وسيع البنايد

[عبدالله ابن شايع الزهيري]

لا تعقّد حجاب الوقت وانكرت النكور =من زمانٍ يزْعل الكفو ويفوّر دمه
لاتحيزم ياوسيع البنايد بمعثور= ينكسر عظمه من الساق ويضيق نسمه
الردي يذبح ويسدح ليا زانت لمور =وإن عبس وجه المقادير حاشاك رخمه
إن لقاله منتق منك ولاّك الدبور= وإن قعد دنق براسه وجاء فيه طرمه
والمصيبه كلها جعل تفداك العسور = لاجت الرجال من بين دمه ولحمه
لوتعذر بارد الوجه ماهو بمعذور =كبه ويبقى وجوده سوا هو وعدمه
واحتزم بالوافي اللي على الطيب مخبور=واحد يقاف ولا عسّم الشور عسمه
لازهمته في وجيه الشدايد مايبور = فعله يبرهن وجوده قبل تنطق فمه
خوته ماهي بخوة قصيرين الشبور = قاسيٍ راسه وراسيٍ على العز قدمه
ماتغيْره الليالي ولاحوله قصور = من خلقه الله والطيب في شخصه سمه
جعل ربي من لجاويد مايخلي الحضور= كل قرمٍ ذاع فالناس طيبه وكرمه
وجعل ماجا روس الاجواد في الدنيا طهور =دامها للصدق والصبر عينه وعلمه

[حسين معدي]

صح الله لسانك

[علي بن زامل]

صح لسااانك

[زبون!]

حلوه

[مبآركـ،]

حياك الله يا عبدالله

وصح الله السانك وأعتلا شانك ..
قصيده وآفيه وجزله .

تقديري وأحترامي