اللي بليا ربع وا عزّا له

[هتاش]

اللي بليا ربع واعزّا له
ما فيه ظلمٍ عابرٍ ما طاله

يرجع على دنيا الفلس يشتمها
وبيت المذله صايرٍ مدهاله

لي كبرت ظنونه وقلّوا ربعه
قام ايتمشى في العروق الحاله

مقدام لكن واجب يحسبها
يحسب حساب الحمل والشيّاله

ايجالس همومه ودمعه راهي
ويذوق حتى الغبن في فنجاله

يا وجد حالي لي لقيته ساهي
حط الحواجه كلّها ببياله

اقول له عان الدلال قبالك
ويقول حمل الوقت ما نحتاله

مصيبته يا كبرها في عينه
لي لد عينه في عيون اطفاله

لابد يلحقهم صلف شايبهم
لو هو عقيمٍ يمكن انْه اشلاله

هذا وهو ما قد شكا لي وضعه
يخاف ينقص عندنا منزاله

قريت في عينه كلامي هذا
وقلته وهو في ذمتي ما قاله

[اابوذيب]

اخي هتاش هون على نفسك مافيه احد بلا ربع الا كان واحد جاي من السماء مخلوق لحاله لكن الواحد لازم يراجع نفسه ويجامل في بعض الامور فقد يكون هو سبب نفسه
ومن لم يصانع في امور كثيره-يضرس بانياب ويوطى بمنسمي
تحياتي لك

[هتاش]

احسنت يا ابو ذيب وبارك الله فيك وشكرا على تعقيبك المفيد..

[كبتشينو]

صح لسانك

[عائض القحـطاني]

صح لسانك يا الذيب