أبوحماد
25-12-2005, 12:47 AM
السلام عليكم ورحمة الله وبركاته
ومسـاكم الله بالخـير جمـيع
هذه القصيده لشاعر من أهل القصيم ينصح إبنه وإسم إبنه إبراهيم
أود أن تعم الفائده ...
ويقول فيها :
يفيدك من سبر غمس الليالي=وشاف الوقت رجحه للميالي
ألا يا أبوخليل إسمع وصيه=وصية من بذل نصحه وقالي
وصية والد شاف الذكارى=بهذا الجيل شاف الدون عالي
أشوف الكلب تدرى سطوة له=ويبطش بالأسود ولا يبالي
فلكن إستمع من ناصح لك=فلا ينفعك غير الله محالي
ولا ينفعك خال أو خليل=ولا عم قريب لك موالي
فكم عم يجيك الغم منه=وكم خال من الخيرات خالي
ترى بعض الأقارب كالعقارب=تهاون أمرها والسم قالي
فلا تظهر قريب من حريب=ولا تأمن أمين في خلالي
ولا تاثق على الغرات صاحب=ولا تغلي رفيق مايغالي
ولا تنخى ذليل يوم هيه=يجي عليك نقص بكل حالي
ولا تخلي ذلولك من قياد=خصوص في محال وسط لآلي
ولا تقصد لئيم وقت حاجه=ولو ماله كثير ماينالي
فلو مطلبك في كفه تشوفه=يصير أبعد من السبع العوالي
كما قاع يغرك من بعيد=تحسبه صافي جمه زلالي
فلا جيته تبين لك سرابه=كما خام يفرش بالمحالي
ولا تأمن من الجيران واحد=ولو في مسجده كبر الريالي
ولو هي من علامات الديانه=فخذ حذرك ولق النصح بالي
ولا صابك سموم منه حامي=تلقه مثل نسناس الشمالي
ولا تجزاه عن فعله بمثله=ترى إن السود عجلات الزوالي
عطه حقه ولاتاقف بنوبه=ولا تدع لحسادك مقالي
ولا تاخذ من النسوان دنى=ولا ونى ولا من له عيالي
ترى العيشه مع هذي شقيه=وريقك دايم ماهو بحالي
ولا تأخذ خموش زل عمره=ولو هي من صعيبات المنالي
ترى السلال بضع من ضررها=لعمر الرجل هي أصل الزوالي
إلى جن الدجى جاها بلاها=وتحيي الليل من كثر السعالي
ولا تأخذ من النسوان دارب=ولو ماله نظير بالجمالي
تراها صيد غيرك بالحبايل=وقرب العيب عيب للرجالي
وخذ نصحي وصر للقول صاحي=يفيدك من سبر عمس الليالي
ومسـاكم الله بالخـير جمـيع
هذه القصيده لشاعر من أهل القصيم ينصح إبنه وإسم إبنه إبراهيم
أود أن تعم الفائده ...
ويقول فيها :
يفيدك من سبر غمس الليالي=وشاف الوقت رجحه للميالي
ألا يا أبوخليل إسمع وصيه=وصية من بذل نصحه وقالي
وصية والد شاف الذكارى=بهذا الجيل شاف الدون عالي
أشوف الكلب تدرى سطوة له=ويبطش بالأسود ولا يبالي
فلكن إستمع من ناصح لك=فلا ينفعك غير الله محالي
ولا ينفعك خال أو خليل=ولا عم قريب لك موالي
فكم عم يجيك الغم منه=وكم خال من الخيرات خالي
ترى بعض الأقارب كالعقارب=تهاون أمرها والسم قالي
فلا تظهر قريب من حريب=ولا تأمن أمين في خلالي
ولا تاثق على الغرات صاحب=ولا تغلي رفيق مايغالي
ولا تنخى ذليل يوم هيه=يجي عليك نقص بكل حالي
ولا تخلي ذلولك من قياد=خصوص في محال وسط لآلي
ولا تقصد لئيم وقت حاجه=ولو ماله كثير ماينالي
فلو مطلبك في كفه تشوفه=يصير أبعد من السبع العوالي
كما قاع يغرك من بعيد=تحسبه صافي جمه زلالي
فلا جيته تبين لك سرابه=كما خام يفرش بالمحالي
ولا تأمن من الجيران واحد=ولو في مسجده كبر الريالي
ولو هي من علامات الديانه=فخذ حذرك ولق النصح بالي
ولا صابك سموم منه حامي=تلقه مثل نسناس الشمالي
ولا تجزاه عن فعله بمثله=ترى إن السود عجلات الزوالي
عطه حقه ولاتاقف بنوبه=ولا تدع لحسادك مقالي
ولا تاخذ من النسوان دنى=ولا ونى ولا من له عيالي
ترى العيشه مع هذي شقيه=وريقك دايم ماهو بحالي
ولا تأخذ خموش زل عمره=ولو هي من صعيبات المنالي
ترى السلال بضع من ضررها=لعمر الرجل هي أصل الزوالي
إلى جن الدجى جاها بلاها=وتحيي الليل من كثر السعالي
ولا تأخذ من النسوان دارب=ولو ماله نظير بالجمالي
تراها صيد غيرك بالحبايل=وقرب العيب عيب للرجالي
وخذ نصحي وصر للقول صاحي=يفيدك من سبر عمس الليالي