يارب

[حزام العجرشي]

بسم الله الرحمن الرحيم



يالله ياربي دعى عبدك وخاف

يالله يالمعبود يارب يارب



افرج لمن هو في زمان العجب شاف

وضاقت عليه ارضك وضايق به الدرب



طلبك ياربي وربع العمر طاف

ترزقني التوبه و تدمح لي الذنب



يوم الردي رزقه علي ام الارداف

رزقي علي اللي يحي الميت والعشب



ياقلب صحصح مابقى شي ينشاف

تشره عليهم والسبب فيك ياقلب



كانك كسيرن ياعسى مابك اخلاف

يفداك من هو فالحشاء هب ثم دب



اذا هويت انسان لابد ينعاف

واذا طلبت القرب عيا عن القرب



قسوة حبايب مع قسى ايام واعجاف

وجروح وقتن مالقينا لها طب



وقفة لك في قمة المجد ميقاف

وهذا لنا ي مدح وهذا لنا سب



وبعض القلوب النادره بيض ونظاف

وبعض القلوب من الوسخ كنها خلب



الراس وش هو دون تعنيز الاكتاف

والذيب عداه العشاء نبحة الكلب



دقق معي فالبيت يامتابع القاف

من تجربة عمري ومن فكري العذب



من الحبايب والزمن خاطري عاف

لاعاد به خوه ولاعاد به حب




وسلامتكم