كم سؤال!!؟؟ [الأرشيف] - شبكة قحطان - مجالس قحطان

مشاهدة النسخة كاملة : كم سؤال!!؟؟

بن دواس الحبابي

16-12-2005, 10:06 PM

السلام عليكم ورحمة الله وبركاته

وش حالكم ...عسااكم بخير

عندي كم سؤال :-

1-ماسبب انتقال قحاطين نجد إلى نجد ..؟؟ وهل فيه فرق بين عادات قحااطين الجنوب وعادات قحاطين نجد؟؟

2-...................(هذا السؤال حذف من قبل المراقب العام)

3- الشيخ سعيد بن مسفر من اي قبيلة في قحطان ؟

4-هذي اسماء من بعض الي شاركوا في مزاايين ام رقيبه ودي لو تذكرون قبيلته ومن اي القحاطين نجد ولا الجنوب:-

عمير بن فهد القحطاني؟؟

حمد غديف القحطاني؟؟

جمل بن شري؟؟

الفصام؟؟

هذي الاسئلة الله لايهينكم أفيدونا...

ابوفيصل ابن ادم

16-12-2005, 11:29 PM

بن دواس السلام عليكم ورحمة الله وبركاته

ليتك تحذف واحد من الاسله ولك خالص تحياتي 0واتمنا ان تفهم قصدي

أبومسفر القحطاني

17-12-2005, 12:48 AM

أرحب يابن دواس وباجاوبك على بعض اللي أعرفه والباقي الأخوان يجيبون عليه
الشيخ سعيد بن مسفر من قبيلة رفيدة قحطان من الوديين
جمل بن شري من المساردة عبيدة من تثليث
الفصام وانا اخوك الظاهر أنك تقصد راعي البعير الكبير (المجهم)راعيه دوسري
والمعذره هذا اللي عندي

أخوك:
أبومسفر القحطــــــــــاني

الوهابى

17-12-2005, 05:32 PM

السلام عليكم

-ماسبب انتقال قحاطين نجد إلى نجد ..؟؟

السبب معروف وهو الفقر والحرب وهذا الشى قبل مئات السنين وقبل الحكم السعودى والكل يعلم

وهل فيه فرق بين عادات قحااطين الجنوب وعادات قحاطين نجد؟؟

العادات اكثرها متفقه فيها جميع القبائل ولكن هناك فرق فى بعضها وكذلك يوجد اختلاف فى العادات بين قبائل

نجد وكذلك الجنوب ((لتوضيح اقصد ان هناك قبيلتين كمثال فى نجد لا يفصلها عن بعض سوا 100 ك م ويوجد اختلاف

فى اشيا كثيره وكذلك فى الجنوب))

شيخ قحاطين نجد كان هادي بن قرمله ..طيب في ذاك الوقت منهو شيخ قحاطين الجنووب؟؟

لا تحضرنى اجابه

الشيخ سعيد بن مسفر من اي قبيلة في قحطان = من رفيده

عمير بن فهد القحطاني؟؟ حمد غديف القحطاني؟؟ لا تحضرنى اجابه

جمل بن شري؟؟هو جمل ابن ناصر ابن جمل بن شرى المسردى الوهابى من عبيده قحطان

وهو رئيس مركز السبانى فى نجد وعمه جعفر ان جمل ابن شرى شيخ قبيله المسارده

الفصام؟؟ عبدالله ابن فهاد الفصام من ال بلحسن المسعرى الدوسرى هو دوسرى وهو رجل اعمال معروف

وتقبلو كل احترامى وتقديرى

بن دواس الحبابي

17-12-2005, 09:46 PM

أبوفيصل:

بدوون ألغاااز وقوول إلي عندك ..!!

أبومسفر القحطاني:

لاهنت وبيض الله وجهك.

الوهابي:

جزاك الله خير وبيض الله وجهك ...انت قلت السبب هو الفقر وو..إلخ طيب قحاطين الجنوب إلي إلى الآن في

الجنوب ليش مارااحوا نجد معهم؟؟

وهل صحيح ان فيه مشاكل بين قحاطين نجد والجنوب؟؟

الله لايهينكم نبي اجوبة الاسئلة الباقيه..!

عطيب الضرايب

17-12-2005, 10:05 PM

السلام عليكم ورحمة الله وبركاته

ابو مسفر القحطاني ارحب

الفصام من الدواسر .. وخوا له آ ل سويدان الجحادر قحطان..

والولد ان طاب طيبه من خواله .......................... هههههههههههههههههههههههههه

وشكرا للجميع

الوهابى

17-12-2005, 11:56 PM

قحاطين الجنوب ليش مارااحوا نجد معهم؟؟

اكيد بقو فى الجنوب لضروف معيشتهم او لضروف اخرى

وهل صحيح ان فيه مشاكل بين قحاطين نجد والجنوب؟؟

اخوى المشاكل على مستوى البيت وعلى مستوى القبيله وعلى مستوى المنطقه وعلى مستوى الدول

ولكن ليست بالمشاكل الكبيره وهم فى الاول والاخير عيال الشايب كلهم

شيخ قحاطين نجد كان هادي بن قرمله ..طيب في ذاك الوقت منهو شيخ قحاطين الجنووب؟؟

محمد ابن هادى ابن قرمله كان شيخ القحاطين فى نجد او كان يقول عليهم وله قصه طويله فى نجد وحروبه مع اكثر القبائل

اما فى الجنوب فكان رجل يدعى ابن صمان من قبيله رفيده

وبعد وفاه ابن قرمله وانتها الفتره التى عاشتها الجزيره العربيه من حروب وتم الحكم السعودى او ال سعود اعزهم الله

اصبح ابن دليم شيخ شمل قبايل قحطان ووادعه واستمرت الامور الى يومنا هذا

تقبلو كل احترامى

بن دواس الحبابي

18-12-2005, 03:02 PM

جزاك الله خير ياعطيب الضرايب ويالوهاابي

ولاتنسوون بااقي الاسئله

عيفان

18-12-2005, 05:08 PM

اولاً في اعتقادي انه مافيه قحاطين جنوب ونجد لأنه قحطان واحده وكلهم اعوال الشايب والى زد فيها وقل قحطان الشرقية الخ......؟

اما بخصوص الى شاركو في مزااين ام رقيبة فهم

حمد بن غديف من العجلان من آل سعد

عمير بن فهد من النقحين من آل روق

واما البقين اعتقد ان الاخوان ماقصرو وضحولك منهم منه وسلامتك يا وجه عبداله .

عيفان

الوهابى

18-12-2005, 06:09 PM

السلام عليكم ورحمة الله وبركاته

شكرا لتوضيح اخوى عيفان

المحيط

19-12-2005, 08:29 PM

بن دواس الحبابي]أبوفيصل:

وهل صحيح ان فيه مشاكل بين قحاطين نجد والجنوب؟؟

يعجبني بعض الرجال لين يتكلم

والله كلامك ذا ما وراة الا فتنة مصطنعة

اتمنى من المشرفين التنبة وحذف مثل هذة الاسئلة اللي مالها داعي

شكرا

بن دواس الحبابي

19-12-2005, 09:49 PM

ابن عيفان مشكور لردك ولكن بودي اعرف قبيلتهم مثلا رفيدي , عبيدي , حبابي , جحدري ....إلخ
وهل هم من نجد ولا الجنووب

بن دواس الحبابي

19-12-2005, 09:57 PM

بالنسبة لللمحيط

كلن يرى النااس بعين طبعه ..

ولاتحلل الامور على كيفك

بالنسبة لسؤالي ماافيه شي واتحداااااااك إذا احد يقول فيه شي لكن إلي تفكيرهم زي تفكيرك ويدورون المشااكل بيقولون زي مااقالت

ياخي تبي تجاوب على الأسئلة تفضل اما إذا جاي تسبب فتن فالفتن خلها لك

قال إيش قال فتنة مصطنعه والله ردك هو اكبر فتنة...

لاحول ولاقوة إلابالله

الوهابى

19-12-2005, 10:38 PM

السلام عليكم ورحمة الله وبركاته

اخوانى نحن هنا نبحث عن الفائده لا الفتن والمشاكل

على العموم حصل خير وكلنا اكبر من اى شى

تقبلو كل احترامى

ابوفيصل ابن ادم

20-12-2005, 12:18 AM

بن دواس ليسا هناك الغاااز وعند اكمل 30 مشركه سوف ابلغك ماهو قصدي

اللمحيط (الله لايجيب المشاكل بعدين قحطان نجد هم قحطان الجنوب وقحطان الجنوب هم قحطان نجد

قبائل وعوائل مشتركه هنا وهناك)

بن دواس الحبابي

20-12-2005, 03:31 PM

حيااك الله يالوهاابي

يعجبك في الرجال إلي إلا منه تكلم يقطر عسل مو يقطر فتن ...الله يهدي الجميع

منصور عبدالعزيز الرفيدي

21-12-2005, 02:27 PM

السلام عليكم ورحمة الله وبركاته
لماذا لم يذهب قحاطين الجنوب الى نجد؟
اما عن الذين في نجد فشدو اما لقلة الموارد او لحقن الدماء بين ابناء العمومة
واما عن الجنوب فهناك اناس لو مات جوعا لايشد عن بلاده للذكريات التي تحضره
وشكرا

بن دواس الحبابي

21-12-2005, 04:31 PM

حياك الله يامنصوور ومشكور على المرور

فارس قحطان

22-12-2005, 08:26 PM

السلام عليكم ورحمة الله وبركاته

اليك اخي بعض الاجبات التي استطيع ان اجيبك عليها

1-ماسبب انتقال قحاطين نجد إلى نجد ..؟؟ وهل فيه فرق بين عادات قحااطين الجنوب وعادات قحاطين نجد؟؟

السبب هو للتنوع في العيش وطلب الرزق
وبحثاً عن الماء والكلاء

وقد توجد هالك اسباب اخرى نجهلها !!

اما بالنسبة للفرق في العادات نعم فيوجد فرق في العادات
ولكن ليست بالفروق الكبيره
وحتى في الجنوب هنالك قرى تختلف عن عادات القرى المجاوره وكذلك الحال في نجد
والقحاطين الآن منتشرون في كل انحاء الجزيره
فمنهم في المنطقه الشرقيه ودول الخليج غير نجد والجنوب

3- الشيخ سعيد بن مسفر من اي قبيلة في قحطان ؟

لا أعلم

4-هذي اسماء من بعض الي شاركوا في مزاايين ام رقيبه ودي لو تذكرون قبيلته ومن اي القحاطين نجد ولا الجنوب:-

عمير بن فهد القحطاني؟؟

من آل روق من الجحادر قحطان

حمد غديف القحطاني؟؟

من آل سعد من الجحادر قحطان

جمل بن شري؟؟

من المسارده من ولد الحارث من عبيدة قحطان

الفصام؟؟

من الدواسر

هذا والله أعلم

بن دواس الحبابي

22-12-2005, 10:57 PM

مشكوور يافاارس قحطاان

ولا هنتوا وبيض الله وجيهكم....

أبومسفر القحطاني

23-12-2005, 02:57 PM

أشكر الاخوان وللتوضيح قليلا
شيخ قحطان الجنوب الشيخ غشام آل سالم وكان أميرا على رفيده ومن ثم على قحطان الجنوب(وآل صمان من سلالتهم)وكذلك(ابوساق)شيخ آل فاطمة من يام هو من سلالة آل سالم
ومن المعروف ان رفيده الى الآن لايوجد لهم شيخ شمل من بعد بن سالم رحمه الله[line]
اما بالنسبة لعدم هجرة قحاطين الجنوب الى نجد فمن المعلوم عند اغلبية الناس ان اهل الجنوب الى وقتنا الحاضر وهم يحبون بلادهم وعيسانهم و يبذلون النفس مقابل بقاء الآراضي لهم فما بالكم بماضي الآباء والأجداد هذا من أهم الأسباب...والله أعلم[line]
بن دواس الحبابي
ووجهك ابيض[line]
عطيب الظرايب
أرحب انت وانت الصادق ولا عليهم زود الدواسر

أخوكم:
أبومسفر القحطــــــــــاني

الضويري

24-12-2005, 02:24 PM

سبب نزوح جزء من قحطان الى نجد راجع لطبيعه عيشهم حيث انهم بدو رحل يرعون ماشيتهم وكانوا في الخوايس في عاليه تثليث وعندما كثرو وضاقت بهم الخوايس حدرو على نجد اللتي ليست غريبه عليهم واخرجو مطير منها واستقرو بها وورث الخوايس بعدهم ابناء عمومتهم من ال شريف الحباب ولا علاقه لحب الارض والوطن دخل والتباهي بذالك فمن يزرع غير اللذي يرعى ويتبع الحيا فليس كل قحطان باديه وامر الله بين الكاف والنون وسيل العرم شتت قوم ايضا يحبون وطنهم ولهم فيها حضاره عظيمه ولكنها مشيئه الخالق .

النايب

24-12-2005, 04:37 PM

عيفان

24-12-2005, 05:37 PM

الاخ ابن دواس حمد بن غديف من آل سعد من الجحادر ومنطقتهم يقاله نمار بلقرب من القويعيه ، وعمير من أل روق من الجحادر من اهل نجد . وسلامتك

عيفان

الضويري

26-12-2005, 12:41 AM

اخوي عيفان لاهنت على التوضيح وحسب فهمي المتواضع ان نمار هو شعيب يخترق الرياض من غرب وهوا احد روافد وادي حنيفه العظيم والامار احدى هجر ال سعد في القويعيه.
وتقبل تحياتي

بن دواس الحبابي

26-12-2005, 02:08 PM

الفرعينى

27-12-2005, 01:08 PM

اما بالنسبة لعدم هجرة قحاطين الجنوب الى نجد فمن المعلوم عند اغلبية الناس ان اهل الجنوب الى وقتنا الحاضر وهم يحبون بلادهم وعيسانهم و يبذلون النفس مقابل بقاء الآراضي لهم فما بالكم بماضي الآباء والأجداد هذا من أهم الأسباب...والله أعلم[line]

انا اشهد انك صدقت يا ابو مسفر

منصور عبدالعزيز الرفيدي

27-12-2005, 02:45 PM

السلام عليكم ورحمة الله وبركاته
يأبن دواس (كلن على همه سرا وانا على همي سريت) ممكن تجد اخوان الاول طائع لله والثاني عاصي لله
ولو ان كل الناس لهم نفس الذوق لخسر مطعم (ماكدونالد) ولربح مطعم (البخاري) وانا لاأستهزي ولكن هذه طريقة للتوضيح
ولكن اتوقع ان السبب هو حقن الدماء بين ابناء العمومة وشكرا

أبومسفر القحطاني

27-12-2005, 03:03 PM

بن دواس الحبابي

27-12-2005, 06:08 PM

لاهنتواااااا

وبيض الله وجيهكم

اختلفت الاسبااب ......:)

الضويري

28-12-2005, 08:28 PM

في الزمن السابق النزول في نجد ليس نزهه او تخييم او تغيير جو ولا كل من اراد ان ينزل في نجد كان له ذالك فهناك تضحيات ومصادمات لا يقوى عليها اي احد او اناس هاربين من اجل ثار او دم فالوجود في نجد معناه الاستنفار الدائم
فمن المعروف ان الجحادر باديه كانوا يستوطنون عاليه تثليث وقد كثر حلالهم وابلهم وهم كثرو كذالك وازداد تدخلهم في نجد مما ادى الى مواجهات مع مطير انتهت بخروج مطير من نجد واستقرار الجحادر قحطان في نجد وفتح الباب على مصراعيه امام قبائل قحطان الاخرى للتواجد في نجد بل وحتى الامتداد الى الاحساء مثل قبيله بني هاجر اللتي كانت مدعومه من ابن هادي رحمه الله واسكنه فسيح جناته

يقول شليويح العطاوي العتيبي

يالايمي جعل الفهر يذبحونه ................... ولا الجحادر مبعدين المراميس

فهنا يتمنى الشاعر ان يقتل من يلومه على يد قوم يضرب بهم المثل في القوه والبطش وهم الفهر عبيده قوم ابن شفلوت والجحادر

كما ان قبائل قحطان في تحرك دائم مابين نجد وتثليث والحساء ولم يكن هناك مفهوم قحطان نجد او الجنوب

يقول مناحي ابن سعيدان شيخ ال عاطف

سامحيني يانجد ثلاث سنين .............. مادام تثليث زاهي مرعاه

ومن المعروف ان تثليث تعتبر من حدود نجد وهوا عمق قحطان ولا شك بذالك

خلاصه القول لايمكن اتهام الجحادر انهم لا يحبون ارضهم ومراعيهم السابقه وكذالك اتهام من بقي في مكانه انهم جبناء
لكن كل وطبيعه عيشه

سيف القحطاني

29-12-2005, 01:39 PM

تسلم يخوس علي هالمشاركه الجميله

بن دواس الحبابي

31-12-2005, 03:41 PM

تسلم يخوس علي هالمشاركه الجميله

..؟؟؟

بن دواس الحبابي

31-12-2005, 03:51 PM

خلاصه القول لايمكن اتهام الجحادر انهم لا يحبون ارضهم ومراعيهم السابقه وكذالك اتهام من بقي في مكانه انهم جبناء
لكن كل وطبيعه عيشه

حياك الله اخوي الضويري :
لكن على اي اساس يتهم من بقي في مكانه بانه جبان؟؟

المشبهاني

31-12-2005, 07:19 PM

السلام عليكم ورحمة الله وبركاته ....

نزول الجحادر الى نجد كان بسبب ما ذكره اخوي الضويري الله لايهينه ...

وذكر الرواة ايضا ً - ومنهم العلامة عبدالله بن خميس - ان نزول الجحادر تحت رئاسة الامير عثفر العماج ( رحمه الله ) كان بسبب القحط الذي اصاب ديارهم .. وكانت نجد آنذاك من افضل اماكن الرعي ( وسبحان مغير الاحوال ) .. ولذلك شهدت نجد حروبا ً قبلية لا حصر لها من اجل الاستيطان ثم السيطرة ...

فالامير العماج ( رحمه الله ) يقول :

يـعـجــبـك يـاشــول نـســـوقـه مـهــازيـل
طــــــــــاح الـحـيا في ديــرة غـيــر داره

نـنــطــح بـصـبـيـان الـجـحــادر مـغـالـيل
جـــحــادر ٍ تــلـطــم سـواة الــنــمــاره

ولكن الجحادر لم ينزلوا الى نجد كلهم دفعة واحدة في نزول ٍ واحد .. بل سبقه نزول متدرج .... ومن المناخات التي اشترك فيها الجحادر في نجد كان مناخ الخرج الثاني بين الدواسر وآل مغيره عام 999 هجري ... وفيه فزع آل روق مع الدواسر ضد آل مغيره ومعهم سبيع والسهول والفضول وقتل فيه مرزوق بن معيض من آل روق .. وخلف بن عصاي شيخ المساعرة من الدواسر ... ورميح بن فهيد شيخ الشكرة من الدواسر .. وخليف بن هداي شيخ الغييثات ... كذلك قتل فيه من آل مغيره راضي بن هزاع ... ومن سبيع جبر بن قاعد .... ومن السهول مغضب بن بشر ...وهؤلاء شيوخ ومشاهير في ذلك الوقت .

وقبل هذا المناخ شارك الجحادر بمناخ الحرملية عام 980 هجري ... ومناخ الخرج الاول عام 998 هجري . وهذه المناخات تعتبر اول دخول لقحطان في نجد ومشاركتها في الصراعات القائمة قبل النزول الاكبر للجحادر ومن ثم ازاحتهم لقبيلة مطير واستيلائهم على نجد . وخلال هذه الفترة حدثت مناخات كبيرة بين قحطان وقبائل نجد كان ابرزها :

مناخ البخرا بين قحطان والدواسر عام 1050 هجري ( انتصرت قحطان )

مناخ الحرملية الثاني بين قحطان والدواسر عام 1060 هجري ( انتصرت قحطان )

مناخ بين قحطان والدواسر عام 1064 هجري ( ويسمى بالمقتلة العظيمة لكثرة القتلى بين الطرفين )

مناخ الخرج بين قحطان والدواسر عام 1068 هجري ( قتل فيه الكثير من الطرفين ومنهم طلب بن حواش من الدواسر )

مناخ الانجل بين قحطان والفضول عام 1075 هجري ( انتصرت قحطان )

مناخ الحرملية بين قحطان والدواسر عام 1089 هجري (انتصرت قحطان )

وللمعلومية ... فقد حدث خلال هذا القرن 8 مناخات دموية في نجد بين قحطان والدواسر .. كان اولها مناخ الرين عام 1023 هجري .. وآخرها مناخ الحرملية عام 1089 هجري .

لذلك فان نزول الجحادر لنجد كان تدريجيا ً وبأسباب البحث عن مراعي للابل ...ولم تكن نجد مرعى لكل من اراد الرعي ...!! بل هي كما ذكرها الرواة ( نـجـد لـمـن طـالـت قـنــاتـه ) .

علي بن شافع العنبسي

31-12-2005, 11:01 PM

بسم الله

عندنزول الجحادر الي نجد ينشد احد شعرائهم مفتخرا با الجحادر وهم يستاهلون المدح والفخر

وهم الذين من اشار لهم الشيخ جمعان الشواطي في احد قصائده بقوله

تثليث صبيان الجحادر تحله = بنو بيوت مثل سود القعومي

اما شاعرهم فهو من المشاعله يقول

مرب جدنا بوادي الخوايس = وخميس عبيده تر وثنا فيه

خذنا الوادي المسما قلاعه = في جر تثليث نزلنا فيه

وملكناها ليا سوق الحسا = وشيوخنا متبلدين فيه

ترعى غنمنا في شدوق ابلادنا = ومورث الجدان مانصخيه

نكرم الظيفان ونعز جارنا = عقب صبي مذهبه ناسيه

فيا راكب فوق اربع شبهتها = لون القطا قد الظما حاديه

الاوله منها تنصا هادي = لا يحسب ان الهرج متعديه

وثنتين منها تنصا ال رويشد =هم قل لهم كل على طاريه

اووحدتن منها تنصابن فاريه =لا يحسب اني في النشيد ناسيه
قل له يعلمهم بحد ابلادنا =هرجه مليح مشرعين فيه

ختم جوابي با الصلاة على النبي = ماقلت شي با تنقد فيه

الضويري

01-01-2006, 08:15 AM

اخوي ابن دواس الحبابي

يتهمهم من لا يثمنهم ويلقي بالتهم جزافا دون علم او درايه فأتهام الجميع بماليس في محله خطأ
الجحادر بدو رحل الصحراء موطنهم يحبون ابلهم وماشيتهم
وحاضره قحطان يغلب عليهم الطبيعه الزراعيه وهي مصدر عيشهم ولايوجد مجال للمقارنه بين الطبيعتين والتماري بحب الارض

اخوي المشبهاني

لاهنت على اضافاتك الرائعه وحماسك منقطع النظير

اخوي ابن شافع

في كل ردودك اجد معلومه جديده , لاعدمتك يالغالي

بن دواس الحبابي

01-01-2006, 02:28 PM

لاهنت يالمشبهااني على مشااركتك ....

مشكوور يالعنبسي على ردك

لاهنت يالضويري ...لكن فيه سؤاال ...الحين من كل القحااااطين مافيه إلاالجحادر بدو؟؟!!الاجاابه اكيد لا

الضويري

01-01-2006, 03:21 PM

طبعا لا اخوي ابن دواس فأنا اضرب مثلا فقط هناك في نجد الفهر وال الجرو بن نهار والمسارده والحماله و من الحباب وبني هاجر في الشرقيه من غير الجحادر وجلهم بدو رحل وفروسيتهم معروفه و في باديه تثليث كذالك من غير الجحادر ويشاطرون الجحادر نمط معيشتهم والقحطاني قحطاني سواء باديه او حاضره
وتقبل جزيل الشكر

بن دواس الحبابي

02-01-2006, 05:51 PM

لاهنت يالضويري...:)

عبدالرحمن بن عتيق

08-07-2007, 04:03 AM

شكراً على هذا الموضوع الجيد

حسين العبدي

08-07-2007, 02:49 PM

السلام عليكم ورحمة الله وبركاته

اولا انا ضد قول قحاطين الجنوب وقحاطين نجد وقحاطين الشرقيه الخ....... .

عندما تفرق القبائل في الامكنه معناه تفرقة اصولها

مثال

قبائل بلحارث العزيزه

يحق للسائل ان يسأل عن حرّث نجران أو حرث بيشه أو حرّث الطائف لان هذه القبائل تتطابق في الاسماء وتختلف في الجد.

اما قحطان فهم انفسهم في اي بقعة من الجزيرة العربيه بل انني اعرف اسر معرفه شخصيه احدى تلك الاسر بعض افرادها في نجد وبعضهم في الجنوب. وهي اسره واحد.. اليس من الظلم ان نقول لنصف هذه الاسره ممن يقطنون في نجد قحاطين نجد!!!! والنصف الاخر قحاطين الجنوب؟؟!!!!

اليس من قلة المعرفه ان نقول هل انت هاجري ام قحطاني؟؟!!

بالنسبه لنزول قحطان في نجد لايستغرب على القبائل هم او سواهم نزولهم في اي مكان في عصر كان فيه البقاء للاقواء.

تشد القبائل من بلاد وتنزل بلاد والقوة تفرض سيطرتها على اي مكان تريده.

شيخ قحطان ابن قرمله ومن المعروف انه كان لايقول انا شيخ اهل نجد بل انه عرف عنه قوله قحطان كلهم عيالي تلك العباره التي سمينا بها ( عوال الشايب ).

شيخ قحطان اهل الجنوب عباره لم نسمعها الا على مدة شيخة ابن دليم( وارجو ان لايفهم قولي هذا على انه تقليل لشأن ابن دليم ولكن هذا ردي على الاخوه اللي يقولون كان هناك شيخ رفيدي على قحاطين الجنوب والا ابن دليم ماتشيخ الا وهو كفو ان شاء الله ) اما وقت الجهل والحروب لم يعرف هذا الشي.

بالنسبه لمن شاركوا بام رقيبه اجابوك الاخوان اجابه كافيه والفصام دوسري معروووف ومن اعيان الدواسر.

بالنسبه هل هناك مشاكل بين قحطان في نجد والجنوب سؤال لااجد الاجابه.

عبدالرحمن بن عتيق

09-07-2007, 11:21 PM

سبب انتقالهم الفقر والحروب

أبومسفر القحطاني

14-07-2007, 06:56 AM

السلام عليكم ورحمة الله وبركاته
أرحبوا يارجال والله يحيي كلن بسمه ويحيي الاول والتالي ماقصروا الأخوان على الردود الوافية لكن عندي تعقيب بسيط بالنسبة للمشيخة فاعلموا بارك الله فيكم بأن مشيخة قحطان في السابق لم تعرف إلا في ثلاثة فرسان وهم:
غشّام بن عامر آل سالم الرفيدي القحطاني (هذه الحقيقة رضي من رضي وأبى من أبى)
محمد بن هادي بن ( قرملة ) السحيمي الجحدري القحطاني ( هذه الحقيقة رضي من ر ضي وابى من ابى )
محمد بن دليم (ابو لعثة) الملاطي الشريفي القحطاني ( هذه الحقيقة رضي من رضي وأبى من أبى ) ولا زالت لديهم المشيخة إلى وقتنا الحاضر .

كل واحد تسمى من هؤلاء ( بشيـــــــــــــــــــــــــــــــــــخ قحطـــــــــــــــــــــــــــان ).. وبعيداً عن العاطفة وحتى لو لم تكنّ له جميع قبائل قحطان بالولاء اما بسبب البعد أو بسبب المشاكل القبلية... الخ ولكنهم شيوخ قحطان
وكلن من هؤلاء كان له جهود بارزة لقبيلة قحطان والولاء مؤازرةً لبن سعود... والله أجل وأعلم

أخوكم:
ابومسفر القحطـــــــــاني