لسان الحال

[هتاش]

ويلاه من فرقا هلي يا جماعه
ما عاد لي حيله ولا عاد بي حيل

كنّي عزيزٍ عايشٍ في مجاعه
ويورّي الضحكه وهو شايف الويل

يحيا حياة العز لو كان ساعه
هذا لسان الحال لو غيره حليل

ما من ورى بعض التغرّب اطماعه
ما دام دمع العين مثل الهماليل

لكن لنا عند الفرنجه بضاعه
بضاعة تشرى بكدّ وسهر ليل

وما دام عندي قوة واستطاعه..
ما اميل.. مع ميلات الايام ماميل

عل وعسا.. يصرف لي الوقت طاعه
علّه يشيل من الثقيلات ما اشيل

وحسبي على اللي لي هرج كنْه اذاعه
ينقل على السان العرب شي ما قيل

ولا الومكم يا سامعين الاشاعه
مير انشدوا عني زحول الرجاجيل

انا رفيق الدرب مالي ذراعه
مني.. وخذ منّي عليها معاديل

ينلام من خلا رفيقه وباعه
في مهمهية يوم عند التماثيل

وقفت والموقف تطلّب شجاعه
وغيري هرب متسرسرٍ مثل ابو ثعيل

يا لايمي فينا الحميه وداعه
اوداعه يكتالها جيل من جيل

عشنا ومتنا .. والزمان انطباعه
عاشوا حلاحيلٍ وماتوا حلاحيل

تالله يا من يعتزي بي لراعه..
لاعوّضه في ملبس الذل باكليل..

واصنع له النصر المؤزّر صناعه..
واشعل له من العز روس القناديل..

فاليا شكرني!! .. ما بقا لي طماعه..
وان ما شكرني!! .. فالليالي مقابيل..

ما همني وصل الخوي وانقطاعه..
بس المهم اني بعينه.. كما اسهيل..

يا لايمي يكفي وهذي قناعه
قناعةٍ ما هي بتحتاج تبديل

رحنا.. وراحت.. والرفاعه رفاعه
والسالفه.. ما عاد تحتاج تطويل

[مبآركـ،]

حياك الله يا هتاش

قصيدهـ تحمل معاني رااائعه ..
صح السانك وأعتلا شانك ..

دمت بود وأحترآم

[الفارس الشواطي]

ونعم ملايييييييييييييييين
صح لسانك
قصيده واضحه ورأئعه

[هتاش]

مبارك الله يبقيا وصح بدنك

[هتاش]

ما عليك زوووود وصح بدنك يا الشواطي