المساعد الشخصي الرقمي

مشاهدة النسخة كاملة : الربع جنبه قار الحكومه ,,,, خل له في البر جره


محمد بن زميع البشري
27-12-2005, 08:30 AM
هذه القصيدتين من الشاعر (( نمر بن علي ال مجمل السنحاني )) وقام بالرد عليه الشاعر (( حمد بن علي بن عروان الحبابي )) ,,,, ورد القصيده لم يكن على نفس القافيه لسبب خاص بين الشاعرين ...

نمر السنحاني ::

يالله اني طالبك يالله يامذري الذواري *** انك اديم الوفا ضمن المعزه والمسره
يسري الرعاد والبراق في ليل(ن) غداري *** والهجوس يهيضها صوت الحبابي يوم جره
صدق ياراعي الوفا لا بارك الله في السفاري *** مايسوقه واحد الا بالمشاريه يتشره
مالك الا الربع يابو علي مادام انك شاري *** اشهد انه درة(ن) في البر لو للبر دره
جنبه خط اللكازس والكدالك والفراري *** جنبه قار الحكومه خل له في البر جره
مايبي خط(ن) وقف فوقه مهندس واستشاري *** مايبي غير الوعر واليا كفخ لله دره
ياحمد يامسندي لامن شريته خلك ساري *** لين تاصل دار ابن عايض نمر تعرف مقره

حمد الحبابي ::

يانمر ياصاحبي شورك على عيني وراسي *** يارفيق(ن) في الرخا والضيق كساب السمينه
غير انا ذوقي عنيد وقاسي وعسر سياسي *** مايفره كل شكل وعزك ايش يسر عينه
جيب تايوتا بريمي شيخته شمل وحماسي *** انشد اللي بالدراهم من غناهم مشترينه
موتر(ن) ماله مثيل ولامشى في الخط راسي *** مثل مايرسي على سطح البحر جسم السفينه
اشهد انه غاية الاذواق جلاي العماسي *** ناوينه باذن ربي لو غدوا بيني وبينه
والحبابي لانوى المشورا من دون التباسي *** انت يانمر النماره مركبك على يمينه
لو شريت الجيب يابن الناس لا ماني بناسي *** خوت ابن زميع واهل الطيب شرواكم ثمينه
بين الاصحاب العزاز وبين خلاني وناسي *** اقضي اللي باقي من العمر في بر ومدينه

وســــــــــــــلامتكــــــــــــــــــــــم

واتمنى انها تحوز على رضاكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

عاشق الوطن
27-12-2005, 09:06 AM
بن زميع

لاهنت على هذه القصيدتين الجمياتين

تنبع احساس وروح نتمنى من الله ان نرى

الشاعرين قد تحقق لهما ماذهبا اليه في الوصف

احدهما يستخدم الازفلت ولاخر يجوب البراري

ولا اخفيك اخي الغالي بن زميع اننا في هذا العصر

افتقدنا المجاراه الشعريه بين الشعار مما ادى الى اندثار

الكثير الكثير من علوم الشهامه والمرؤه في زمن الماديات وشظف العيش

مشاركه جميله جمل الله حياتك

عاشق وطن

تحياتي

ابن شطفان
27-12-2005, 11:07 AM
أخوي ابن زميع ..

مشكوووور و جمل الله حالك ..

قصائد جزلة و رائعة ... تشكر على ايرادها لنا ...

سعيد الفهري
28-12-2005, 01:09 AM
أخوي ابن زميع ..

مشكوووور و جمل الله حالك ..

قصائد جزلة و رائعة ... تشكر على ايرادها لنا

عبدالله المهداني
28-12-2005, 03:18 AM
ابن زميع






لااهنت











وانا اتمنا ان نقرا
لنمر بن علي ولحمد بن عروان



اسماءً في هذا الصرح الشامخ






حيث والله اني ادري ان الاثنين هؤلاء شعار من الوزن الثقيل

ومعهم سعد بن مسفر المهداني


حيث اني قد سمعت لهم في الخفجي




عسى الله يوفقك ولا يهينك






ولا تنساء تعرض عليهم الإنضمام لنا


لا عدمتك يا وجه ولد كعب



وسلم على الربع في الخفجي

محمد بن زميع البشري
28-12-2005, 07:34 AM
اخواني //
عاشق الوطن , ابن شطفان , سعيد الفهري , عبد الله المهداني ::: الله لا يهينكم جميع على المشاركات والردود الطيبه اللي اتشرف بها ولا هنتوا جميع ...
بصراحه انا بعرض عليهم انهم يدخلون معنى في المنتدى واعتقد انه يشرفنا ويشرفهم انهم يكونون معنى في منتدى مجالس قحطان...

اخوي عبد الله المهداني /////
الله يسلمك من الشر وابشرك انهم طيبين والشايب طيب وماعليه خلاف وكان معنى البارح في البر ..

وتقبلوا تحياتي .......................

اخوكم/ابن زميع