في ربعي ال شبوة الاسود الاشاويس

[مسعود القحطاني.]

بديت اهوجس بالفكر يا صاحبي هوجاس
وقامت تلعب في عقلي انواع الهواجيس

انا الذي من بين الرجاجيل رافع الراس
وانا النوماس متوارث النوماس من النواميس

ماني راعي خمر او اصفق الكاس بالكاس
ولاني من مخاوين الردى مخاوين ابليس

انا الذي ذكري في المجالس مع الجلاس
اجالس جليس الخير وابعد عن اسوء جليس

احمر العين وافي الجد وطهور اللباس
ذيب امعط جزل العطا شبيه لكل القرانيس

احمد الله معروف اصلي من بين الاجناس
واحمد الله معدني ذهب ولاني نحيس

قحطاني الاصل واقولها وانا النوماس
من ال شبوه سناعيس ومن غيرهم سناعيس

في الحرب اشراس ونقطع رؤوس الانجاس
ولا نهاب الموت وندنس الجثث تدنيس

ربعي اللي لهم في عال الجبل مجلاس
وليا غدالهم غاد صاروا اسود مشاويس

ربعي اللي ملوا كل الارض غلا واحساس
حتى غدوا عند القبايل في ربوع الخواميس

ربعي اللي افعالهم يشوشون من باسها الناس
واليا ذكر فعلهم جابوه من بطن القواميس

في حزه بين شمس الضحى والظهر مقياس
مقياس عز وجود ورخاء مرجله مقاييس

ربعي اليا فزع منهم شجيع ليل خرماس
قبل طلوع الشمس راسه مع روس المحابيس

ما ينداس راس الشبوي ماهو بينداس
و يا عزتي له من فكر يدوس المقابيس

خساس من هو يدوسه يا سعد خساس
تبطي على شاربه لو خواله من العيس

هيس يتكلم في ظهر هيس وهياس
واليا تقابل به قال عنه اكرم نجيس

يا هيه ما تعرف الشبوي اليا اعتزاء جاس
جوه ربعه بسيوف وخيول كراديس

يا هيه حنا نلطخ الارض دم ويباس
لين العدو يسجد على ارض نصها مخيس

في الجو انشد عنا كل ما مر قرناس
وفي الارض انشد عنا كل شخص من قيس

كم محينا بثانيه كل طير وفراّس
وكم جعلنا شخص والي وهو ابن تيس

كم جعلنا العدو يتوجع من ضيق الانفاس
اليا فكر ان حنا نصبح له فريس

من الذهب والياقوت والقوت والالماس
والفص اصبح معدن عزنا اغلى نفيس

لبسنا ثوب الامن والرخاء اغلى لباس
في ظل ابو متعب هو نور الفوانيس

اللي مدته مده بحر ماهي طفاس
مده كريم اغنى بها جايعات الجواميس

شبع بها الجوعان والفقير المحتاس
ودعا له اليتيم في الليال الخراميس

ملك جاء من بعد ملك والابو داس
روس الافاعى لين كون المملكه بلا ليس

يالله ياللي بأمرك يزول الباس
ازل باس حاكمنا وخله معانا ونيس

طلبناك يا منزل الصمد والفلق والناس
طلبناك طلبه عبيد مالهم غيرك انيس

لان حاكمنا عبدالله عادته قوي باس
لا جاه ما جاه قال من رب العراميس

هذي من عين حاسد يبغى له خفاس
لين دموع عينه تنزل مثل دموع المعابيس

حاسد تقانا الله من عينه كما عين مقباس
اعبس وجه وافلس جيب جيوب المفاليس

الردي هو من ذم ربعه بين الاجناس
والقرم هو الي يمدح ربعه القرانيس

واللي يحسب ال شبوه له مفراس
حلمه مثل حلم الجنه للملعون ابليس

ابك حنا اللي انغرست فينا المرجله اغراس
واللي جهلنا ينشد عنا كل الغطاريس

صغيرنا ينطح من الخصوم اخماس واسداس
وكبيرنا يردع من الغادين الفين قويس

ما قلته انا ياسعد بين الاقواس
قالوه ناس لهم في الشعر مثل ادونيس

قصيدي ما اقول احسن من قصيد ابو نواس
لكن يجملني عند ربعي اللي هازمين البرابيس

وربعي اللي يدحمون الميراد لادقت الاجراس
حيث انهم في الحرب ما همهم المتاعيس

ما هم هل العود ولا هم هل المرواس
هم هل الدله والعباده كارهين المراويس

البارحه عيني انحرمت من لذه النعاس
من كثر ما اشوف في نومي كوابيس

الين استيقنت ان الحلم عند رب الاعماس
الله اللي خالق عرشه وعرش بلقيس

واحالي اللي تبكي علي كل الاجناس
من ضعف في الحيله والحال البئيس

يالله انك تعيذ حالي من كل وسواس
وساويس الشر واجد لعبنوا حي الوساويس

حالي تقل بن على ضوً فوق محماس
ما تفرق الضو عن حال به دواميس

وختام القصيدة يا ربعي الاسود الاشراس
صلوا على النبي محمد هو خير الاجانيس

عد وبل المطر وعد ماهب نسناس
وعد البروق اللي بالسماء تبرق نواقيس

[الفارس الشواطي]

ونعم ملاييييييييييييييييييييييييييييييين
صح لسانك يامسعود وربعك كفو يستاهلون