المساعد الشخصي الرقمي

مشاهدة النسخة كاملة : قصيدة مرثية من الحبابي في ابن شايق


غلاب الحبابي
01-05-2014, 11:15 PM
بسم الله الرحمن الرحيم

السلام عليكم ورحمة الله وبركاته


اقدم لكم هذه القصيده مرثية قالها الشاعر / سعيد بن علي ال برمان الحبابي


في الشاعر الكبير الراحل عبد الله بن شايق ال عاطف القحطاني يرحمه الله رحمةٍ واسعه


يقول فيها :




ياهاجسي للقصائد طالبينك طلب=تختار من الندر الجزلات وتجيبها
مثايل ماعليها نقد ولاعتب=متخصص في قوافيها وترتيبها
أصوغ بيت القصيده مثل صوغ الذهب=على الوصول أحماها من عذاريبها
ماهي بديعه إلى صبّيت الأبيات صب=لي سيرتٍ أكثر العربان تدريبها
كن في ضميري سنا ناراً وقوده حطب=حوادثٍ طلّعت في روسنا شيبها
فزيت فزأت من صابه سريع الندب=من كف من يقضي إديونٍ يثاريبها
هاضت شعور القريحه بعد هم وتعب=أبيات شعرٍ على المعنى نغنّي بها
غنيتها حزن ماغنيتها من طرب=واعاوي إذياب خلو في مراقيبها
فقد ابن شايق هو اللي هاضني والسبب=الملعبه ودّعت خيرة لواعيبها
قحطان جاهم على فرقاه حزن وغضب=تبكي على طيّب الوقفات من طيبها
مرحوم ياسيف قحطان الوريع الحدب=اللي كبار المواقف ينطح اصعيبها
مرحوم يااللي بك الموتر صدم وأنقلب=في رحلةٍ كاتبٍ ربّي تسابيبها
عساك في جنّة الفردوس يابو شنب=و يجيرك الله من النار ولواهيبها
من قال دنيا بنادم فانيه ما كذب=عاداتها تفجع اللي وامنٍ غيبها
سلام يالابتي قحطان ياصل العرب=يا هل الظفر والسلوم اللي نماريبها
تسليمة إجلال ناموس وعز و أدب=يا لابةٍ ضيفها يلقى تراحيبها
ترحيبةٍ عقبها يلقى مقام العجب=الحِيل والعود الازرق دايمٍ طيبها
قحطان ياربعنا ياهل الحسب والنسب=يا هل المواجيب لي كبرت مواجيبها
الله يغفر الذنوب لمن صبر و أحتسب=يا رب تجبر عزاء قحطان وتثيبها

غلاب الحبابي
06-05-2014, 12:19 AM
رحمك الله رحمةٍ واسعه يابن شايق وموتى
المسلمين أمين يارب العالمين

فارس قحطان
06-05-2014, 07:54 PM
صح الله لسان الشاعر

ولاهنت ياغلاب الحبابي

والله يرحم بن شايق

غلاب الحبابي
06-05-2014, 11:37 PM
صح الله بدنك يافارس قحطان ولاهنت على الرد الطيّب ومشكور جزيل الشكر

بن اصريط
07-05-2014, 09:48 AM
فزيت فزأت من صابه سريـع النـدب
من كف من يقضي إديـونٍ يثاريبهـا
هاضت شعور القريحه بعد هم وتعـب
أبيات شعرٍ علـى المعنـى نغنّـي بهـا
غنيتها حـزن ماغنيتهـا مـن طـرب
واعاوي إذياب خلـو فـي مراقيبهـا


عطناء سيرتك الذاتيه
ونقل رائع

والله يرحم بن شايق

غلاب الحبابي
07-05-2014, 11:57 PM
الأخ ابن اصريط لاهنت ومشكور على الرد الوافي

غلاب الحبابي
13-05-2014, 12:24 AM
الله يحمك يابن شايق أمين وإخواننا المسلمين