المساعد الشخصي الرقمي

مشاهدة النسخة كاملة : بعد سجيت رجلي لدار اقحطان

منصور بن منيخر
25-12-2005, 12:09 PM
البركان يسلم عليكم ويسره الانضمام لموقعكم الموقر
والله يبارك في الأخوان اللي دعوني ولهم التقدير والأحترام
بصراحه أنا نادم أني ماعرفت هذا الموقع من بداية انشائه
وهذي بدايه مع الشعار الموجودين الله يحييهم

بعد سجيت رجلي لدار اقحطان يا سلامي سلام(ن)يسر الضمير=عد ما لاح براق مزن السحاب والعرب ما تهمل مواجيبها
المعاني تبي شاعر وترجمان ننقل الترك في راس هضبة عسير=كيف سعدون يبكي عقاب وحجاب والعواذل تولّع مشاهيبها
خولان بن عامر
25-12-2005, 01:13 PM
ارررحب يالبركان الثائر

الله يحييك بين احبابك واصحابك والساعة المباركة ولا ابطاء من جاء



عد من حج مكه وصام ارمضان0واجتمع في المشاعر كبير وصغير=مرحبا من هجوسي بليا حساب0والعرب ماتخلي تراحيبها
البراكين ثارت وثار الزمان0واخويانا وراها كلامٍ خطير=المصيبه خبر نوت جنن عقاب ولاّ سعدون ماهو بداريبها
سلطان العبيدي
25-12-2005, 03:56 PM
اررحب يا البركان الثائر

ويسعدنا وجود اللى شرواك والله يحييك في مضارب قبيله قحطان في الشبكه العنكبوتيه


.............................................

صح السانك انت وسعاده المدير

واصلو واصلو

والله يرعاكم
منصور بن منيخر
25-12-2005, 06:44 PM
البقا يا خولان لا هنت ومشكور علي الترحيب
استلم

البقا من لفا الدار صاحب مكان غير ما شفت لي يا بن عامر بعير=ضاع مني قبل عام فوقه زهاب والليالي غريبه مشاريبها
العشر تالي الوقت صارت ثمان لو ذكر طير عطب الجناح ويطير=كلمة السر راس بن غانم ذياب والآوادم تحقق مطاليبها
منصور بن منيخر
25-12-2005, 06:47 PM
سلطان العبيدي
الله يحييك ولا هنت يا القرم
خولان بن عامر
25-12-2005, 11:08 PM
بعد مارحت ثم جيت يالليل دان جعل في الراي والامر مليون خير=كيف غيرت الارقام يابو الشباب وانت من لابة بينٍ طيبها
الذهيبه خذوها عيان بيان والسبب تعرفه وافهمه يابصير=وانت ياذيب من ضمن ذيك الذياب كانها مثلها لاتغنيبها
خولان بن عامر
25-12-2005, 11:10 PM
سلطان العبيدي هلابك ملايييييييييين

لاهنت على الرد والمرور من هنا
منصور بن منيخر
26-12-2005, 10:30 AM
توّه الليل توّه سري من عمان حملة اعقيل من حملها ما تسير=والذيابه تقانب في روس الهضاب كل ذيب(ن)قنب جاوبه ذيبها
يا ثقال النفوس وطوال اليمان نعذر الناس عقب النذر والنذير=ما نقول الذهيبه يا مال الذهاب والليالي كفي الله من غيبها
فارس قحطان
26-12-2005, 10:51 AM
السلام عليكم ورحمة الله وبركاته


صحة السنتكم وابدانكم

وودنا لوتكون المحاوره مباشره

ليكون لها طعم خاص

وخولان يدخل يالبركان الثائر على ما اعتقد بعد الساعه 10 مساء




.
منصور بن منيخر
26-12-2005, 10:59 AM
وعليكم السلام ورحمة الله وبركاته
يا فارس قحطان لاهنت ومشكور
وان شاء الله اقرب فرصه نشوف الوقت المناسب
ونخليها مباشره
عاطف الهرمس
26-12-2005, 01:08 PM
البركان



خولان


اكيد ماتحتاجون شهاده من احد



شعار كبار ومحسوبين ولحن مميز((والايام يومين والشك زايل))


والظاهر ان ببعضكم كفش بعضكم >>>>>يبي ينشبهم



دمتم بخير
سعيد بن مانع
27-12-2005, 03:16 AM
مشالله عليكم
مبدعين في ذمتي

البركان

خولان

لاهنتوووووا يالنشاما وانا اشهد انكم ابدعتوووا

ولاتحرموونا من محاوره قادمه ومبااشره


تحياتي
خولان بن عامر
29-12-2005, 02:27 PM
البركان الثائر


الله لايهينك اذا شفت نفسك فاضي ارسلي رساله ونعمل لنا مباشره ولي الشرف بذلك



الاخوان الذين تكرموا بالمرور والردود

الله لايهينكم ويبيض وجيهكم على حرص المتابعه



وللجميع خالص تحيتي
الكاوي
30-12-2005, 02:28 AM
البقا من لفا الدار صاحب مكان غير ما شفت لي يا بن عامر بعير
ضاع مني قبل عام فوقه زهـاب والليالـي غريبـه مشاريبهـا
العشر تالي الوقت صارت ثمان لو ذكر طير عطب الجناح ويطيـر
كلمة السر راس بـن غانـم ذيـاب والآوادم تحقـق مطاليبهـا



البركان ثاير ثاير 00معى الجمهور ;)







بعد مارحت ثم جيت يالليل دان جعل في الراي والامر مليون خير
كيف غيرت الارقام يابو الشباب وانت من لابة بينٍ طيبها

الذهيبه خذوها عيان بيان والسبب تعرفه وافهمه يابصير
وانت ياذيب من ضمن ذيك الذياب كانها مثلها لاتغنيبها



خولان انت شاعر ومن اكبر الشعراء حسب متابعتي المستمره واصلوووو:)
ولد حمران النواظر
05-01-2006, 02:45 AM
صح السنتكم

محاورة حماسيه