علي بن حمري يبدع ..في حفل ..رجال ..الأعمال

[خالد آل مطرف العاطفي]

علي بن حمري ورجال الأعمال
حضرت مساء امس الخميس 6/10/1425هـ في احدى حفلات رجال الأعمال وفي حفل كبير جدآآ حضره عدد من كبار رجال الأعمال المعروفين في منطقة الرياض والذي اقامه رجل الأعمال المعروف /حمود بن رجاء القحطاني .صاحب مجموعة الخامسي للمقاولات والعقار ..وقد القى كلمه ترحيبيه باالجميع ورحب بهم اجمل ترحاب وشكر الجميع على قبول الدعوة والحضور ..وقد حضر عدد من الشعراء ..ولكن المفاجأه الكبيره باالنسبه لي بعد ان وجدت شاعرنا المحبوب (راية الشعر ) موجود في الحفل ونا طبعآ لااعرف الأخ علي الا باالسمعه الطيبه والنبا الطيب ولكني لم اقابله ..والى والله شوفة الهدى ابو فواز يوم جانا والله العظيم ماهيب مجامله فعلآ تغير مسار الحفل 180درجه وجلسو رجال الأعمال يتابعون ابو فواز واستمر بيض الله وجهه فتره طويله على المايكرفون بسبب رفض الحظور مغادرة ابن حمري ومطالبينه باالمزيد من القصائد ..وقد الهب الشاعر علي الحفل بعدد من القصائد التي اقل مايقال عنها انها اروع من رائعه ... وانا اقول ان الموقع محظوظ ..محظوظ ..ووالله ماهيب مجامله لكن الأعتراف باالحق فضيله انت يابو فواز لك شعبيه جارفه وسوف تعود هذه الشعبيه على الموقع باالنفع انشاءالله ..
وقد برز في الحفل احد الشعراء الشباب وهو الشاعر/متعب بن رجاء الخامسي وقد القى ثلاث قصائد جميله ورائعه وقد لقي الشاعر الموهوب اشاده وشهاده من الشاعر علي بن حمري . ولاقت قصائده استحسان الجميع ..

قد يكون الشاعر علي بن حمري لايرغب في ذكر مثل هذه الامور ولكن ارجو ان يعذرني ...

اخوكم
خالد

[ابن عاصم]

خااااااااااااااالد ماعلمتنا علشاااااااان نحضررررررررررررررررررر

على العموم مشكووووووووووور

ورايه الشعررررررر كفووووووووو ويستاهل

اخووووووووك ابن عااااصم

[الصقري]

أخوي خالد 000 مجمل وما قصرت

وحقيقة تغطية ونقل أخبار مشاهير قحطان هذا واجب الجميع، والأخ الحبيب: علي بن حمري قدم ويقدم خدمات جليلة لقبيلة قحطان كافة ومن حقه علينا أن نبرز مجهوداته وحضوره المشرف في كل محفل فهو يمثلنا جميعاً وهذا هو الصحيح إنشاء الله.

فلك يا خالد وللأخ الشاعر الكبير: أبن حمري وشاعرنا الجديد: متعب بن رجاء الخامسي، وكل من تفانى في خدمة ربعه وبني عمه، لكم كل التقدير والثناء، على جهودكم المباركة فيما يعود بالذكر الحسن على قبيلتنا الغالية (قحطان).

أخوك :

[خالد آل مطرف العاطفي]

ابن عاصم ابشر با العوض ..
وانا والله اني جاي من حصاة قحطان مباشرة على الحفل ..حتى ابن حمري مادريت عنه الا يوم جاء وقالو الرجاجيل هذا ابن حمري ..

وابشر ياسنايدي يومين اثنين والا ثلاثه ...وفيه انشاءالله حفل كبير سيتم فيه تسليم جوائز مسابقة رمضان ...وسيحضره وجهاء ورجال اعمال ومشايخ وشعار .... وسوف يحدد فارس قحطان الموعد في وقت لاحق ...

النهاري
ياهلا والله باابوسعد .. والله لايهينك .. ووالله صدقت نقل اخبار قحطان مسؤلية الجميع .. ومثل ماتفضلت عزالله ابوفواز انه يشرف واللي مايفتخر بعلي بن حمري ماعنده سالفه ياخي الرجال انا اول مره اشوفه لكن الرجال ونعم عزالله انه راعي حميا للقحطاني من طويله .... .. اما الشاعر الشاب الخامسي سترونه قريبآ معنا في الموقع ....
ابو سعد : انت ممن يهمني مروره كثيرآآ ...وانت تعرف ليش يهمني مرورك ..

اخوكم
خالد

[فارس الشواطي]

بيّض الله وجيهكم جميع

لا هنت ياخالد على هالموضوع ونقل الصوره

تمنينا اننا حضرنا ولكن أنتو سديتو وفيكم الخير والبركه

وأبو فوّاز غني عن التعريف ويعد من أقوى شعراء الخليج

أشكركم مره ثانيه

ولكم كل التقدير


أخوكم فارس الشواطي

[الضويري]

تسلم اخوي خالد الله يكثر من امثالك وحقيقة جهودك بارزة ولا يهونون الاخوان ولا تخفى على احد

[ابراهيم بن مريع]

الطيب لاتستغربه من هل الطيب


ابو فواز شاعر له طريقه واسلوب خاص يميزه عن الغير


ولاهنت ياخالد


تحياتي

[الشريفي]

ابو محمد بلا شك العامل

الرئيسي لانجاح اي امسية...

اتمنى لة التوفيق والنجاح.....


الشريفي

[علي بن حمري]

ارحبو يا غلاه



انت ياخالد مواجهك يزيد فى العمر جعلك تحيااا


وانا واحدٍ من خدام القبيله على عز وطاعة الله ولي الشرف فى الحظور عند اي مطلق من الرجال ونايف




والشرف الي اليوم والقابله والهابله واللي ورى وراها والى يوم الدين







لبا كبدك ياخالد وماعليكم زود





:)

[علي بن حمري]

ابن عاصم




رحم الله والديك ياغالي

[علي بن حمري]

النهاري



جعلك من كل خير قريب وانتو العز

[علي بن حمري]

فارس الشواطي



ماعليك زود وجعلك في خير

[علي بن حمري]

الضويري



لاهنت وخالد يستاهل الشكر والله انك صادق

[علي بن حمري]

بومريع




كلامك يرفع الراس الله يرفع قدرك

[علي بن حمري]

الشريفي



جعلني ماتبدل بك ياغالي

[متعب الخامسي]

اخوي خالد الله يبارك في الحفل الي خلاني اشوفك واتشرف بمعرفتك..


وتأكد يالغالي ما زين الحفل الا حضور النشاما شرواك..


اما تواجد الشاعر علي بن حمري ماهي غريبه منه فا الطيب ما يستغرب منه الطيب

وانا معك ان الحفل تغير 180 درجه بتواجده ..وكيف مايتغير مسار الحفل وهو بمجرد سماع قصائده يطربك

وشلون لاصار يلقيها قدامك !! ولا تلوم الربع ياعلي يوم يلحون عليك ويطلبون من شعرك ترى محبينك واجد..


والمحبه ماجت من فراغ الا من طيبك وتواجدك بينهم لاعدمناك ..والله انك شرفتنا ونورتنا بجيتك..


بصراحه الحفل كان بيقتصر على كلمة الاخ حمود ومشاركة احد الاخوان بقصيده بس بعد مادرينا بجيت

الشاعر الكبير علي بن حمري قالو الربع بنخلي مجال المشاركات الشعريه مفتوح لعل ابن حمري لا جاء يمتعنا ببعض

قصايده.. ويعلم الله ان مشاركتي كانت عن غير علم مسبق وبدون استعداد .

بس الي يهونها عندي ان ابن حمري شارك واطرب الربع وانها ماوقفت علي بس:)

الله يعطي شاعرنا الكبير علي بن حمري العافيه ويطول عمره على طاعته


وانت الله لايهينك ياخالد وشاكر لك كلامك الطيب الي يدل على شخصك الكريم..



...

[علي بن حمري]

ارحبوووووو :)


ارحب يابورجاء تراحيب المطر


وانت يا اخي واتلله انك على باب الابداع والتفرد اذا واصلت مستواك ولانيب اللي يقيّمك لكن كلامك يدل وسنك الصغير ومحبتك للنظم هي مواري الابداع في نظري انا يامحاكيك





مرحباا ومسهلا بين خوانك وربعك عطران الشوارب وان شاء الله انك زودٍ لنا وحنا كذلك




لاهنت ياغالي على كلامك وجعل من جابوك فى الجنه

[ذيب قارض]

راية الشعر أكبر مكسب لشبكة قحطان أتمنى أن يستمر معنا ويا ليت يصير مشرف المجالس الأدبية وينضم الى الأخوة
المشرفين ( سعيد الفهري ) وزملائه وفقهم الله حتى لا يكون له عذر في مغادرة المجلس ؟؟؟ ( ÷÷××÷÷××÷÷ )

[الوافي نت]

مشكور وماقصرت يا خالد

وبيض الله وجهك

في الحقيقه هذا الشيئ لا يستغرب على أبو فواز
رفيق غالي ويستاهل المدح
بيض الله وجهك يابو فواز
ونتمنى منك ان تزودنا بقصائد صوتيه في المنتدى

اكرر شكري لك ياخالد على هذي التغطيه المميزه

[سعود الحبابي]

الله يوفقك ياخالد ولا يهينك وتحري بالعلوم الطيبه
والاخ الشاعر / علي بن حمري معروف بانه اذا حضر
لفت انتباه الحضور وان تكلم اعجب الجميع
جعله يسلم ابوفواز
وانت ياخوي خالد قمت بالواجب وبيض الله وجهك

[سعود الحبابي]

سعود الحبابي]الله يوفقك ياخالد ولا يهينك وتحري بالعلوم الطيبه
والاخ الشاعر / علي بن حمري معروف بانه اذا حضر
لفت انتباه الحضور وان تكلم اعجب الجميع
جعله يسلم ابوفواز
وانت ياخوي خالد قمت بالواجب وبيض الله وجهك[/size]

[قحطاني في امريكا]

السلام عليكم ورحمة الله وبركاته
لو سمحتوا اذا احد منكم يعرف رد الشاعر علي حمري على ياسر التويجري ان يرسله لي على الايميل وجزاه الله الف خير
tariq_m_q@hotmail.com

[ناصر المهداني]

مشكور اخوي خالد على النقل ولاتحرمنا من ابداعك