المساعد الشخصي الرقمي

مشاهدة النسخة كاملة : مرثية سعد الشبوي في ابن شايق رحمه الله


الحناش
25-04-2014, 07:49 PM
هذه القصيده مرثية في فقيد قحطان خاصه وفقيد الشعر والادب عامه
الشاعر الراحل عبدالله بن شايق القحطاني رحمه الله
وهي من كلمات الشاعر سعد بن زمله الشبوي



متى على الله يسفر الصبح ياليل=وعقب الظلام نشوف نور السفيره
جاني خبر عاجل ومن غير تفصيل=عبدالله ابن شايق يلاقي مصيره
زود على همي هموم وغرابيل=طير منامي و ادخل الفكر حيره
الهم في قلبي غداله مداهيل=والحزن نوخ وسط صدري بعيره
انهل دمع العين مثل الهماليل=والقلب ولع فيه مثل السعيره
لاقوة الا بك ياربي ولا حيل=يكود حيلك يامنجي جويره
ابكي ويبكونه زحول الرياجيل=تبكي على فقده شيوخ العشيره
ياكبر فقده في صدور المشاكيل=موت ابن شايق هز شبه الجزيره
يحسن عزا قحطان جيل ورا جيل=واهل الادب والشعر من كل ديره
والله يعوض ربعنا الصبر والحيل=ويجبر نفوس عقب فقده كسيره
مرحوم ياللي مات مايقبل الميل=على بني عمه مايرضى الصغيره
مرحوم ياللي يوفي المد والكيل=ينقض ويفتل للجموع الغفيره
يالله يارحمان يارب جبريل=ياغافر الزلات لو هي كثيره
اغفر لعبدك وانزله خير تنزيل=في جنة الفردوس تعلي ضميره
يالله ياربي عليك التساهيل=اليا اقبلت شهب الليالي مغيره

محمد بن مسفر بن جليد
29-04-2014, 09:04 PM
صح الله لسانك والله يغفله