المساعد الشخصي الرقمي

مشاهدة النسخة كاملة : في سجدتي هانت علي المصايب


فخامة الرئيس
12-01-2006, 03:08 AM
السلام عليكم ورحمة الله

احبتي متصفحي شبكة قحطان الاعزاء

هذه اولى مشاركاتي معكم في هذا الصرح اتمنى ان تكون عند حسن ظنكم وابداعكم ....

علما بان القصيده منقوله للروعتها واسف لعدم حضور اسم الشاعر لدي,,,,


في سجدتي هانت علي المصايب





الله يا وقت الشقا ويـش سويـت

حديتني لـلاش والـلاش خايـب

حديتني وانا الـذي مـا ترجيـت

غير العظيم اللي يسوق السحايب

الواحد اللي عالمٍ كل ما اخفيـت

اللي يغفْر ذنوب من جـاه تايـب

متوكلٍ به خالقـي حافـظ البيـت

ولاّ البشر تفنى شبـابٍ وشايـب

يا وقت لو جارت لياليك ما انحيت

راسي وانا خشمي يشم الهبايـب

أشيل حملـي للثقيـلات شليـت

وأقوم بحمولـي قيـام الركايـب

وأعز نفسي والردي كنّه الميـت

وش نفعته لا جا نهـار النشايـب

يا كثر خلاّن الرخا كـان عديـت

ما فيهم اللـي يرتكـي للنوايـب

يا وقت يا وقت الشقا لو تماديـت

مالي جدا غير الصبر والطلايـب

قال المثل تاتي قصيدة ولو بيـت

يا وقت أخذ البيت قبل النصايـب

لا ضاقت الدنيا علي قمت صليت

في سجدتي هانت علي المصايب




منقول

سلطان العبيدي
12-01-2006, 03:31 AM
صح السان الشاعر

ولاهنت على النقل

ابن شطفان
12-01-2006, 09:03 AM
قصيدة رائعة ... صح لسان الشاعر

و مشكوووور ولا هنت يا فخامة الرئيس على النقل

محمد الحياني
12-01-2006, 09:07 AM
صحت يمناك على النقل



وصح لسان الشاعر

ولاهنت يالغالي

رائعة وجميلة

فخامة الرئيس
12-01-2006, 11:41 AM
سلطان العبيدي

ابن شطفان

فتى الجوه


مشكوريين على تعطيركم مشاركتي بمروركم الكريم احبتي ,,,,

محمد التميمي
13-01-2006, 08:22 PM
ماشاء الله قصيدة جزله.... صح لسان الشاعر ولا هان الناقل.....

فخامة الرئيس
13-01-2006, 09:28 PM
لا هنت يا محمد التميمي على مرورك

الف شكر لك يا الغالي,,,

أبو صقر
15-01-2006, 05:25 PM
شكرا على المشاركة الطيبه

فخامة الرئيس
16-01-2006, 08:02 PM
تسلم على مرورك يا ابو صقر

عمر السخني
24-02-2006, 01:46 AM
فخامة الرئيس

الله يعطيك العافيه وما قصرت...

صح لسااااااان شاعرها

وناقلها.....

تقبل تحيات اخوك الشاعر

((( عمر السخني )))

القيسي ولد الحارث
24-02-2006, 05:09 AM
القصيدة رااااااااااائعة


وكاااااايفه

صح السان شاعرهاااا

ولاهنت على النقل

تحياتي,,,,,,,