لو اني بحايل في مغن الكرامات

[الظور]

بسم الله الرحمن الرحيم


وليت يافوادي دخلت بمتاهات=امشي شمال واتلفت جنوبي

لوني بحايل في مغن الكرامات=ربعاً تشب النار قبل الغروبي

شمر هل الطاله على كل طالات=لاجيتهم در البكار محلوبي

ايام تاتينا بخير ومسرات=وايام علقوم المراره شروبي

بيني وبين احباب عيني مسافات=الي ليامن جيتهم رحبوبي

كبيرهم يخفي ورا العين عبرات=وصغيرهم متلزمن في بثوبي

وجدي عليهم وجد راعي معدات=في برحتن ومنافسينه حروبي

عليه دين ومن سوى الدين شيكات=وحل القضى لمطرممين الجيوبي

الشاعر

سعد ابن كدم

[فارس ال شايب]

الله الله
صح والله لسانك واعتلا فوق السماء شانك
قصيدة جداً رائعة ومن الصميم
وما اجمل مايأتي على الطبيعة
مفردات قيمة بارك الله فيك وتقبل مروري

[عاشق الوطن]

بينـي وبيـن احـبـاب عيـنـي مسـافـات
الـــــــــــي لـــيــــامــــن جــيـــتـــهـــم رحــــبــــوبــــي
كـبـيـرهــم يـخــفــي ورا الـعــيــن عــبـــرات
وصـغــيــرهــم مـتــلــزمــن فــــــــي بــثـــوبـــي

صح لسانك وعلى شانك

اجل داعج العين وش بيسوي

[فارس قحطان]

ياسلام يابوناصر


صح الله لسانك

[سفر بن مبارك]

المبدع والصادق في بوحه عندما يكتب تقرأ وتستمتع

بوجدانيات أبو محمد الذي لايجيدها سواه

كم نحن متعطشين لهذا الفكر النقي والملهم

لك فائق الإحترام على هذا الشعور الرائع .

[فارس القحطانيq6]

صح لسان الشاعر:

سعد ابن كدم

[مسعود القحطاني.]

ابن كدم صح الله لسانك من هنا للسماء


ي ليتنا نوصل بمستواك