المساعد الشخصي الرقمي

مشاهدة النسخة كاملة : فلاح والعازمي ( محـــــــــــاورة )


عبدالله بن غفره
04-01-2006, 12:18 AM
السلام عليكم ورحمة الله وبركاته

هذه محاورة بين الشاعر المتألق فلاح القرقاح والشاعر فهد العازمي

مع العلم أن هذه المحاورة تمت في حفل زواج الشاعر الأماراتي محمد بن مشيط المري
وكان من الحضور الشاعر القادم بقوة سعيد الفهري
وإليكم المحاوة وكلي أمل أن تنال أعجابكم وأستحسانكم

فهد العازمي

أشكر الصف والجمهور وأثني عليهم
صف جمهور واعي يطرب اللي يجيهم
وأشكر منظمين الحفل لاشك فيهم
والمثل قال مالا الحملة إلا جملها


أنا في نجد والقرقاح في الدمام = من الدمام وفي الظهران وفي الدوحة

وأنا أفرح كل مايلفيني العزام = ولا تتعبني الجية ولا الروحة

فلاح القرقاح

أما أنا واقف قدمك هنا واشكر الله
مير فتل شنابات الغضب والله الله
وكان عندك بظاعة فاسدة يفتح الله
والمثل قال مالا الحملة إلا جملها


أنا لامن غبت عن وجهك ثلاث أيام = يفوح الصدر يالغالي مية فوحة

أبا صاحبك واسافر معك لشام = وتصير التكلفة في البحر مطروحة

فهد العازمي


يافلاح العبيدي كن مامعك ذمة
أنت ماتدي أنك جايب لك مطمة
تنكر العرف والمعروف وحقوق الأمة
والمثل قال مالا الحملة الا جملها


أنت أظنك تاتجدد كارثة صدام = تغطيها وهي بالحيل مفضوحة

ياراعي ددسنن من خلف من قدام = مع الخط المعبد مالها لوحة

فلاح القرقاح

المصايب تراها جات من تحت راسك
مير لاتلبس امن اثيابك الا مقاسك
ولاينوش القشر راسك وربعك وناسك
والمثل قال مالا الحملة الا جملها


صحيبك بعد ماجفت الأقلام = يقول أنه تطور ذيخ منفوحة

ياراعي ددسنن تصدم على الصدام = شهادات ابن عمك فيك مجروحة

فهد العازمي

المشاكل بعيدة والمصايب بعيدة
أسرحت من عبيدة وأمرحت في عبيدة
مارويتو مرق ياطابخين العصيدة
والمثل قال مالا الحملة الا جملها


زمان العام وأنت تنكس الأعلام = محزن قلت واشبه قال من توحة

ياراعي التليفون محدد الأرقام = ورا بقسيته ماهي بمفتوحة

فلاح القرقاح

المصايب قريبة والمشاكل قريبة
أسرحت من عتيبة وأمرحت مع عتيبة
من صطل راس رجالاُ يعصر الزبيبة
والمثل قال مالا الحملة الا حملها


زمان العام ترقص والعباد نيام = نشدت الناس قال عرس صبوحة

ياراعي الواير اللي يشبك الألغام = عسى نفسك على الألغام مشفوحة

فهد العازمي

الزبيبة ملوثها على أقحطاني
بالله استر على التفاح والبرتقاني
مير لاتقطع الشمة يموت اليماني
والمثل قال مالا الحملة الا جملها


عتيبة يالعبيدي تأصل الأرحام = وكلن مايروح الا في مصلوحة

عسى الله ينصر اللي ينصر الأسلام = ترى المخلوق مايسوي بلا رروحة

فلاح القرقاح

انتبه للفواكه وانتبه للوظيفة
الخليفة ترا مافيه غير الخليفة
ادري أنك عتيبي يدينة صخيفة
والمثل قال مالا الحملة الا جملها


عتيبة قوماُ حشام وعيال احشام = وهاذي غلطتن ماهي بمسموحة

أنا بافطرك قرصن بدون إيدام = لاصار نيتك حلوة ومملوحة [/align]




تحياتي للجميع
.
.

سعيد بن مانع
04-01-2006, 01:58 AM
حدباء قذله
اررررررررررحب اررررررررررحب
ولاهنت وبيض الله وجهك يالوافي على النقل المتميز والرااائع
لاهنت لاهنت مره اخرى

تحياتي يالقرم

عبدالله بن غفره
04-01-2006, 08:10 PM
أرحب يابن مانع

كم أسعدني مرورك وتعطير الموضوع بكتابتك أيها المبدع والمتألق في هذا الصــرح الشامخ

ولي الشرف أيها المشرف أن تنول كتابتي على إعجابك وهذا يدل على ذوقك الرفيع




وتقبل فائق إحتراماتي
.
.
.
.

سلطان العبيدي
04-01-2006, 08:18 PM
حدباء قذله بيض الله وجهك

محاورة ولا اروع كيف لا وابو محمد طرف فيها

لاهنت يا الذيب وشيك على الموضوع اللى انت خابر في الاستراحه

ابن شطفان
04-01-2006, 08:42 PM
محاورة رائعة و قويه ..

و الله يوفق القرقاح ...

بيض الله و جهك و لا هنت يا حدباء قذلة على النقل المتميز ...

في انتظار جديدك ..

عبدالله المهداني
05-01-2006, 04:12 AM
الله لا يهينك



تحياتي



عبدالله المهداني

عبدالله بن غفره
06-01-2006, 10:57 PM
سلطان العبيدي

ووجهك أبيض

ابن شطفان

ووجهك وهذا من ذوقك الرفيع

عبدالله المهداني

من قال مايهون




شكرا على المرور وتعطير الموضوع بكتاباتكم الرائعة



تقبلوا أحترامي وشكري لكم