ليل المحاوره سرا

[الحصان العزوم]

سلام تسليمة مثل الجنيه الذهب= تسليمة غاليه والطيب عنوانها

والشاعر اللي علومه طيبه يقترب=ويجيب برهان والكلمه بميزانها

[محمد الحياني]

الله يعطيك العافية



واتمنى التواصل



وين الشعار



يرفع مع التحية

[سلطان العبيدي]

صح السانك وننتظر الطرف الثاني



الليل الليل

[معيض بن دشن]

أولاً باسم ونيابة عن أهل المنتدى ارحب فيك كونك عضو جديد ويا هلا ومسهلا

يا مرحبا والبقا تبت يدا أبو لهب = يالشاعر اللي جديد وسط ميدانها
أبشر بنا يا عميل الخير حسب الطلب = ماني معود ولاني بقظب اعنانها

[الحصان العزوم]

الله يبقيك يا ابو دشن واشكرك على الترحيب والله لايهينك وان شاء الله اكون عند حسن ظنكم


تبقى وتسلم لكن بالله ويش السبب=اتجيب كلمتك ماقدمت برهانها

لكن تركد وحذرا موترك ينقلب= في الطرقه اللي تظيع بكبر ظلعانها

[محمد القويفل]

ارحب ...ارحب

يا الحصان العزوم

وصح السانك

وصح السان معيض


واصلو واصلو

[معيض بن دشن]

ذليل ليل الفرح ذليل ليل الشبب = ترى السفينه لها قائد وربانها
ماني خفيف العقل ياويش جاب العتب = الاوله عانها والثانية عانها

[ابوطارق]

والثانيه عانها والثانيه عانها000000 ودي اصييييح والله قسم

[الحصان العزوم]

استلم يا بو دشن

ياحبني للكلام اللي بحكمه وادب = وابو دشن راعي الحكمه وسلطانها

الذيب يقنب وقال معيض لا ماقنب=لكن هات العلوم وهج بيبانها

[ابوطارق]

وهج بيبانها وهج بيبانها واصلو فديتكم فديتكم

[معيض بن دشن]

رحبتبك يا عميل الخير طبع العرب = ظني تكفي عن اللي قرب اسمانها
سوالفك ما لقيت اللى الشقا والتعب = الشجرة اللي غرسنا طاحت اغصانها

[الحصان العزوم]

استلم يابو دشن والمعنى ماهو بظايع

لاهنت ياصاحبي عقب التعب والنصب =والطايره صاحبك ذالليل قبطانها




قاذف صواريخ نار ومدفعه من لهب=والله يعينك على الشعله ونيرانها
انا اشهد انك شاعر معنى

[هنا الرياض]

صباح الخير يا لربع

محاورة طرفها معيض اكيد غيررررر ولا يهون الحصان


وانا ماسك الصف معك يا معيض وشد احزامك يالحصان العزوم ترى ابن مفلح مهوب سهل




سلام تسليمة مثل الجنيه الذهب= تسليمة غاليه والطيب عنوانها

والشاعر اللي علومه طيبه يقترب=ويجيب برهان والكلمه بميزانها


يا مرحبا والبقا تبت يدا أبـو لهـب
يالشاعر اللي جديد وسـط ميدانهـا
أبشر بنا يا عميل الخير حسب الطلب
ماني معود ولاني بقظـب اعنانهـا



تبقى وتسلم لكن بالله ويش السبب=اتجيب كلمتك ماقدمت برهانها

لكن تركد وحذرا موترك ينقلب= في الطرقه اللي تظيع بكبر ظلعانها


ذليل ليل الفرح ذليـل ليـل الشبـب
ترى السفينـه لهـا قائـد وربانهـا
ماني خفيف العقل ياويش جاب العتب
الاولـه عانهـا والثانيـة عانـهـا



ياحبني للكلام اللي بحكمه وادب = وابو دشن راعي الحكمه وسلطانها

الذيب يقنب وقال معيض لا ماقنب=لكن هات العلوم وهج بيبانها


رحبتبك يا عميل الخير طبع العرب
ظني تكفي عن اللي قرب اسمانهـا
سوالفك ما لقيت اللى الشقا والتعـب
الشجرة اللي غرسنا طاحت اغصانها


لاهنت ياصاحبي عقب التعب والنصب =والطايره صاحبك ذالليل قبطانها

قاذف صواريخ نار ومدفعه من لهب=والله يعينك على الشعله ونيرانها

[الحصان العزوم]

واصل يابو دشن انت استاذ والحقيقه اتشرف باللعب معك

[معيض بن دشن]

بالعكس انا استفيد منك ولا يهينون الربع وشكراً على تواجدكم وشكراً يالحصان والنهاية من عندك ولاعدمناك

ماني بنصاب أنا رجال وافي الشنب = والطايرة شفت دخان بجنحانها
السيف عندي يقص العظم تحت العصب = مير احترص وانتبه لاقام شيطانها

[الحصان العزوم]

استلم يابو دشن

ان عودت للحقيقه ياجويد النسب = انا ذهين معك والناس باذهانها
وختامها كلنا ياصاحبي ما نحب = الا علوم الوفا ونزور ريضانها

[معيض بن دشن]

ما كل حالي تذوقه تحسب إنه عنب = ولاكل صيده تعني الرجل من شانها
حج الفريضه وخلك من الغنا والطرب = مكه ترحب بكم ياسعد ضيفانها

[الحصان العزوم]

استلم يابو دشن

امعيض يسرع ولا يدري وياكل مطب =وانا خبير البحور وعارف اوزانها

اعرف خفيف العقل والسيف ولا احسب= ياللي بيوت الوفا شديت عمدانها

[معيض بن دشن]

ونا خلقني عظيم وخصني بالادب = ما حب جلب الهزيلة لجل خلانها
الناس تنقد وتعرف ويش تحت الهدب = العين تقرا الرساله ضمن عنوانها

[خولان بن عامر]

الحصان العزوم



معيض بن دشن



صحت السنتكم ولاهنتوا على هالطاروق والله يحيك يالحصان العزوم في محلك



طاروق كايف

[الحصان العزوم]

الاخوان


فتى الجوه


سلطان العبيدي


القويفل


ابو طارق


هنا الرياض


خولان بن عامر



اشكركم على المرور والمتابعه

وزدت شرفا بتواجدي بينكم

[سعيد بن مانع]

لاهنتو يالنشاما

فاتتنـي والله ..

على العمووم لاتحرمونا من الجايات ولاهنتوا مره اخررى