هتاش
23-02-2014, 02:59 PM
العشق مجنونٍ ولا هو بصاحي=جنّن مشاكيل الرجال الحكيمه
شفني وانا راعي العلوم الملاحي=ما عاد فيني حاجةٍ مستقيمه
ما عاد فيني حاجةٍ تستباحي=من عقبْ ما كنت العديم الصتيمه
ولا عاد اميّز في المساء والصباحي=لي غاب خلي.. كل ابوها عتيمه
شبّ الهوى فيني.. بكل النواحي=لين اصبحت كل الجوارح رميمه
وخيول شوقي وسط صدري جماحي=كن الضلوع لها حواجز هشيمه
عقبه.. عرفت ان المحبه كفاحي=لو كان ظاهرها علاقه حميمه
وعقبه.. عرفت اني بدونه متاحي=للمسأله.. والمشأمه.. والظليمه
لي صار ظلم اللي نوده مباحي!!=ما عاد في الدنيا مظالم عظيمه
يسجني بكيفه.. ويطلق سراحي=قاضي.. وحكمه ماضيٍ في نديمه
و ش عاد لوّه ما يثمّن كفاحي!؟=يا ويل عمري .. والله انها جريمه
لا واهني اللي سهى واستراحي=ما حب له ريميةٍ من صميمه
همّه فياضٍ كلما ضاق راحي=في روضةٍ مع رفقةٍ له قديمه
تجلي همومه بالمرح والمزاحي=كنّه ملك دنياه من وسط خيمه
والا طريح الحب ما له مراحي=كن الجوارح من فرحها عقيمه
يدرج والى منّه خذا شوي طاحي=مثل الطفل.. وادناة كلمه تضيمه
داروه.. وادروا غلطته بالسماحي=واخْذُوا الأجر يا اهل القلوب الرحيمه
شفني وانا راعي العلوم الملاحي=ما عاد فيني حاجةٍ مستقيمه
ما عاد فيني حاجةٍ تستباحي=من عقبْ ما كنت العديم الصتيمه
ولا عاد اميّز في المساء والصباحي=لي غاب خلي.. كل ابوها عتيمه
شبّ الهوى فيني.. بكل النواحي=لين اصبحت كل الجوارح رميمه
وخيول شوقي وسط صدري جماحي=كن الضلوع لها حواجز هشيمه
عقبه.. عرفت ان المحبه كفاحي=لو كان ظاهرها علاقه حميمه
وعقبه.. عرفت اني بدونه متاحي=للمسأله.. والمشأمه.. والظليمه
لي صار ظلم اللي نوده مباحي!!=ما عاد في الدنيا مظالم عظيمه
يسجني بكيفه.. ويطلق سراحي=قاضي.. وحكمه ماضيٍ في نديمه
و ش عاد لوّه ما يثمّن كفاحي!؟=يا ويل عمري .. والله انها جريمه
لا واهني اللي سهى واستراحي=ما حب له ريميةٍ من صميمه
همّه فياضٍ كلما ضاق راحي=في روضةٍ مع رفقةٍ له قديمه
تجلي همومه بالمرح والمزاحي=كنّه ملك دنياه من وسط خيمه
والا طريح الحب ما له مراحي=كن الجوارح من فرحها عقيمه
يدرج والى منّه خذا شوي طاحي=مثل الطفل.. وادناة كلمه تضيمه
داروه.. وادروا غلطته بالسماحي=واخْذُوا الأجر يا اهل القلوب الرحيمه