مشاركتي في حفل زواج ابو سلطان العبيدي

[أبو معتز]

مشاركتي في حفل زواج أبو سلطان العبيدي


(النادر اللي بعقله سابقً جيله)

الشعر ينساق لاهبت علي نوده
ينقاد من راسي وراسي مداهيلـه

لا لاح برقه وقامت ارزم ارعوده
يمطر سحاب القصيد واينتحي سيله

قصيدي اللي وسومي تطرق خدوده
وعنوانه المفرده في الشعر الاصيله

واسمي على جبهته علامة الجوده
وذالليل في الساحل الشرقي هذا ليله

على مسامع حضور الحفل وحشوده
يعج طيبه قبل تدرج فناجيله

في محفل اللي ورث طيبه من جدوده
النادر اللي بعقله سابقً جيله

حراً صفات النشاما فيه موجوده
وكسب المراجل مع اهل الطيب تحصيله

وافكاره النيره ماهيب محدوده
وكم واحداًما قدر ياصل مواصييييله

والفزعه اللي من الوافين معهوده
في راس عبدالعزيز الله يمهيله

وربعه تسيد العرب ماهيب مسيوده
قبل الكلام الكثير وقبل تقليله

جمع ال معمر سنام المجد وزنوده
اللي لا ثقل الحمل في الماقف تشيله

ربع ابن فردان شيخ الشمل واعضوده
رجالهم في الشدايد يمن ادخيييله

حمايه الحد يوم الخوف وفهوده
افعولهم في الزمان الاول مهييييله

وتاريخهم تكتبه الاجيال وتزوده
واسم ال معمر يرجح كفه الكيله

قومً تدوس الخطر ماهيب مضهوده
ما بين تكبيره وما بين تهلييله

وقفاتهم في زماان راح مشهوده
وفي ذا الزمان الاخير وفي مقابيله

وصفاتهم طيبين الذكر محموده
وحرابهم يطرحونه من ظهر خييله

والمدح في اللابه اللي فيه موعوده
هذا اختصاره ولا يحتاج تطويله

والا ال معمر سنام المجد وزنوده
وعز الله ان المدح فيهم هذا ليله

من شاعرً لا وعد ما يخلف اوعوده
وفي وقفته ما برد شعره ولا حييله

وان لاح برق القصيده وحنت رعوده
يشر على اطيب بيوت الشعر ويجيله



وسلامتكم
محمد بن عبدالله الفهري

[نايف القحطاني]

صح لسانك يابومعتز وجملت عوال مفلح ومثلتهم خير تمثيل

[راس قرناس]

صح لسانك وارتفع شانك وطاب فالك دائما متألق, احسنت النظم والارسال هديه شاعر مبدع لعلم بارع يستاهل عبد العزيزشكري لكما لا عدمناكماتحياتي

[مبآركـ،]

صح السانك يا أبومعتز


ويستآهل أبوسلطان وربعنا ال معمر كفوو الله ربنا وربهم ..
نسأل الله أن يوفقه في حياته الزوجيه ويرزقه بالذريه الصالحه ..

تقديري وأحترآمي

[طلال المعمري]

صح لسانك

[كبتشينو]

صح لسانك يستاهل

[عائض القحـطاني]

صح لسانك يا أبو معتز