوك

حبابي اصل وفصل

[مسفر بن حسين بن نومه]

ارحب يا بو محمد


والله ما ادري متى كتبت هذا الموضوع لان التقويم عندي ملخبط (تصريفه )

المهم بيض الله وجهك علمك غانم

سجل لنا الطريقه اللي تبي بها المعلومات واللي نعرف من الربع ازهله

تحياتي

[سالم الحركان]

فكره طيبه


...

ننتظرك يبن غفره

[عبدالله ابن طرخم]

متميز
موضوع مميز

[عبدالله بن غفره]

أرحبو جميع وحياكم الله


والموضوع ذا قديم له قرابة سنه أو أقل


وقام أبو فيصل برفع الموضوع


وان شاءا الله ما نردها في خطركم


واشوف كلام عاشق الوطن معقول وبنمشي على كلامه



وهذي مشاركتي في الوقت الحالي وساعدوني وابشروا بالإضافات في في وقت لاحق

مجموعة قصائد للشاعر محمد بن سالم بن جروان آل عليان الجحادر قحطان

قصيده لشاعر / محمد بن جروان ( رحمه الله )

في قضية فلسطين


تنخى فلسطين الحبيبة بالأسلاب = مكشوفة عقب الخبا والخداير
أم العرب دار العرب وام الأشباب = ملك العروبة من سنين غباير
هل كيف يملك دارنا ساكن الغاب = مكذبين الحق سر وجهاير
قوموا على جمع العصابة بمضراب = يجعل شراذمهم شتاتِ نثاير
القدس ينخى بالعرب كل الأقطاب = بالمدن ينخى والقرى والعشاير
ينخى العرب الأبطال شياب وأشباب = يشكي عليهم حر صلو المناير
يندب جماهير العرب كل محراب = زالت علاماته لهيب السعاير
يا معشر الإسلام ما أنتم بغياب = لا تذخرون الروح والموت صاير
السيف ما يسطى بلا زند وقضاب = والحق ما يأتي بشورٍ وشاير
النار في حاجة لحاطب وشباب = والحرب ما يمضي بليا خساير



قصيدة وطنيه لشاعر / محمد بن جروان ( رحمة الله )
رداً على شاعر آخر تهجم على المملكة وأبنائها


من سب هل نجدٍ وصلناه عجليـن = يا ويل من نعطيـه بالوجـه حنـا
نجدٍ مغن الجود يا قاصـر القيـن = أرض الكرم دار الفخر وش تمنـا
فيهـا ملـوكٍ للمنافـق خطيريـن = حكـام عـدل بالشريعـة مشـنـا
خيالة العوجـا نجـوم الشياطيـن = أهـل الوفـا بالعهـد لا عاهـدنـا
حلويـن علقـم ريفيـن حليمـيـن = وقاسيـن لامـن قبلاهـم قسـنـا
شهمين عدمين اغيور رمـد عيـن = رفقيـن صلفيـن علـى كـل فنـا
شبهتهم في ساعة العسـر والليـن = ضلع على سطـح البسيطـة تبنـا
شعب السعودي يابتر الذيل وافيـن = مـا تشتكـي جيرانـا سـوء منـا
وليا حصل حيف من الضد الأقصين = نصد غـارات العـدا مـن حللنـا
عاداتنا ياللاش ليجـا وفـا الديـن = ميزاننا يرجح علـى مـن وزنـا
جيش السعودي محتميـن المخليـن = لا ما جرالـك مشكـل مـا فشلنـا
يـا ناشـدٍ عنـا ترانـا قحاطيـن = ومن الجحادر نخبر اللـي جهلنـا
نطاحة الكايد على العسـر والليـن = ونرسي إلـى مـن البـلاوي بلنـا

من قصيده طوليه له بعض الأبيات يمدح بعض القبائل

وفيها


منهم «مطيرٍ» كـل سبـعٍ نهومـي = ورداتهم يشبع بها السبـع والطيـر
كم صبحوا من غافـل كـل يومـي = ما بيـن غـاراتٍ وركـبٍ معاييـر
وعيال «زايد» ماضييـن العلومـي= تشهـد لهـم كـل القبائـل بتفخيـر
دون الغرايـس مثـل دابٍ لطومـي = عيـوا عليهـا قـو بـاسٍ وتدبيـر
«حربٍ» هل الردات افهود الرجومي = يثنـون لامـا فرعـن الغنـاديـر
أما «الظفير» اسوات موجٍ يزومـي = دون الدخيـل ينوخـون المظاهيـر
اهل البويـت لكـل قلـبٍ فهومـي = تكفيك دعوى الحثربـي بالأساطيـر
ومنهم «عتيبه» ماضييـن السلومـي = مسمار هنـد مـا كلتـه المساميـر
كم عزبةٍ حوضه رمـوه امخدومـي = راحوا بها الهيلا سـوات المداويـر
و«شمر» إلى جاء الملح مثل الغيومي =وأن لحقت الزلبات مثل المضاهيـر
كم طاح تو انحورهم مـن قحومـي = فرسانهـا باليـد مثـل النواعـيـر
و«وايل» اثقال الروز ضلعٍ زحومي = طابور تركٍ ضـاربٍ لـه مزاميـر
وربعي بني قحطان ضلعٍ زحومـي = عـز القصيـر مهدميـن الطوابيـر
وان جا البلنزا مثل ضرب النجومي = تفـرح بردتهـم ثقـال الخواويـر

قصيده له من خارج الوطن


وقفت انا وقفه سحـا شانهـا شـان= في ساعةٍ يفشل بها النـذل والـلاش
شيمة عرب يفخر بهـا كـل ديقـان = نبغي بها سترٍ عن المسرف الـواش
ليتك معي في يوم زوغات الاذهـان = يوم اختلط حـس المدافـع ورشـاش
يوم المعزب قال وين بـن جـروان = ذي ساعة الناموس ما عـاد منهـاش
حنـا فعايلنـا جميـلات وسـمـان = يفخر بها من ربعنـا كـل شـواش
قولٍ على البرهـان مافيـه نقصـان= ماهي سوالف شاردٍ عقـب منحـاش
نبغي انومس مـن تسمـوا بقحطـان = لا نشدوا مـن يمنـا كـل طـراش
ماهوب قولـة قالهـا فـلان وفـلان = الصدق اقول وصاحب الزور لا عاش


قصيده لشاعر رثاء في الملك فيصل بن عبدالعزيز رحمهم الله جميعاً



أعزي الشعب السعـودي بتجميـل = وأخص الأسرة في فقيـد فقدنـاه
وأعزي أجيال العرب دون تشكيل = وأعزي الإسـلام دانيـه وأقصـاه
مرحوم يا فيصل قليـل التماثيـل = اللي رفع شعبه بعـدل المواسـاه
مرحوم يا ذخر الضعوف المراميل = ذخر اليتامى والشيـوخ المخـلاه
ليته يشوف ادموعنا اللي كما السيل = والله إن تزول ارواحنا ما نسينـاه

قصيدة تشره على أحدى أصدقائه رحمه الله


وقت تغير وأختلـف عـن فنونـه = أخلف وخالف وأختلف كل مجراه
صحيح شفنا كـل مـا يذكرونـه = ضاعت سلوم أهل النواميس والجاه
يا كيف ابن سعدون لي يذكرونـه = عشيري اللي سبعة اعـوام ويـاه
عطا الله اللي بالفخـر يمدحونـه = يا حيف يدري عن خويه ولا جاه
حاولت صبري يطوي الياس دونه = وعجزت لا جيت اتنيسـاه لنسـاه
لا جيت أعذل القلب زادت جنونه = عيا يطيـع اللـي يعذلـه وينهـاه
عيا يبي نـاسٍ وهـم مـا يبونـه = يمشي بضدي ضاربٍ درب عمياه
يا قلب يا مذهوب دونـك ودونـه = ساسٍ تشيهل شامخ الطول مبنـاه
يا زبن مضيومٍ شكى من محونـه = ضاقت به الدنيا ولا لقـى مـاواه
مضيوم حتـى لابتـه يضهدونـه = عز الله انك غاية اقصـاه وادنـاه
وش علمكم سلم الخوي تتركونـه = سلم الخوي عند العرب كيف تنساه
حتى رسالة خـط مـا ترسلونـه = حق على مثلـك لمثلـي مناجـاه
هـذا جوابـي للـذي يفهمـونـه = ومحللة الأقـوال تعطيـك معنـاه

وقصيده آخرى في قحطان


حنـا قحاطيـنٍ لـنـا موقفـنـا = عند الخـوي والجـار والخطـار
ولا اقول حن فوق القبائـل كلهـم= كــل بــدوره والفـلـك دوار
كـل علـى حقـه ودون العانـي = والخلـق فـي يملكـون أحـرار
حنا بلدنا السابقـة غـرب القهـر = منها الخوايـس والجحـر وذمـار
ثـم انتحـوا مـن ديـرةٍ ملوهـا = يبغـون نجـد وواسـع الأقفـار
تحدروا كانهم امزونٍ مردفٍ ربابها = وسيـل جـورٍ يركـب الجـوار
وخيلٍ عليها ركب كـل مجـرب = كـل ابلـج قحطانـي مـغـوار
وهجنٍ تهف احبالهـا مـن قفلهـا = وشجعان فوق محطمـة الأكـوار

[جبل بن زيد]

بن غفره رحم الله الشاعر بن جروان


وبيض الله وجهك

[ظافر القحطاني]

لاهنت ياالقرم بيض الله وجهك

[مرعي بن دواس الحبابي]

الاخ ابن غفره

يامال الجنه بيض الله وجهك


اخوك

حبابي اصل وفصل

[أبوسالم]

بسم الله الرحمن الرحيم
الاخ بن غفرة شكراً لك على فكرة الموضوع الرائع ونتمنى اثرائها من أعضاء المنتدى
وأنا بابدأ باسم شاعر
هو الشاعر
نـــــــاصــــر القحـــطـــانـــي (شاعر الأندلس ) وأحد أروع شعراء قحطان
وقصايده ماتخفى عليكم
أيضا الشاعر
محمد بن هادي المسردي رحمة الله عليه
أحد أروع الشعراء خاصةً شعر المحاورة
أيضاً الشاعر الرائع
صاحب الصولات والجولات
ابن شايق
ولايهونون بقية الشعار
وقديماً
يعتبر الشاعر شالح بن هدلان
أحد أروع الشعار
خاصة خاصة في مرثيته لابنه والتي أفضل ان اطلق عليها لقب
مرثية المليون مستمع
وهي اللي طبعاً في ابنه ذيب
هذا مالدي وارجو ان مااحد يبخل علينا باللي عنده اي معلومات عن اي شاعر
وسامحونا على القصور
ولكم الشكر