مشخل الدله
09-12-2013, 10:16 PM
بسم رب البشر عالم سرايرها = نبتدي سبكة المعنى وتركيبه
منشي المزنه الغرآ وماطرها = مجري الريح تشريقه و تغريبه
رافع السبع سبحانه وفاطرها = وخافض السبع جل و جل ترتيبه
خالق الخلق علًام بظمايرها = مشفي العبد لو كثرت متاعيبه
نسألك تعفي الزله و تغفرها = يا غفورٍ من الزلات نلجيبه
يا الاهن بعث للعالم اطهرها = يا لطيفٍ بعبدك لو كثر عيبه
جتك روح الضعيّف وانت خابرها = يالله ألطف بحاله وانت تدريبه
عبدك اللي فروضه ما يوخرها = ما نزكي على الله منهج الشيبه
شايبٍ سيرته بالطيب عطرها = اسم ابو حسين من طيبه نماريبه
ساق رجله على العلياء مسيّرها = حثّها واعتلت عالي مراقيبه
يعشق المرجله راسه ويذخرها = يكره البخل .. ويكثّر تراحيبه
المنازل يعمّرها لزايرها = رحمة الله على مكمل مواجيبه
شايبٍ كفّه اليمنى مسخرها = للعطى والسخى والجود والطيبه
عيبه إليا لفته قروش بذّرها = يكره المال ما يفرح بتقريبه
قِبلة اللي عذاب الفقر عزّرها = راعي الحاجه ايخلّص مطاليبه
أكرم إمن العدود الصافيه وأرهى = واصدق إمن المطر لا سيّل شعيبه
التراحيب للضيفان يكثرها = اجودي ما يصّر المال في جيبه
كل يومٍ وسكينه يقطّرها = ذي تجي بمرقة ذي من عذاريبه
ضيفته منتهى الضيفات وأخيرها = ما يحسب الخساير من مكاسيبه
شاع جوده مع العربان بديرها = مثل ذكر ابن حمده شاع من طيبه
من بدر لين تثليث وجحادرها = سمعت آل الهوى ما شابها ريبه
شايبٍ زلّة ابن العم يطمرها = يكره الهيّنه والجزل يحري به
محزمٍ للقبيله في محاضرها = يارد العد ويصفّي مشاريبه
صامل الراس لا ثارت ذخايرها = تخنع الروس من قوّة مضاريبه
شايبٍ يدعس الهزله ويقبرها = ما يعرف الردى والزور والغيبه
سيرته تطلق لساني مفاخرها = اتنومس بذكر العود واحكيبه
المعاني تحركها مشاعرها = من غلا شايبٍ ذكره نماريبه
امّنوا في بيوت القاف وآخرها = رحمة الله على مكمل مواجيبه
عبدالهادي بن سعد ال الهوى
منشي المزنه الغرآ وماطرها = مجري الريح تشريقه و تغريبه
رافع السبع سبحانه وفاطرها = وخافض السبع جل و جل ترتيبه
خالق الخلق علًام بظمايرها = مشفي العبد لو كثرت متاعيبه
نسألك تعفي الزله و تغفرها = يا غفورٍ من الزلات نلجيبه
يا الاهن بعث للعالم اطهرها = يا لطيفٍ بعبدك لو كثر عيبه
جتك روح الضعيّف وانت خابرها = يالله ألطف بحاله وانت تدريبه
عبدك اللي فروضه ما يوخرها = ما نزكي على الله منهج الشيبه
شايبٍ سيرته بالطيب عطرها = اسم ابو حسين من طيبه نماريبه
ساق رجله على العلياء مسيّرها = حثّها واعتلت عالي مراقيبه
يعشق المرجله راسه ويذخرها = يكره البخل .. ويكثّر تراحيبه
المنازل يعمّرها لزايرها = رحمة الله على مكمل مواجيبه
شايبٍ كفّه اليمنى مسخرها = للعطى والسخى والجود والطيبه
عيبه إليا لفته قروش بذّرها = يكره المال ما يفرح بتقريبه
قِبلة اللي عذاب الفقر عزّرها = راعي الحاجه ايخلّص مطاليبه
أكرم إمن العدود الصافيه وأرهى = واصدق إمن المطر لا سيّل شعيبه
التراحيب للضيفان يكثرها = اجودي ما يصّر المال في جيبه
كل يومٍ وسكينه يقطّرها = ذي تجي بمرقة ذي من عذاريبه
ضيفته منتهى الضيفات وأخيرها = ما يحسب الخساير من مكاسيبه
شاع جوده مع العربان بديرها = مثل ذكر ابن حمده شاع من طيبه
من بدر لين تثليث وجحادرها = سمعت آل الهوى ما شابها ريبه
شايبٍ زلّة ابن العم يطمرها = يكره الهيّنه والجزل يحري به
محزمٍ للقبيله في محاضرها = يارد العد ويصفّي مشاريبه
صامل الراس لا ثارت ذخايرها = تخنع الروس من قوّة مضاريبه
شايبٍ يدعس الهزله ويقبرها = ما يعرف الردى والزور والغيبه
سيرته تطلق لساني مفاخرها = اتنومس بذكر العود واحكيبه
المعاني تحركها مشاعرها = من غلا شايبٍ ذكره نماريبه
امّنوا في بيوت القاف وآخرها = رحمة الله على مكمل مواجيبه
عبدالهادي بن سعد ال الهوى